Diɛt 50:22 - JAM DE NHIALIC 2011

²² “Piɛŋkï kënë, wek kɔc ee nïïm määr në Nhialic, ke we cä bï riɔ̈ɔ̈k, ku acïn raan bï we luök.

Diɛt 50:22 ပူးပေါင်းရင်းမြစ်များ

2 Tham 22:42

Ayek kuɔɔny kɔɔr, ku acïn raan kony keek, ayek Bɛ̈nydït cɔɔl ku acïï cɔ̈tden ee bɛ̈ɛ̈r.

Jop 10:7

Na cakaa nɔn ŋic Yïn en luɔi cïn en kë cä wööc, ke acïn raan bï ya luäk bei në Yïcin.

Jop 8:13

Yen kë ee rɔt luöi raan ee nɔm määr ë Nhialic ëbɛ̈n ka, aŋäth de kɔc reec Nhialic ee guɔ riäär,

Diɛt 10:4

Kɔc rac acïkï ee diɛɛr në Bɛ̈nydït, aye lɛcden ke tɔ täk nɔn ye Nhialic ɣɔ̈ric.

Diɛt 7:2

na cie yen ka bïk ɛn rɛtic cït man ë köör, ku thimkï ya në thïïm ku acïn raan däŋ bï ya luök.

Diɛt 9:17

Ku kɔc ee kërac looi ayï juöör reec Nhialic, abïk lɔ kedhie paan ë thuɔɔu.

Diɛt 9:18

Ku kɔc kuanynyïïn, acïï keek bïï kɔn rɛɛc, ku aŋäth de kɔc cïn käŋ acïï bï dhɔ̈ŋic aɣet athɛɛr.

Wɛ̈ɛ̈t 7:14

Ye piɔ̈u miɛt në akööl piɛth, ku akööl ke nuan, ye takic ayadäŋ nɔn Yen Nhialic Yen ee keek looi kedhie, ku acïn raan ŋic kë bï rɔt lɔ̈ɔ̈k looi miäk.

Yith 51:13

Cäk nïïm guɔ määr në Bɛ̈nydït, raan ë cak week, raan ë thieth paannhial ku tɛ̈ɛ̈u këërkëër ke piny piny? Eeŋödäŋ ya wek tɔ̈u në riɔ̈ɔ̈c yic në agönh de kɔc yɔŋ week, kɔc kɔɔr bïk we riɔ̈ɔ̈k? Agönhden acïï week bï bɛ riɔ̈ɔ̈k.

Jeremia 2:32

Duëër tiiŋ koor nɔm määr në kuatdɛn adhääp, ku nɔn ee yen nyan thiak duëër nɔm määr në lupɔɔkɛn ke thiëëk? Ku kɔckï acïk nïïm määr në Yɛn në nïn juëc cïï ke duëërë kueen.

Edhekiɛl 18:28

Acï kë ye looi jɔ ŋic go luɔi de awɛ̈ɛ̈c pɔ̈l, ke yen ë yic acïï bï thou, abï jɔ tɔ̈u ke pïïr.

Ɣodh 13:8

Wek bä gëëm cït man köörayuääl cïï mïthke jɔt. Ku rɛt weyiic aköl. Wek bä rɛtiic, ku cuɛt week cït man ë köör.

Ɣodh 4:6

Kɔckï abä keek riɔ̈ɔ̈k në biäk kuc kek Ɛn. Në baŋ cä wek ŋïnydï rɛɛc wek bäny ke kake Nhialic, wek cä keek jäi, ka wek cïï bï bɛ ya bänykiën ke kake Nhialic. Në luɔi cä wek nïïm määr në löŋ de Nhialicdun, Yɛn bï nɔm määr ayadäŋ në mïthkun.

Ɣodh 5:14

Në biäk bän rɔt dɛ̈ny kɔc ke Yithriɛl cït köör, ku dɛ̈ny rɔt kɔc ke Juda cït man ë ŋun ë köör. Abä keek rɛtiic Yɛn guöpdï, ku nyääŋ keek piny. Abä keek kuaath, ku acïn raandɛn bï keek luäk bei në yaciin.

Amoth 2:14

Ku raan ŋic riŋ acï bï ban, ku kɔc ril, riɛlden acï bï tïc. Ayï jööt ke tɔŋ acïkï röt bï lëu në kuny aya.

Maika 5:8

Ku kɔc lik ke Yithriɛl cï döŋ apïr ayadäŋ, abïk nu në juöör juëc yiic cil. Abïk jök cït köör nu në läi yiic roor, ku cïtkï ŋun ë köör cï lëu amɛ̈l yiic. Abïï kake dhuööŋ yiëth ke cïn raan luäk keek.

Ɣagai 1:5

Aye Bɛ̈nydït de rɛm lueel an, Cäkï kë bï rɔt pɔ̈k week ee tïŋ?

Luk 15:17

Na wën, aacï nɔm jɔ bɛ̈n, ke jɔ lueel an, ‘Kɔc ee luui ë wëu tëde wäär yek dï, kɔc ee kuɛth ë kuïn ku yek kɔ̈k both, ku yɛn, yɛn thou we cɔk!

Nyöŋ 32:18

Acïk nïïm määr në Nhialicden, Awärjäŋ Konyden, raan ë gëm keek pïïr.

Nyöŋ 32:39

“Ee yɛn aye Nhialic yatök, acïn yanh däŋ tɔ̈u në yalɔ̈ɔ̈m. Yɛn ee näk, ku yɛn ee wëi gam, yɛn ee bɔ̈t looi, ku yɛn ee pial de guöp bɛ̈ɛ̈i.