Diɛt 50:14 - JAM DE NHIALIC 2011

¹⁴ Miɔc Nhialic në miɔ̈c de thieithieei, ku gämë Nhialic Awärjäŋ këduön cï yïn gutguut lueel.

Diɛt 50:14 ပူးပေါင်းရင်းမြစ်များ

Jop 22:27

Abä lɔ̈ŋ ku abï këdu piŋ, ke yïn bï këduön cïï yïn kuëŋ looi.

Diɛt 147:1

Lɛckï Bɛ̈nydït! Ee këpiɛth buk Nhialinyda aa piɔɔny ë diɛt, ee këde miɛtëpiɔ̈u ku ee yic buk aa piɔɔny.

Diɛt 22:25

Bɛ̈nydït yïn bä leec në akutnɔm de kɔcku nïïm ë biäk de kë cï looi, në kɔc ee yïn lɔ̈ŋ nïïm yɛn bï miɔ̈c näk cän gutguut lueel gäm yïn.

Diɛt 22:26

Kɔc kuanynyïïn abïk cam abïk kuɛth, ku kɔc ee Bɛ̈nydït ŋɔ̈ɔ̈th abïk Bɛ̈nydït leec. Piɔ̈ndu abï tɔ̈u aɣet athɛɛr.

Diɛt 27:6

Ka yɛn bï kɔc de wok ater nu ë yalɔ̈ɔ̈m tiaam. Në diɛt ke miɛtëpiɔ̈u yɛn bï miɔ̈c gam ɣönde, yɛn bï ket, yɛn bï Bɛ̈nydït piɔɔny.

Diɛt 50:23

Raan ee miɔ̈c ee thieithieei gam, ee Ya dhuëëŋ guöp, ku raan ee kueerde tɔ lɔ cït, abä nyuöth kuɔɔny de Nhialic.”

Diɛt 56:12

Nhialic yïn bä gäm kë cän gutguut lueel, yïn bä miɔɔc në miɔ̈c de alɛɛc.

Diɛt 61:8

Aguɔ Yïn aa piɔɔny në diɛt aköölnyïïn, të yan Yïn miɔɔc aköölnyïïn, në ka cän gutguut lueel.

Diɛt 65:1

Nhialic ee yic, Yïn buk aa leec në Dhiɔn, ku dötku gutguut cuk lueel an buk luöi Yïn,

Diɛt 69:32

Të lee ë kɔc yɔŋ ee kënë tïŋ, abïk piɔ̈ɔ̈th miɛt, kɔc ee Nhialic lam abïï ke riit piɔ̈ɔ̈th.

Diɛt 76:11

Gämë Bɛ̈nydït Nhialicdu gutguut cï lëk yen, yiɛ̈nkï miɔ̈c yen, wek juöör thiɔ̈k wedhie. Nhialic ee kɔc ëbɛ̈n tɔ riɔ̈c në Yen,

Diɛt 76:12

ee wɛ̈ɛ̈t meliik ee röt lɛɛc kuɔɔr piny, ku tɔ meliik dït riɔ̈c.

Ɣodh 14:2

Puɔ̈kkï wenïïm Bɛ̈nydït, lak läŋkï, lɛ̈kkï ee kënë ke ee yen ee miɔ̈cduön gämkï Yen an, “Pälë wook awɛ̈ɛ̈ckuɔ kedhie, ku gam lɔ̈ŋda në dhuëëŋ de yïnpiɔ̈u, ku Yïn buk jɔ aa piɔɔny cït man cï wok gutguut lueel.

Naɣum 1:15

Tiëŋkï kuur nɔm, ade tuny bɔ̈ ke wëlpiɛth ke mät! Acath kueer ke bï wël ke tiëm bɛ̈n caal! Loi dhuëŋku yïn Juda, loi ka ɣɔn cï yïn ke kuëŋ lueel. Kɔc rac abï ke riɔ̈ɔ̈k taitai, ka cïkï yïn bï bɛ yiɛ̈n tɔŋ ananden.

Naɣum 2:1

Yïn mookë piny Ninebe. Gël ɣäänkuön ril ke tɔŋ apiɛth. Tiɛtkï kuɛɛriic ëgɔk! Määtkï tɔŋdun yic ëbɛ̈n! Ke ke bï röt coc!

Romai 12:1

Yen aa läŋ ɛn week, mïthëkɔckuɔ, në kok ë Nhialic piɔ̈u an, Gamkï gupkun abïk aa kë cï lam kë pïïr, kë ɣeric, kë mit ë Nhialic piɔ̈u, gämduön piɛth kï.

Nyöŋ 23:21

“Të cä wek gutguut lɛ̈k Bɛ̈nydït Nhialicdun, duökï këduön cä wek gutguut lueel be pɔ̈l, Bɛ̈nydït abï kë cï yïn gutguut lueel mukic, ku abï aa kërac të kën wek gutguut döt.

Nyöŋ 23:22

Acie kërac të kën yïn gutguut luöi Bɛ̈nydït,

Nyöŋ 23:23

ku na cï gutguut lueel, abä them ëgɔk nɔn bï yïn en döt.

Nyöŋ 23:24

“Të cath week kueer ee tɛ̈ɛ̈k domic dom de enap ë raandäŋ, wek duëër cam në mïth ke enap cït man ë kë kaarkï, ku duökï de ka bäk keek lɛɛr wut në diönyic.

1 Theth 5:18

Yak thieithieei lueel në këriëëc ëbɛ̈n. Kënë ee këde piɔ̈n ë Nhialic në këdun ë Kërtho Yecuyic.

Ɣeberuu 13:15

Ka wook, wok kɔc nu ë kueer ë Bɛ̈nydan Yecu Kërtho yic, Bɛ̈nydan nu nhial, yok Nhialic lɛc nɔm në lɛc cïï kɔ̈u ee tɛɛm yen aye miɔ̈cda në rin ke Yecu Kërtho.

1 Pet 2:5

Ke week aya wek ee ciët kuur pïïr, ago we yïk a ye ɣön ë wëi, bäk aa bäny ɣeriic bäny ke kake Nhialic, bäny ë ka ye läm näk keek yiɛ̈n Nhialic kake wëi, kamit ë Nhialic piɔ̈u në Yecu Kërtho.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.