Diɛt 5:10 - JAM DE NHIALIC 2011

¹⁰ Luöi ë keek këtuc Nhialic, tɔ kiɛɛr rɛɛcdɛn yïn keek riääk. Cuɔpë ke wei në Yïlɔ̈ɔ̈m, në biäk de awɛ̈ɛ̈c juëc yek looi, ku luɔi reec kek Yïn.

Diɛt 5:10 ပူးပေါင်းရင်းမြစ်များ

2 Tham 15:31

Na wën ke raan tök ë yɔ̈ɔ̈k Debid an, “Aɣithopel ë mɛt në kɔc ke Abthalom yiic.” Go Debid lɔ̈ŋ an, “Bɛ̈nydït, yïn läŋ tɔ jam de Aɣithopel tɔ cïn naamde!”

2 Tham 17:14

Na wën ke lueel Abthalom ku kɔc ke Yithriɛl an, “Kë cïï Ɣucai raan de Arkit lueelë yen aŋuän në kën ë lëk ë Aɣithopel wook.” Acïï Bɛ̈nydït guiir nɔn cïï täŋ piɛth de Aɣithopel bïï gam, ke bï riääk bɛ̈ɛ̈i në Abthalom guöp.

2 Tham 17:23

Na wën aacï Aɣithopel ye tïŋ nɔn cïï Yithriɛl jamde rɛɛc, go mulde duöt kɔ̈u ku jël lee paanden. Na wën cï kake guiir kedhie, ke jɔ rɔt lɔ nöök. Go thou ku tɔ̈ɔ̈u në raŋ de yïï wun yic.

2 Lëk 25:16

Ago Amadhia bɛ̈ɛ̈r an, “Ee nɛn yen cï wok yïn tɔ ee raan ee melik riit piɔ̈u, mim thok, na lɔ lɔ jam ke yïn bä tɔ näk!” Go tiët mim ku lueel an, “Ënɔɔnë acä ŋic nɔn bïï Nhialic yïn dhil riɔ̈ɔ̈k në biäk cïï yïn ee kajuëckë looi ku rɛɛcë lööŋkï.”

Ethta 7:10

Gokï Ɣaman nöök ee timë kɔ̈u, timdɛn wään cï looi an bïï yen Modekayo tɔ nök. Go Melik piɔ̈u jɔ lɔ piny në agɔ̈th.

Diɛt 10:15

Dhoŋ riɛl de kɔc rac ku kɔc ee kërac looi kɔ̈u, luöiyë ke këtuc në biäk de kë cïk looi, agokï cïï be looi.

Diɛt 107:11

në biäk cïï kek löŋ de Nhialic Awärjäŋ rɛɛc ku reeckï wëëtde.

Diɛt 17:13

Bä Bɛ̈nydït, bä göth we kɔc ke aterdï ku tiam ke! Bä luäkë ya bei në kɔc rac cin në abätäudu,

Diɛt 31:18

Tɔ thoŋ ee käŋ töör mim, thook ee lɛ̈ɛ̈t luɛɛl në kɔc piɛthpiɔ̈ɔ̈th gup në lɛc ku män. Ka yïn, miɛɛmë kethook në ee luethken.

Diɛt 35:26

Yäär ke gup ku tɔ ke nuan, në luɔi ë cï kek piɔ̈ɔ̈th miɛt në kërɛɛc cï ya yök. Yäär keek abïk gup riɔ̈ɔ̈c, në luɔi ye kek ye lueel an, wärkï yɛn në piath.

Diɛt 55:15

Tɔ thuɔɔu jɔt kɔc ke aterdï ëthiäu, tɔ ke lɔ piny paan ë thuɔɔu ke ke pïïr, tɔ ke lɔ ë rɛ̈ŋken yiic në riɔ̈ɔ̈c!

Diɛt 66:7

Ee pinynɔm mac në riɛlde aɣet athɛɛr, ku ye nyïïnke juöör woi. Tɔ cïn raan be rɔt jɔt, raan reec en.

Diɛt 71:13

Kɔc ee ya mak ë ke tiam ke ku riäär ke. Kɔc kɔɔr bïk ya yiëk guöp bɔ̈t, ë ke yäär ku riɔ̈ckï gup.

Diɛt 79:12

Bɛ̈nydït riɔp juöör kɔ̈kë raandhorou, në biäk de lɛ̈ɛ̈t kedhie, lɛ̈ɛ̈t cï kek Yïn läät.

Yith 1:2

Go Bɛ̈nydït lueel an, “Yïn piny ku paannhial piɛŋkï kë luɛɛl! Mïthkiën wään cä muk acïk A rɛɛc thok.

Yith 1:20

Ku na lak A rɛɛc thok, ke wek bï nɔ̈k abäk thou, ee Yɛn Bɛ̈nydït Yɛn ë jam.”

Yith 63:10

ku acïk bɛ̈n rɛɛc ku tɔkï wëidït ɣerke göth. Ago Bɛ̈nydït ja aa raan de aterden ku thɛ̈ɛ̈r ke keek.

Dhiëëu 1:5

Kɔc de ater në Dhiɔn acïk tiam, ka amukkï në riɛlden. Acïï Bɛ̈nydït tɔ nuan në biäk de karɛckɛn juëc kedhie. Mïthke acï keek peec ku jɔtë keek wei.

Danyel 9:5

“Wok cï karɛc looi, wok ee kɔc rac, wok cï wäc. Wok cï kë cï lɛ̈k wook an, loiku rɛɛc, ku yɛlku röt wei në lööŋ ku wëët piɛth cï nyuöth wook.

Danyel 9:9

Yïn ee piɔ̈u kok, ku päl awɛ̈ɛ̈c, cakaa nɔn cïï wok kueerdu pɔ̈l.

Ɣodh 9:7

Akööl ke këtuc abïkï, akööl ke kuɛ̈n acïk thiɔ̈k. Takï ŋic ë Yithriɛl yen ee kënë. Në luɔi cï awɛ̈ɛ̈ckun juëc arëët, ku cï wëlkun kenyïïn ŋuak aläl. Wek ee tiët tɔ ye dhɔ̈n, ku takï raan thiäŋ ke wëi tɔ ye raan cï miɔ̈l.

1 Kor 3:19

Pɛlënɔm ee pinyë ee dhɔ̈ɔ̈n tëde Nhialic, luɔi cï ë gɔ̈ɔ̈r an, “Aye kɔc pelnïïm dɔm në ruëënydenic”,

Nyöŋ 2:30

“Ku Thiɣon melik de Ɣecbon ëbɛ̈n jai ku cïï wook pɛ̈l luɔi bï wek tëëk paanden, në cïï Bɛ̈nydït Nhialicdun yen tɔ ril nɔm ago tääu në wecin. Ku tiamku, rumku pinyde ëbɛ̈n.

1 Tham 25:29

Cakaa de raan kɔɔr bïï yïn nɔ̈k, ke wëi ke Bɛ̈nydï abïk yïn tiit në kɔc pïïr ë tök, në riɛl de Bɛ̈nydït Nhialicdu. Ku wëi ke kɔc ke aterdu abï keek riëër wei cït man ë dön nu ë thieec thok.

1 Tham 25:39

Na wën, aa piŋ ë Debid nɔn cï Nabal thou, go lueel an, “Athiɛɛi abï tɔ̈u kekë Bɛ̈nydït, në luɔi cï yen göönydï lueel wokë Nabal, raan wään yɔŋ ɛn. Acï lïmde tiit ke cïï kërac bï looi, ku tɔ karɛc ye Nabal ke looi lööny në yenɔm yetök.” Na wën ke Debid ë tɔ thok lɔ tëde Abigail, luɔi kɔɔr en en bïï ya tiiŋde.