Diɛt 47:1 - JAM DE NHIALIC 2011

¹ Wek kɔc wedhie, pamkï wecin në miɛtëpiɔ̈u! Pianykï Nhialic në röldït!

Diɛt 47:1 ပူးပေါင်းရင်းမြစ်များ

2 Tham 6:15

Go Debid kekë baai de Yithriɛl ëbɛ̈n athänduŋ de mät lɛɛr Jeruthalem, ke ke loi awuɔɔu de miɛtëpiɔ̈u ku yek kɛŋ kooth.

2 Mel 11:12

Ëtɛ̈ɛ̈n go Jeɣoyada wën ë melik lɛɛr biic, ku tɛ̈ɛ̈u göl në yenɔm, ku gëm awerek de lööŋ këde muŋ de ciɛɛŋ, ku jɔ Jowac tɔc, ku cɛɛlë ke ye Melik. Go kac kecin pam, ku cötkï në röldït an, “Abï pïïr anande yen melik!”

2 Lëk 13:15

Go rem de tɔŋ ë Juda kiɛɛu moc ëröl dït, gokï keek mak ke ke wɛt ë Abija. Go Nhialic rem de tɔŋ de Jerobowam kekë Yithriɛl tiaam,

Diɛt 106:47

Kony wook, Bɛ̈nydït Nhialinyda, ku bɛ̈ɛ̈iyë wook ciëën ë juöör yiic. Agoku piɔ̈ɔ̈th miɛt, ku buk rinkuön ɣeriic leec.

Diɛt 42:1

Cït man ye guil pïïu kɔɔr, yen aye täu kɔɔr ë piɔ̈ndï yïn Nhialic.

Diɛt 46:1

Nhialic Yen ee gëlgëlda ku riɛlda, atɔ̈u ëceŋ ke bï wo kony në akööl ke nuan.

Diɛt 47:5

Nhialic ee lɔ nhial në thööcde nɔm. Ade awuɔɔu de miɛtëpiɔ̈u ku kuöth de kɛŋ ëtɛ̈ɛ̈n, të le Bɛ̈nydït nhial.

Diɛt 98:4

Kɛ̈tkï Bɛ̈nydït diɛt në miɛtëpiɔ̈u, wek pinynɔm ëbɛ̈n, pianykï në diɛt ku yak ket ë miɛtëpiɔ̈u!

Diɛt 98:8

Pamkï wecin, wek kiɛɛr, wek kur, kɛ̈tkï ëtök ke we mit piɔ̈ɔ̈th në Bɛ̈nydït nɔm,

Yith 55:12

“Yïn bï Babilon nyääŋ piny ke yï mit piɔ̈u, yïn bï lɛɛr biic në pänydïtic në mät. Kur dït ku kur kor abïk wou ke ke ket diɛt, ku tiim abïk dɔl në miɛtëpiɔ̈u.

Jeremia 31:7

Aye Bɛ̈nydït lueel an, “Kiɛtkï diɛt ke miɛtëpiɔ̈u në biäk ë Yithriɛl, jurdït ë juööriic. Kiɛtkï diɛtkuön ke alɛɛc, an, ‘Bɛ̈nydït acï kɔcke luök, acï kɔc cï döŋ kedhie kony.’

Dhep 3:14

Kɛ̈tkï ku moc kiɛɛu nyan de Dhiɔn, ku miɛtkï piɔ̈ɔ̈th wek kɔc ke Yithriɛl! Miɛtëpiɔ̈u arëët yïn nyan de Jeruthalem!

Dhek 4:7

Ku abï kuur nu në yïnɔm nhial bɛ̈ɛ̈i ke duɛŋë ë kɔc yïnɔm në röldït an, “Thieithieei në këde!”

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

1 Tham 10:24

Ago Thamwɛl lɛ̈k kɔc an, “Yen raan cïï Bɛ̈nydït lɔc kï! Acïn raan töŋ cït en në woyiic wodhie.” Ago kɔc cööt lueelkï an, “Melik yïn bï tɔ̈u athɛɛr!”