Diɛt 46:2 - JAM DE NHIALIC 2011

² Ka wook cïï bï riɔ̈ɔ̈c. Na cak piny rɔt niɛŋ, ku lɛthë kur ke abäpdit thäär piny,

Diɛt 46:2 ပူးပေါင်းရင်းမြစ်များ

2 Tham 22:3

Nhialicdï Yen ee kuurdï. Yɛn duëër kat ke ya lɔ tëde Yen ke bï ya kony. Yen ee köndï ku Ye konydiën ril, Yen ee ya gël ku Yen ee tëdiën ee kuɔɔny. Ku Bɛ̈nydït acï yɛn luök në akuöörkuööric.

Diɛt 142:6

Piŋ dhiëndiën kaar ɛn kuɔɔny, yɛn cï mou ë jiɛthëpiɔ̈u. Kony ɛn tëde kɔc ke aterdï, arilkï awär yɛn.

Diɛt 18:7

Ago piny rɔt nieeŋ ku lɛthë, ku lɛthë këërkëër ke kur ku kuemkï röt, në luɔi cï Bɛ̈nydït piɔ̈u diu.

Diɛt 23:4

Na ya cak cath në wak de mɔ̈ɔ̈th dïït lɔcɔ̈t yic, yɛn cie riɔ̈ɔ̈c në kërac, në luɔi tɔ̈u ë Bɛ̈nydït ke yɛn. Thienydu ku waidu ayek ɛn tɔ mit piɔ̈u.

Diɛt 27:3

Na cakaa cï rem dïït de tɔŋ a gɛɛu cil, yɛn cïï bï riɔ̈ɔ̈c, na cak kɔc ke ater yɛn mak, yɛn bï ŋoot ke ya ŋäth Nhialic.

Diɛt 28:7

Bɛ̈nydït yen aye riɛldï ku ye köndï, aŋääth në yapiɔ̈u. Ee yɛn kony ku tɔ yɛn mit piɔ̈u, aya piɔɔny në diɛt ke miɛtëpiɔ̈u.

Diɛt 37:39

Kuɔɔny de kɔc piɛthpiɔ̈ɔ̈th ee bɛ̈n tëde Bɛ̈nydït, ee Yen ee ke gël në akööl ke nuan.

Diɛt 59:17

Nhialic riɛldï, Yïn bä piɔɔny në diɛt, Nhialic ee gëlgëldï, Nhialiny ee yɛn nyuöth nhiëër agɔk.

Diɛt 62:8

Kɔckï yak, Nhialic ŋɔ̈ɔ̈th aköölnyïïn. Yak lɛ̈k kë nuan week ëbɛ̈n, Nhialic ee tëde thiaan.

Diɛt 62:9

Kɔc kedhie acïtkï wëi, në pial, röördït ku kɔc kor acïnkï naamden. Na them ke në athëm, acïnkï kuën, keek apiɔlkï awär wëi.

Diɛt 82:5

Acïnkï ŋïny de käŋ ku yöŋ de käŋiic, ayek cath ë mɔ̈ɔ̈thic, këërkëër de piny acï ke lath kedhie.

Diɛt 91:2

Aduëër lɛ̈k En an, “Yïn ee gëlgëldï ku ye konydï, Yïn ee Nhialinydï, ku ee Yïn ŋääth.”

Jeremia 14:8

Yïn aye aŋäth töŋ de Yithriɛl, Ee Yïn ee raan ee wo kony ë riääkic. Eeŋö jɔ Yïn ciët alei pinyda, eeŋö ee Yïn ciët raan keny ee nïn tök thöl?

Naɣum 1:7

Bɛ̈nydït apiɛth, ee kɔcke gël në akööl ke kërac, ee kɔc ŋäth En döt apiɛth.

Math 21:21

Go Yecu bɛ̈ɛ̈r, yöök keek an, “Wek yɔ̈ɔ̈k ëyic, na cathkï ë gäm, ku cäkï piɔ̈ɔ̈th wiël ë kaamic, ke we cïï kënë bï looi tei, kë cï luöi ŋaap, ku na yɔ̈ɔ̈kkï kuurdïïtë aya an, ‘Tɔ rɔt nyiɛɛiyë, deenyë yï wïïr,’ ka duëërë looi.

Luk 21:33

Tënhial ku piny abïk liu, ku wëlkï acïkï bï liu ananden.

Ɣeberuu 13:6

Ku ee kënë ee wo ŋuak në riɛl ë nyin ku aŋäth lueel wok en an, “Bɛ̈nydït ee konyda, wok cïï bï riɔ̈ɔ̈c. Eeŋö bï raan luöi wook?”