Diɛt 44:2 - JAM DE NHIALIC 2011

² Yïn ë juöör kuaath wei në ciindu ku com kɔcku pinyden, Yïn cï juöör riɔ̈ɔ̈k, ku tɔ kɔcku lok.

Diɛt 44:2 ပူးပေါင်းရင်းမြစ်များ

2 Tham 23:12

ku kääc Cama tëde domic, ku gël këde, ku nɛ̈k kɔc ke Pilithiin. Go Bɛ̈nydït tɔŋ tiaam arëët ee köölë.

2 Tham 7:10

Ku yɛn bï kɔckiën ke Yithriɛl lɔ̈c piny, ku abä cuɔm keek agokï rëër ë bɛ̈iken yiic, ke cïn kë bï keek bɛ nuaan. Ku kɔc ee kërac looi acïkï keek bï bɛ nuaan cït man ɣɔn.

Diɛt 105:44

Ago keek gäm piny de juöör kɔ̈k, ku tɔ keek nöm duumken,

Diɛt 78:55

Acï juöör ceŋ wut bɛ̈n cieec ɣɔn lee ë kɔcke ke ke bɔ̈, go pinyden tɛ̈k dhiëën ke Yithriɛl, ku gëm ɣöötken kɔc ke.

Bɛ̈n 10:2

Gök ke gäi abä keek looi, ke bäk lɔ̈ɔ̈k aa lɛ̈ŋ mïthkun, ku mïth ke mïthkun, nɔn cän kɔc ke Rip leeŋ wëi. Abäk jɔ ŋic wedhie nɔn Yan Bɛ̈nydït.”

Bɛ̈n 15:17

Ku bä ke bɛ̈n piith në kuur nɔm, tëduön cï lɔc Bɛ̈nydït an bïï aa ɣöndu. Tëɣeric ɣɔn yïk në Yïn guöpdu.

Bɛ̈n 15:19

Kɔc ke Yithriɛl aake tem wɛ̈ɛ̈r ke ke cath të ril. Na wën alɔ kɔc ke Rip wïïr në abëëlken, ku jöŋgöörken, ku kɔc cath në kekɔ̈ɔ̈th, ke Bɛ̈nydït ë tɔ wɛ̈ɛ̈r mat ë yic, gokï mou kedhie.

Bɛ̈n 23:28

Ku yɛn bï abulbuul tuɔɔc në wenïïm tueŋ, Yɛn bï kɔc ke Ɣib cuɔp wei kueer, ayï kɔc ke Kanaan, ku kɔc ke Ɣit.

Bɛ̈n 34:11

Gamkï lööŋ guiëër ke week ee köölë. Yɛn bï kɔc ke Amor ciɛɛc wei në wenïïm tueŋ, ayï kɔc ke Kanaan, ayï kɔc ke Ɣit, ayï kɔc ke Peridh, ayï kɔc ke Ɣib, ayï kɔc ke Jebuth.

Yith 51:9

Pääcë Bɛ̈nydït ku luäk wook! Loi riɛldu ku kony wo, loi cït man ɣɔn looi yïn en ɣɔn thɛɛr. Aa ye yïn ë tem ŋuäldït Raɣab de wɛ̈ɛ̈r në thïïm.

Jeremia 32:23

Ku wään cï kek bɛ̈n ee pinyë ku nömkï, akënkï lööŋku bɛ̈n riëëu, ku akënkï rëër ë wëëtdu yic, acïn kë cïk looi në ka wään cï lɛ̈k keek yiic. Ago ee riääkkë ëbɛ̈n jɔ yiɛ̈n keek.

Kuɛ̈n 13:32

Agokï kɔc ke Yithriɛl yiɛ̈n thoŋ rac në biäk de piny cïk lɔ caath, luelkï an, “Yen ee piny cuk lɔ caathë, ee piny cïï kɔcke leer. Ku kɔc nu thïn ee jööt bär kedhie.

Nyöŋ 32:7

Yak ka thɛɛr ku takï ka cï röt looi ɣɔn thɛɛr, yak wärkun thiëëc bïk we lëk ka cï röt looi, yak röördït thiëëc bïk we lëk kathɛɛr ɣɔn.

Nyöŋ 4:38

Ku cop juöör dït ku rilkï awär week, ku bïï week thïn, ku gëm week pinyden, piny rɛ̈ɛ̈r wek thïn agut cï ee köölë.

Nyöŋ 7:1

Go Mothe ŋoot ke jam an, “Bɛ̈nydït Nhialic abï week bɛ̈ɛ̈i piny bäk lɔ nööm, ku abï juöör juëc cuɔp wei ë ye yic, ku pɛ̈l wek lɔ tueŋ ku bäk juöör kathiërrou dït ku rilkï në week cuɔp wei, kɔc ke Ɣit, ku kɔc ke Girgac, ku kɔc ke Amor, ku kɔc ke Kanaan, ku kɔc ke Peridh, ku kɔc ke Ɣib, ku kɔc ke Jebuth.

Jocua 10:11

Ku të wën riŋ ë kɔc ke Amor ke ke kɔt në kɔc ke Yithriɛl në Bethɣaron, Bɛ̈nydït ë deŋ dïït ë kɔɔi bɛ̈n tɔ tuëny keek agut cï Adheka. Kɔc juëc në keyiic acïï deŋ ë kɔɔi ke bɛ̈n nɔ̈k awär kɔc ë nɛ̈k kɔc ke Yithriɛl.

Jocua 10:42

Wuötkë kedhie, në meliiken peec ë Jocua në tɔŋ ë lee, në luɔi ë Bɛ̈nydït Nhialic Töŋ de Yithriɛl.

Jocua 11:23

Go Jocua piny peec ëbɛ̈n cït man wään cïï Bɛ̈nydït e lɛ̈k Mothe, ku tëk Jocua piny dhiëën ke Yithriɛl ke ye piinyken, piny ke dhiën tök. Ago kɔc jɔ lɔ̈ŋ në tɔɔŋ.

Jocua 21:43

Ago Bɛ̈nydït Yithriɛl jɔ gäm piny ëbɛ̈n, piny ɣɔn cï thɔ̈n kuarken an bï gäm keek. Na ɣɔn, acïk piny nööm, ke ke jɔ piɔ̈ɔ̈t thïn.

Jocua 24:12

Yɛn ë meliik ke kɔc ke Amor bɛ̈n muum ɣɔn në wenïïm tueŋ, ku ta ke tiamkï. Acie wek ë cop keek në abätɛ̈ɛ̈ukun, ku nɔn ee yen dhɛ̈ŋkun, ee Yɛn ë cop keek.

Jocua 3:10

Yen abä wek en jɔ ŋic ë gɔk luɔi nu ë Nhialic Pïïr në weyiic, ku gamkï aya yen luɔi bï Yen kɔc ke Kanaan cuɔp wei në wenïïm tueŋ, ku cop kɔc ke Ɣit, ku kɔc ke Ɣib, ku kɔc ke Peridh, ku kɔc ke Girgac, ku kɔc ke Amor, ku jɔ aa kɔc ke Jebuth.

Bäny 6:13

Ago Gidiɔn yen bɛ̈ɛ̈r an, “Na ye Bɛ̈nydït tɔ̈u ke wook, eeŋö ye nuɛɛnkë wo bɛ yök? Ku nu kagɛ̈iyë ke ënou ka wään ye wärkuɔ ke guiëër wook an ye Bɛ̈nydït ke looi, ku Yen ë bïï wo bei piny de Rip adï? Ku ënɔɔnë Bɛ̈nydït ë wo nyääŋ piny, acï wo päl ë kɔc ke Midian cin.”