Diɛt 42:6 - JAM DE NHIALIC 2011

⁶ Të rɛ̈ɛ̈r ɛn ë pɛ̈cic, yɛn dhiau piɔ̈u. Guɔ Yïn jɔ tak ee tënë piny de Jordan, ku kuur ë Ɣermon tëde kuur ë Midhar.

Diɛt 42:6 ပူးပေါင်းရင်းမြစ်များ

2 Tham 17:22

Go Debid wɛ̈ɛ̈r de Jordan teem kɔ̈u lee lɔŋ tui kekë kɔcke kedhie. Na ɣɔn thëën, ke raan ëbɛ̈n acï wɛɛn lɔŋ de wɛ̈ɛ̈r de Jordan.

2 Tham 17:27

Na wën cï Debid ɣëët Maɣanayim, go yök ke Cobi wën de Naɣac raan wun ë Raba në Ammon, ku Makir wën de Amiel raan wun ë Lodebar, ku Bardhilai raan wun ë Rogelim në Giliyad.

Diɛt 133:3

Acït thäny nu ë kuur de Ɣermon nɔm, thäny ee lööny në kur ke Dhiɔn nïïm. Të bï ë Nhialic gutguut de athiɛɛi cï lueel tääu ka, pïïr bï tɔ̈u aɣet athɛɛr.

Diɛt 22:1

Nhialicdï, Nhialicdï, eeŋö pɛ̈l yïn ɛn? Yïn cä cɔɔl në dhiënëpiɔ̈u an luäk ɛn ku Yïn kën bɛ̈n.

Diɛt 43:4

Aguɔ jɔ lɔ tëde yïïŋ de Nhialic, në miɛtëpiɔ̈u ku dhuëëŋ de piɔ̈ndï. Yïn bä leec në diɛt ke thom, Yïn Nhialicdï, Nhialicdï.

Diɛt 43:5

Eeŋö dhiaau ɛn piɔ̈u? Ku eeŋö diɛɛr ɛn? Yɛn bï aŋäthdï tääu në Nhialic guöp, ke bä bɛ leec, yen konydï ku Nhialicdï.

Diɛt 61:2

Në piny thar ciëën yen aa yan Yï cɔɔl! Lɛɛrë yɛn tëde kuɔɔny,

Jona 2:7

Wën yɔ̈k ɛn rɔt ke ya ye raan thou, Bɛ̈nydït, Yïn cä bɛ̈n lɔ̈ŋ, ku Yïn ë lɔ̈ŋdï bɛ̈n piŋ luaŋduön ɣeric yic.

Math 26:39

Go rɔt cuɔt tueŋ ëmääth, ku gut enɔm piny, ku lɛ̈ŋ an, “Yïn wäär, na lëu rɔt, tɔ bïnyë waan ɛn! Ku acie këde piɔ̈ndï, ee këde piɔ̈ndu.”

Math 27:46

Ku të cït thaar kadhoŋuan, ke Yecu cöt ë röl dït an, “Eli, Eli, lama tha bakthani?” Yen aye, “Nhialicdï, Nhialicdï, eeŋö pɛ̈l yïn a wei?”