Diɛt 40:6 - JAM DE NHIALIC 2011

⁶ Yïn cie köör në miɔ̈c gëmë yïn, yïn cïï län ye nyop ëbɛ̈n në yïk nɔm ee kɔɔr, ku cïï miɔ̈c de kërac ee thiëëc. Yïn aa gëm ɛn yïth bän kë lueel aa piŋ,

Diɛt 40:6 ပူးပေါင်းရင်းမြစ်များ

Jop 33:16

Yen aye ke tɔ piŋ kë lueel, ku ayek riɔ̈ɔ̈c në jamdɛn kithic.

Jop 5:9

Yen Raan ee ka gɛ̈iyë ke looi, ka cïï duëërë lëu në yöŋë yic, ku kapiɛth gɛ̈iyë ke cuku ke duëër lëu në kuɛ̈n.

Diɛt 139:17

Nhialic täŋdu adik arëët tëde yɛn, kuɛ̈nden ajuëc aläl!

Diɛt 139:18

Të kuɛɛn yɛn keek, ajuëckï awärkï liɛɛt. Na jat rɔt, ke Yï yɔ̈k ke Yï tɔ̈u we yɛn.

Diɛt 50:8

Ku wek cä ye jɔ̈ɔ̈ny në biäk de miɔ̈cduön ye nɔ̈k kekë miɔ̈c ye nyop ëbɛ̈n yak cool ë bɛ̈ɛ̈i wek keek në Yanɔm.

Diɛt 51:16

Yïn cïï piɔ̈u ee miɛt ë miɔ̈c näk, aduɛ̈ɛ̈r keek bɛ̈ɛ̈i, yïn cïï piɔ̈u ee miɛt në miɔ̈c ye nyop ëbɛ̈n.

Diɛt 71:15

Yɛn bï jam në biäk de läkdu. Aköölnyïïn kedhie yɛn bï ya jam në biäk de kuɔɔnydu, cakaa nɔn dïït ë yöŋ de yen yic.

Bɛ̈n 21:6

ka bïï bɛ̈nyde ye jɔ lɛɛr tëde Nhialic. Ku ëtɛ̈ɛ̈n, abï jɔ tɔ kääc ɣöt thok ke kɛn rɔt në athïn, ku nɔn ee yen ɣöt thok guöpde. Ku thuth yïth në kë ye kɔc thuth yïth. Ku abï ja ye lïmde në pïïrde yic ëbɛ̈n.

Yith 1:11

Acï Bɛ̈nydït lueel an, “Yak tak eeŋö duëër e miɔ̈cduön yak nɔ̈k ëbɛ̈n luöi Yɛn? Yɛn ë dɛk miɔ̈c juëc ke amɛ̈l yak gäm Ɛn ke ke ye miɔ̈c ye nyop ëbɛ̈n, ku lɔ kɔl de ɣɔ̈kkuön cuɛi. Yɛn cïï piɔ̈u ee miɛt në rim ke miöör, ku rim ke amɛ̈l ku nyök bɔɔth.

Yith 25:1

Bɛ̈nydït Yïn ee Nhialicdï, Yïn bä dhuëëŋ guöp ku lɛɛc rinku. Yïn cï kagɛ̈iyë looi, në piɔ̈nduön adöt Yïn cï kakuön cï kiëët ɣɔn thɛɛr looi.

Yith 66:3

“Kɔc ayek ka nhiaarkï looi. Käŋ ëbɛ̈n akïtkï tëde keek: raan cï thɔn nɔ̈k acït raan ë näk raan, ku raan cï nyɔɔŋ amääl nɔ̈k acït raan ë dhoŋ jö yeth, ku raan ë gɛm miɔ̈c ë rap acït raan ë gɛm riɛm de kudhur, ku raan ë gɛm wal ŋïr nɔn ee läŋ acït raan ë lam yiëth. Ayek piɔ̈ɔ̈th miɛt në kuɛɛr rac ke läm.

Ɣodh 6:6

Ee nhiëër agɔk yen akaar acie miɔ̈c. Ee luɔi bïï kɔckï Ya ŋic nɔn yan Nhialicden Yen akaar, acie miɔ̈c ye nyop ëbɛ̈n yen ee këdït.

Amoth 5:22

Na ë we cak A gäm miɔ̈c ë rap, ayï miɔ̈c ye nyop ëbɛ̈n, acä keek bï gam. Ku na ë we cak A gäm miɔ̈c de miöör cäk cuaai ke ke ye miɔ̈c ke mät, acä keek bï nööm.

Math 12:7

Ku tëë we cï jamë ŋic thar an, “Ee kokdepiɔ̈u yen kaar, ku acie kë bï nɔ̈k yen kaar, adï kɛ̈nkï kɔc jɔ̈ɔ̈ny kɔc cïn kë cïk wööc.

Math 9:13

Lakï tei, kaarkï cöökë thar abäk yök, Yɛn kɔɔr kokdepiɔ̈u, acie kë bïï nɔ̈k en kaar, yɛn ë cïï bɔ̈ bä kɔc piɛth piɔ̈ɔ̈th bɛ̈n cɔɔl, bïk kepiɔ̈ɔ̈th puk, ee kɔc ë kërac looi kek aa bä bɛ̈n cɔɔl.”

1 Tham 15:22

Ago Thamwɛl puk nɔm an, “Ye Bɛ̈nydït piɔ̈u miɛt në miɔ̈c ye nyop ëbɛ̈n kekë ka ye nɔ̈k, cït man yen piɔ̈u miɛt në rïïu ye jam de Bɛ̈nydït riëëu? Rïïu apiɛth awär ka ye nɔ̈k, ku piŋ de jam apiɛth awär miök de nyök cuai,