Diɛt 37:23 - JAM DE NHIALIC 2011

²³ Bɛ̈nydït ee piɔ̈u miɛt kekë kɔc ee kueerde kuany yic, ku gël kɔc ee yen miët piɔ̈u.

Diɛt 37:23 ပူးပေါင်းရင်းမြစ်များ

Diɛt 119:133

Cït man cïn gutguut lueel, muk ɛn du yɛn tɔ tiɛɛm ë kërac.

Diɛt 119:5

ku aŋääth nɔn bän aa raan adöt aguɔ lööŋku döt!

Diɛt 121:3

Acïï yïn bï tɔ löny, Nhialic raan ee yïn gël akääc ke yiɛ̈n ë ceŋ.

Diɛt 121:8

Abï yïn gël të le yïn ku të bï yïn, ënɔɔnë ku aɣet athɛɛr.

Diɛt 17:5

Kë cï lɛ̈k ɛn acä looi ëbɛ̈n, ku yɛn kën rɔt wony në luɔidu yic.

Diɛt 40:2

Acï ya miëët bei pul ë riääkic, bïï yɛn bei në liɛɛt amïïtmïïtic ku tɔ ya kääc ë kuur nɔm, ku min ɛn cök piŋ.

Diɛt 40:3

Ku yïk a thok din ë piɛcë cak, din lɛɛc ɛn Nhialicda. Kɔc juëc abïk ee kënë tïŋ ku lamkï Nhialic. Ku ëtɛ̈ɛ̈n abïk Bɛ̈nydït jɔ ŋɔ̈ɔ̈th.

Diɛt 85:13

Piathëpiɔ̈u abï lɔ ë Bɛ̈nydït nɔm ku le kueer luöi yen.

Kɛ̈ŋ 11:1

Kuöc thëm de yic cuëër ee gök de kërɛɛc mɛɛn Bɛ̈nydït, ee thëm piɛth yen anhiɛɛr.

Kɛ̈ŋ 11:20

Liëëp de käŋ ee gök de kërɛɛc mɛɛn Bɛ̈nydït, ku anhiaar kɔc adööt.

Kɛ̈ŋ 16:9

Kïït ee këde raan ku jɔ Bɛ̈nydït thöl thok.

Kɛ̈ŋ 4:26

Ye kë loi kɔn kiëët ë gɔk, ku jɔ bɛ̈n looi, ke këriëëc loi ëbɛ̈n ke bï ya yic.

Jeremia 10:23

Bɛ̈nydït, aŋiɛc acïn raan ŋic të duëër ë nïnke lɔ thök thïn, acïn raan muk wëike.

Jeremia 9:24

Na kɔɔr raan bïï rɔt lɛɛc, në ë leec rɔt në luɔi cï yen Yɛn ŋic, ku cï kakï yök yiic, në biäk tɔ̈u ë nhiëërdiën agɔk ke yen, ku Yɛn ee yic kekë piathëpiɔ̈u looi. Kek kak ee Yɛn tɔ mitpiɔ̈u ka. Acä lueel, Yɛn Bɛ̈nydït.”

Ɣeberuu 13:16

Ku duökï nïïm ee määr në luɔi de këpiɛth, thɛmkï bäk kakun aa rɔm në kɔc nuan, kënë ayadäŋ acït miɔ̈c cï gäm Nhialic, ku ee Yen tɔ mit piɔ̈u aläl.

1 Tham 2:9

“Ee kɔckɛn adööt gël apiɛth, ku kɔc ee karɛc looi ayek määr ë mɔ̈ɔ̈thic, acïn raan duëër tiam në riɛlde yetök.

1 Tham 29:10

Ka ënɔɔnë Debid, miäk adurduur week wedhie, wek kɔc wään cï Thaulo nyääŋ piny ku bäkkï të täu ɛn, wek bï röt dhil dap jɔt miäk rial ke piny ë ɣer.”