Diɛt 37:11 - JAM DE NHIALIC 2011

¹¹ Ku kɔc ee röt kuɔɔr piny, abïk piny lɔ̈ɔ̈k lak, ku abïk kuɛth ku rëërkï ë mät.

Diɛt 37:11 ပူးပေါင်းရင်းမြစ်များ

Diɛt 119:165

Kɔc nhiaar löŋdu adekï nɔm lääu, ku acïn kë duëër keek tɔ wiɛ̈ɛ̈k.

Diɛt 25:13

Ku yen guöpde abï tɔ̈u ke kueth, ku mïthke abïk piny lɔ̈ɔ̈k lak.

Diɛt 36:8

Wok ee dhuëëŋ looi në këcam dïït nu ɣöndu, yïn ee wook tɔ dëk në pïïu ke kiir de piathdu.

Diɛt 72:7

Tɔ piathëpiɔ̈u dït në akööl ke pïïrde yiic ku tɔ kuɛth tɔ̈u në pɛ̈i yiic ëbɛ̈n.

Yith 26:3

Yïn, Bɛ̈nydït, aye muk në män cï dikëdikic kɔc ee rëër në gämden yic aril ku yek aŋäthden tääu ë Yïguöp.

Yith 48:18

“Na piɛŋkï lööŋ cä lɛ̈k week tei! Ke athiɛɛi aduëër we kuany cök cït man ë nyin ë pïïu cie dëu! Ku piathëpiɔ̈u aduëër ciët apiöŋ de pïïu në wɛ̈ɛ̈r yɔu.

Yith 57:13

Të Dhiaau wek ke we kɔɔr kuɔɔny, takï yiëthkun kony week! Yom thiin put aduëër ke jat wei! Ku kɔc ŋäth Ɛn abïk tɔ̈u ë piny yic ku abïk Ɛn aa lam në kuurdiën ɣeric nɔm.”

Math 5:5

Thieithieei ë kɔc ë röt tɔ kor, abïk piny lɔ̈ɔ̈k lak.

Jɔn 14:27

“Mät en anyäŋ week, mändï en agäm week: miɔ̈c miaac ɛn week, acïï cït man ë miɔ̈c ee kɔc ke piny nɔm we miɔɔc. Duökï wepiɔ̈ɔ̈th tɔ jeth, ku duökï wepiɔ̈ɔ̈th tɔ riɔ̈c.

Nyöŋ 5:33

Riëëukï keek kedhie, ago piath ke week, ku aguɔkï lɔ rëër ë run juëc piny bä lɔ gäm week.

Pilipoi 4:7

Ku män Nhialic, män ee kɔc dhal ë ŋïc kedhie, abï week gël piɔ̈ɔ̈th ku gël ka yak tak ë Kërtho Yecuyic.

1 Tim 6:11

Ku yïn, yïn raan de Nhialic, ye kat ee kakë, ku ye piathëpiɔ̈u cop, ku cop riëëu de Nhialic, ku gäm, ku nhiëër, ku liɛɛrëpiɔ̈u, ku rëër ëmääth.

Jakop 1:21

Yen päl wek cuɔlëpiɔ̈u ëbɛ̈n, ku luɔi rɛɛc gäk, ku jakï jam cï piith ë weyiic dɔm në kuur aa wek röt tɔ kor, yen aye jam duëër we kony wëi.

Jakop 3:13

Eeŋa ë weyiic raan pelnɔm ku ye raan ŋic käŋ? Ee ye luɔide nyuɔɔth në rëër ŋic en rëër ke ye rɔt kuɔɔr piny ë kuur ee raan pelnɔm rɔt kuɔɔr piny.