Diɛt 36:9 - JAM DE NHIALIC 2011

⁹ Ee yïn ee wook gäm awaŋ de pïïr, ku ɣɛɛrdu ee wook tɔ mit piɔ̈ɔ̈th në pïïric.

Diɛt 36:9 ပူးပေါင်းရင်းမြစ်များ

Jop 29:3

Ɣɔn ye ɣɛɛrde ya meer, ku riɛɛu ɛn të cath ɛn ë mɔ̈ɔ̈thic,

Diɛt 27:1

Bɛ̈nydït ee ɣɛɛrdï ku ee konydï, acïn raan duɛ̈ɛ̈r ɛn bɛ riɔ̈ɔ̈c. Bɛ̈nydït yen aye yɛn gël ë kërac ëbɛ̈n, yɛn cïï bï kɔn riɔ̈ɔ̈c.

Diɛt 65:5

Yïn ee këda bɛ̈ɛ̈r në miɔ̈c Yïn wo tɔ tiëm, ku Yïn ë kadït ke gäi looi, bï Yïn ke wo kony. Kɔc nu ë piny thar ku ka nu wɛ̈ɛ̈r lɔŋtui aŋäthkï Yïn.

Kɛ̈ŋ 4:18

Ku kueer de kɔc ɣerpiɔ̈ɔ̈th, acït ɣɛɛr de run ë piny, ë lɔ ke jɔ ɣɛɛr abï piny jɔ ruu ë gɔk.

Yith 12:3

Cït man ye pïïu piɛth raan cïï rou nɔ̈k tɔ mit piɔ̈u, yen aye kɔc ke Nhialic piɔ̈ɔ̈th miɛt të cïï yen ke kony wëi.”

Yith 2:5

Ënɔɔnë wek kuat ë Jakop, jɔku cath në ɣɛɛric, ɣɛɛr cï gäm wook në Bɛ̈nydït!

Yith 60:19

“Ruɛl de akɔ̈l acïï bï bɛ aa ɣɛɛrdun aköl ayï pɛɛi acïï bï bɛ aa ɣɛɛrdun wakɔ̈u, Yɛn Bɛ̈nydït, Yɛn abï ya ɣɛɛrduön tɔ̈u athɛɛr, ɣɛɛr de dhuëëŋdï abï riaau ë wegup.

Jeremia 2:13

në biäk cïï kɔckï awɛ̈ɛ̈c kaarou looi: acïk röt yal wei tëde Yɛn, Yɛn awaŋ de pïïu piɛth, acïk awuul wec, awuul cï ɣaar cïï pïïu lëu në muk, abïk ciën pïïu ananden.

Malakai 4:2

Ku na week, wek kɔc ee rinkï riëëu, wek bä yiɛ̈n piathëpiɔ̈u ku rëër lɔ dïu cït man ye akɔ̈l thok bɛ̈n. Wek bï nïïm lääu, ku miɛtkï piɔ̈ɔ̈th cït man ë dɛɛu cï luöny bei kɛl.

Jɔn 4:10

Go Yecu bɛ̈ɛ̈r, lueel an, “Tëë yï ŋic miɔ̈c de Nhialic, ku ŋic raan wën thɛɛr yöök yïn an, “Miɔc ɛn ë ka dɛk, adï cï lip tëde yen, ku adï cï yï gäm pïïu pïïr.”

Jɔn 4:14

ku raan ëbɛ̈n raan ë dek ë pïïu bä gäm en acïï bï bɛ aa yal anande, pïïu bä gäm en abïk aa nyin de pïïu ë yeyäc, awaŋ bï aa cool ë tul ɣet pïïr athɛɛr.”

Jɔn 8:12

Go Yecu kɔc yɔ̈ɔ̈k, an, “Yɛn ee ɣɛɛr ë piny nɔm: raan kuany a cök acïï bï cath tëcol, ku bï dɛ ɣɛɛrëpiny de pïïr.”

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

Jakop 1:17

Miɔ̈c piɛth ëbɛ̈n, ku miɔ̈c cï dikëdik ëbɛ̈n, abɔ̈ tënhial tëde Nhialic, ke lööny piny tëde Aciëŋ de ɣɛɛrëpiny, Raan cïï yepiɔ̈u ee pɔ̈ɔ̈k, ku cïn atïptïïp de yäl de rɔt.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.

1 Jɔn 1:7

ku na ciɛthku tëɣer, cït man nu yen tëɣer, ke wok ee abärɔ mat wapäc, ago riɛm ë Yecu Kërtho Wënde wook aa waak në kërac ëbɛ̈n.

Nyuuth 21:23

Ku pänydït acïï akɔ̈l ee kɔɔr, ayï pɛɛi, lek ruɛl thïn: dhuëëŋ de Nhialic yen aaye pinyde riaau, ku nyɔŋamääl yen aye maanyde.

Nyuuth 21:6

Go ya yɔ̈ɔ̈k an, “Ë thök! Yɛn ee tueŋ ku ya ciëën, göl ë käŋ ku thök ë käŋ. Raan cï yal abä miɔɔc ë awaŋ de pïïu ke pïïr në dhuëëŋ.

Nyuuth 22:17

Wëidït ku Nyɔŋamääl aluelkï, an, “Bä!” Ku raan pïŋ, ë lueel, an, “Bä!” Ku raan cï yal, ë bɔ̈, ayï raan de piɔ̈u keek, ë nöm pïïu ke pïïr youyou.