Diɛt 36:4 - JAM DE NHIALIC 2011

⁴ Ee kiɛɛr rac yen yek tak ëbɛ̈n të cï kek tɔ̈c, ku acïn këpiɛth yek bɛ looi, ku acïn kërɛɛcdɛn yek bɛ rɛɛc.

Diɛt 36:4 ပူးပေါင်းရင်းမြစ်များ

Ethta 5:14

Ëtɛ̈ɛ̈n acïï tiiŋdɛn Dherec ku lɔ määthkɛn nu abärɔ yic kedhie bɛ̈ɛ̈r an, “Tɔ tim dïït ye bɛ̈ɛ̈r de yen kɔ̈u mitïïr kathiërrou ku diäk ke lɔ nhial piëëtë. Ku miäk adurduur ke yïn duëër Melik yɔ̈ɔ̈k bï Modekayo tɔ näk ee timë kɔ̈u, ku ëtɛ̈ɛ̈n jɔ lɔ ë dhuëëŋic wekë Melik ke yï mit piɔ̈u.” Go Ɣaman gam an, kënë ee täŋ piɛth, ku tɔ tim dïït agök piëëtë.

Ethta 6:4

Go Melik ke thiëëc an, “Eeŋa tɔ̈u ë gɔ̈ɔ̈lic?” Ku tëthïïnë, ke Ɣaman ë bɔ̈ kɛl, akɔɔr bï lëk Melik nɔn duëërë en Modekayo tɔ nök në tim bɛ̈ɛ̈rdïït cï piäät në biäkde.

Jop 15:16

Ku na mɛnh ë raan arac, ee rɔt riɔ̈ɔ̈k ka ee gök de kërɛɛc man, ee kërac looi cït dëŋ de pïïu.

Diɛt 38:12

Kɔc kɔɔr bïk yɛn nɔ̈k ayek wïndɛn ë dɛ̈p dɛɛp, kɔc kɔɔr bïk ɛn luöi tëtöök ayek riääkdï leeŋ, ayek cool ë ciëk ɛn thok.

Diɛt 52:3

Yïn nhiaar kërac awär këpiɛth, yïn nhiaar tör awär yith!

Diɛt 97:10

Bɛ̈nydït anhiaar kɔc man luɔi de karɛc, mankï karɛc wek kɔc nhiaar Bɛ̈nydït, ee wëi ke kɔcke gël, ku kony keek ë kɔc rac cin.

Kɛ̈ŋ 24:2

në luɔi ye piɔ̈ɔ̈thken tɔɔŋ cät, ku jam liëpken në ka bïk riɔ̈ɔ̈k.

Kɛ̈ŋ 24:23

Käkë ayadäŋ ayek jiɛɛm ke kɔc pel nïïm. Riëëu de guöp të guiirë löŋ acïï piɛth.

Kɛ̈ŋ 4:16

Kɔc rac acïkï ee niin të kën kek kërac kɔn looi. Aye nïn ke rɛɛc nyïïn abïk raan kɔn tɔ wiëëk në këracic.

Yith 65:2

Yɛn aaye rɔt guiir ë ceŋ bä kɔckï loor nïïm, kɔc ril nïïm ee awäc looi, ku loikï kakɛn kɔ̈k.

Jeremia 4:22

Aye Bɛ̈nydït lueel an, “Kɔckï apiɔlkï piɔ̈ɔ̈th, akuckï Yɛn. Acïtkï mïth piɔl piɔ̈ɔ̈th, acïnkï ŋïny de käŋ. Keek ayek atëët ke luɔi de kërac, ku ayek löny në luɔi de këpiɛth.”

Jeremia 6:16

Go Nhialic lɛ̈k kɔcke an, “Kääckï në apɔ̈k kuɛɛr ku daaikï. Yak kuɛɛr thɛɛr luɔp ku të nu kueer piɛth. Cathkï thïn, ku wek bï rëër në mät.” Ku ayek lueel an, “Ei, acuku bï looi!”

Jeremia 8:6

Yɛn cï Yayïth këët, ku wek kën yith lueel. Acïn raan tök në weyiic, raan cï awänyde gam, ku acïn raan tök në weyiic, raan cï lop an, ‘Eeŋö cä wööc?’ Ŋɛk ee cath në cäthde, cït man ë jöŋgör lɔ ë tɔŋic.

Amoth 5:15

Nhiaarkï këpiɛth, ku mankï kërac. Ku yak gööny ŋiëc guiir tëde gööny. Tɛk däŋ bï Bɛ̈nydït Nhialic Awärjäŋ piɔ̈u kok kekë kɔc lik cï döŋ baai de Jothep.

Maika 2:1

Amawoou në kɔc ee kërac cät, kɔc ee kërac kiëët ke ke tɔ̈u piny ë biökken yiic, na lë ruu piny, ke ke loi kërɛɛcden cïk kiëët, në luɔi ril kek.

Maika 6:8

Ei, acie yen, Bɛ̈nydït acï yï nyuöth këpiɛth yïn raan. Ku lëk yïn kë köör yïn bä looi an, Ye yic looi, ku nyuɔɔthë nhiëër agɔk, ku kuur ee yïn rɔt kuɔɔr piny në Nhialicdu nɔm.

Math 27:1

Na ɣɔn amiäk aruu piny, ke bänydït ke kake Nhialic kedhie ku röördït ë kɔc yiic ke ke mɛ̈t kethook Yecu kapäc an, bïk tɔ näk.

Luɔi 23:12

Na wën, aacï piny ruu, ke Judai kɔ̈k ë ke jɔ kethook mat, gokï gutguut looi aläl an, cïkï dëk ku cïkï cäm, të ŋoot kek ke ke kën Paulo nɔ̈k.

Romai 1:32

Kɔckë, të ciɛk kek löŋ ë lueel Nhialic ŋic an, kɔc ë ka cït ee kake looi aröŋkï ë thuɔɔu, ke ke ŋoot ë ke ye kakë looi, ku yek piɔ̈ɔ̈th rɔ̈m ayadäŋ në kɔc ë ke looi.

Romai 12:9

Takkï nhiëër nu, nhiëër cïnic ruëëny. Yak kërac maan ëtaiwei, ku yak këpiɛth dɔm ë döm ril.

Nyuuth 2:2

Yɛn ŋic luɔidu, ayï luɔiduön tuc, ayï liɛɛr ë yïnpiɔ̈u, ku luɔi cïï yïn këde kɔc rac duëër guum, ku thëm cï yïn kɔc them kɔc ee röt tɔ ye tuuc ku cïkï ye tuuc, ago ke yök aye aluɛth.

1 Tham 19:11

Go Thaulo kɔc tooc, lek Debid tiɛɛt ɣöt ke bïk nɔ̈k adurduur të riëël en bei ɣönde. Ago Mical tiiŋde ye yɔ̈ɔ̈k an, “Të kën yïn kat ë nɔn wakɔ̈u, ke yïn bïï nɔ̈k në run ë piny.”