Diɛt 35:26 - JAM DE NHIALIC 2011

²⁶ Yäär ke gup ku tɔ ke nuan, në luɔi ë cï kek piɔ̈ɔ̈th miɛt në kërɛɛc cï ya yök. Yäär keek abïk gup riɔ̈ɔ̈c, në luɔi ye kek ye lueel an, wärkï yɛn në piath.

Diɛt 35:26 ပူးပေါင်းရင်းမြစ်များ

Jop 19:5

Ee yic, wek ee röt tɔ piɛth në yɛn, ku luɛlkï an, riäŋdiënë yen anyooth awänydï,

Jop 8:22

Abï kɔc man yïn yɔ̈ɔ̈r gup, ku bɛ̈i ke kɔc ee karɛc looi acïkï bï nu.

Diɛt 109:19

Tɔ kumkï kɔ̈u cït man ë lupɔɔ, ku bïï duööt ë yekɔ̈u ë cieŋ cït thiööth!

Diɛt 129:5

Raan man Dhiɔn ëbɛ̈n, abï tiaam ku leerë ciëën.

Diɛt 132:18

Yɛn bï kɔc ke aterde kuöm piny në ayäär, ku ciɛɛŋde abï kuɛth ku le ke dït.”

Diɛt 35:4

Yäär kɔc gup, kɔc kɔɔr aa näkkï yɛn! Tɔ kɔc kɔɔr an näkkï yɛn puk röt ku kɔtkï!

Diɛt 38:16

Du kɔc ke aterdï tɔ get ɛn guöp, du ke tɔ leec röt në luɔi cän wïïk!

Diɛt 55:12

Na ë kɔc ke ater kek ë lɛ̈ɛ̈t ɛn, aduëër guum, na ë kɔc ke ater kek ë jɔt röt ɛn, yɛn duëër thiaan.

Diɛt 71:13

Kɔc ee ya mak ë ke tiam ke ku riäär ke. Kɔc kɔɔr bïk ya yiëk guöp bɔ̈t, ë ke yäär ku riɔ̈ckï gup.

Yith 41:11

“Kɔc göth në week, abïk ayär de tiëm ŋic. Kɔc ee piɔ̈t në week abïk thou

Jeremia 20:11

Ku yïn Bɛ̈nydït yïn tɔ̈u we yɛn, Yïn ril ku wärjäŋ, ku kɔc ee yɛn yɔŋ abïk thueet. Abïk yäär aɣet athɛɛr, në biäk cïï kek duëër tiam. Ayärden acïï kɔc nïïm bï määr ë yen.

Jeremia 48:26

Go Bɛ̈nydït lueel an, “Tɔ Mowap dëk abïï wiɛɛt, në biäk cï yen Ɛn rɛɛc. Mowap abï dal në ŋɔkke yiic, ku abï kɔc dɔl guöp.

Danyel 11:36

“Ku melik de Thiriya abï lui cït man ë kë kɔɔr ë piɔ̈nde. Abï rɔt leec nɔn dïït en ë yiëth kɔ̈k awär Nhialic dït aya. Abï rɔt lɛɛc aya agut kööl bï Nhialic yen luöi këtuc. Ku Nhialic abï këdɛn cï kiëët looi ëdhöc tëde.

Maika 7:10

Ku ëtɛ̈ɛ̈n, abï raan ater tïŋ, ku gëm en ayäär. Kɔc wään ee ya dɔl guöp an, “Nu Bɛ̈nydït Nhialicdu ënou? Abä ke bɛ tïŋ awiëëk. Abï keek dum yiic, ku ciɛth ë kekɔ̈ɔ̈th cït raan cath ë tiɔ̈kic.

1 Pet 5:5

Ku week aya, wek kɔc kor, yak ka ke röördït piŋ. Yeka, week wedhie, yak wethook piëëŋ abäk kuur aa wek röt kuɔɔr piny cieŋ cït man ë lupɔ: Nhialic ee kɔc ee röt tɔ dït ŋɛ̈ny, ku ye kɔc ee röt kuɔɔr piny gäm dhuëëŋdepiɔ̈u.