Diɛt 34:4 - JAM DE NHIALIC 2011

⁴ Yɛn cï Bɛ̈nydït lɔ̈ŋ, ago këdï bɛ̈ɛ̈r, ku kony ɛn në kën ee ya riääc ëbɛ̈n.

Diɛt 34:4 ပူးပေါင်းရင်းမြစ်များ

2 Lëk 15:2

go jäl le yök kekë melik Atha. Go lɛ̈k en an, “Piɛŋkï kë luɛɛl yïn melik Atha, ku wek kɔc ke Juda ku Benjamin! Bɛ̈nydït abï täu kekë week cït man täu wek në Yen. Na kaarkï, ka bäk yök, ku na wɛlkï wenïïm wei ka abï week nyääŋ piny.

Diɛt 18:6

Aguɔ Bɛ̈nydït cɔɔl në jiɛthëpiɔ̈u, ku caal Nhialicdï bï ya kony. Ago ya piŋ röl luaŋde, ku piŋ dhiëndiën kaar ɛn kuɔɔny.

Diɛt 22:24

Acïï kɔc kuanynyïïn ee päl wei, Acïï rɔt ee thiaan në keek, aye ke piŋ thook të cɔɔl kek en.

Diɛt 31:22

Yɛn aa cï riɔ̈ɔ̈c guɔ tak an cï ya guɔ cuɔp wei në yelɔ̈ɔ̈m. Ku acï dhiëndiën kaar ɛn kuɔɔny bɛ̈n piŋ, wën caal ɛn kuɔɔny tëde Yen.

Diɛt 35:27

Tɔ määthkï kït në miɛtëpiɔ̈u. Tɔ ke lec yïnɔm ananden an, “Bɛ̈nydït aa dhuɛ̈ŋ, ee piɔ̈u miɛt të cïï kɔcke tiam.”

Diɛt 40:17

Yɛn kɔ̈c ku kuany nyin, ku yïn kën nɔm määr ë yɛn. Yïn ee konydï ku Nhialicdï, dap ya bɛ̈n kony!

Diɛt 46:2

Ka wook cïï bï riɔ̈ɔ̈c. Na cak piny rɔt niɛŋ, ku lɛthë kur ke abäpdit thäär piny,

Diɛt 56:3

Të cän riɔ̈ɔ̈c, Bɛ̈nydït Awärjäŋ, ee yïn ya ŋɔ̈ɔ̈th.

Yith 12:2

Nhialic ee konydï, abä ŋɔ̈ɔ̈th ku cä riɔ̈c. Bɛ̈nydït Nhialic ee ya gäm gök de riɛl, Yen ee konydï

Jona 2:2

“Bɛ̈nydït në guömdï yic, Yïn cä cɔɔl ku Yïn ë këdï bɛ̈ɛ̈r. Tëthuth paan ë thuɔɔu yen aa päl ɛn arɔ̈ɔ̈l ke ya kɔɔr kuɔɔny, ku Yïn cï röldï bɛ̈n piŋ.

Math 7:7

Yak lip, ke we bï miɔɔc, yak köör, ku abäk yök, yak ɣöt tɔɔŋ thok, ku abï liëp week.

Luk 11:9

Ku wek yɔ̈ɔ̈k an: Yak lip, ke we bï aa miɔɔc, yak köör, ku abäk aa yök, yak ɣöt tɔɔŋ thok, ku abï liëp week.

2Tim 1:7

Nhialic akën wo gäm piɔ̈n ë riɔ̈ɔ̈c, ee piɔ̈n ë riɛldït, ku nhiëër, ku pɛlënɔm, en aa gëm wook.

Ɣeberuu 5:7

Ɣɔn nu Yecu ë piny nɔm, acï Nhialic lɔ̈ŋ ku dhiɛɛu në röldït, lɛ̈ŋ Nhialic Raan duëër en kuöny bei në thuɔɔuwic. Aye lɔ̈ŋ në riëëu ku kuur yen rɔt kuɔɔr piny në Nhialic nɔm, go Nhialic lɔ̈ŋde piŋ.

1 Tham 27:1

Ago Debid jam në yepiɔ̈u an, “Ee nïn kë yiic Thaulo abï yɛn nɔ̈k ka këpiɛth bä looi ë luöi bän rɔt kual la Pilithtia. Yen abïï Thaulo bäp ke kɔɔr yɛn, ku cïï ya yök piny ë Yithriɛl, aguɔ poth.”