Diɛt 33:6 - JAM DE NHIALIC 2011

⁶ Paannhial aa cak në kë cïï Bɛ̈nydït lueel, ku aköl, ku pɛɛi, ku kuɛl kedhie aake ciɛk ke në kë cï lueel ë yethok.

Diɛt 33:6 ပူးပေါင်းရင်းမြစ်များ

Cäk 1:1

Të ɣɔn thɛɛr gɔl ë käŋ, Nhialic ë tënhial cak kekë piny.

Cäk 1:6

Ku lueel ë Nhialic an, “Gëlgël ë bɔ̈ në pïïu yiic cil, ku ë tek pïïu yiic.” Ago Nhialic gëlgël looi, ku pɛ̈ɛ̈k pïïu ke wɛ̈ɛ̈r nu ë gëlgël thar, në pïïu ke deŋ nu në gëlgël kɔ̈u nhial. Go rɔt looi cït man cï Yen e lueel.

Cäk 2:1

Ku tënhial kekë piny, aake cï jɔ thök në cäk në ka tɔ̈u thïn kedhie.

Cäk 2:7

Ago Bɛ̈nydït Nhialic raan cuëëc në tiɔɔm ë piny ku mony cï cuëëc ku jɔ kuöth wum yom ë pïïr, go raan jɔ aa këpïïr.

Cäk 6:7

Go Bɛ̈nydït lueel an, “Yɛn bï kɔc cä cak nyaai nyïïn kedhie në piny nɔm, abïï ciɛ̈n tök. Ku läi, ku diɛt, ku ka ye mol, abä ke nyaai nyïïn kedhie. Në luɔi cän piɔ̈u rac në kë ë cäk keek.”

Jop 26:13

Wëide ee paannhial weeric abï lɔ wic, ku cinke aye Yen ke ŋuäldït kɔɔr bän thɔ̈ɔ̈ric.

Jop 33:4

Wëidït ke Nhialic Awärjäŋ acïk ya looi ku gëmkï ya pïïr.

Diɛt 104:30

Ku të cï Yïn ke gäm wëi, ka acï keek cak, Yïn cï pïïr cï piac looi bɛ̈ɛ̈i ë pinynɔm.

Diɛt 33:9

Kë cï lueel ë rɔt bɛ̈n looi, ku löŋde ee kɔ̈ɔ̈c ë cökiic.

Jeremia 10:16

Nhialic de Jakop acïï cït keek, ee Yen ee Raan ë loi këriëëc ëbɛ̈n, ku lɔc Yithriɛl bïï aa kɔcke. Bɛ̈nydït de rɛm Yen aye rinke.

Jeremia 8:2

Ku abïï keek thieth në akɔ̈l nɔm kekë pɛɛi ku në rem de paannhial nɔm ëbɛ̈n, kɔc cï keek nhiaar ku luuikï keek, ku kuanykï keek cök, kɔc cïk gam ku lamkï, acïï keek bïï määtiic ku cïï keek tɔ̈ɔ̈u, abïk ciët wär ke ɣɔ̈k piny.

Jɔn 20:22

Na wën, aacï kënë lueel, ke jɔ wëi ë kegup, ku yöök keek an, “Nämkï Wëidït ɣer.

Romai 1:25

Kɔc cï yic de Nhialic puk tɔkï ye lueth, ku yek kë cï cuëëc riëëu ku yek luööi, awär Aciëŋ ë cak käŋ, Raan cath ke athiɛɛi aɣet athɛɛr. Amiin.

Nyöŋ 4:19

Ku të cä wek nhial lieec ku tiëŋkï akɔ̈l kekë pɛɛi ku kuɛl, ku ka nu nhial kedhie, duökï röt bï tɔ them, aguɔkï keek lam. Acïï Bɛ̈nydït Nhialicdun keek gäm juöör kɔ̈k ë pinynɔm bïk keek aa lam.

Ɣeberuu 11:3

Në biäk de gämdan de yic aŋäth, ayok ŋic luɔi ë ciɛk ë piny në jam ë ye Nhialic lueel ë Yethok, ku ŋicku ayadäŋ nɔn ë ciɛk ë ka woi në ka liu.

2 Pet 3:5

Ku cöökë acïk baai ke ŋickï, an, Tënhial anu ɣɔn thɛɛr, ku nu piny nɔm aya, biäk ee tɔ̈u biic ku tɔ̈u biäk ë pïïu yiic, në jam de Nhialic,