Diɛt 33:17 - JAM DE NHIALIC 2011

¹⁷ Jöŋgöör ke tɔŋ acïkï duëër tiam kapäc, acïï riɛldɛn dït ke duëër kony.

Diɛt 33:17 ပူးပေါင်းရင်းမြစ်များ

Diɛt 147:10

Miɛtëpiɔ̈nde acie tɔ̈u kekë jöŋgöör ril, ku acie tɔ̈u kekë jööt ke tɔŋ,

Diɛt 20:7

Kɔc kɔ̈k ayek abëël ke tɔŋ ŋɔ̈ɔ̈th, ku ŋäth kɔc kɔ̈k jöŋgöörken, ku wok ee riɛl de Bɛ̈nydït Nhialicda ŋɔ̈ɔ̈th.

Diɛt 20:8

Kɔc cït ee kakë abïk aa dak ku wïïkkï, ku wok bï röt jɔt ke wo lɔ piɔ̈ɔ̈th wai.

Kɛ̈ŋ 21:31

Kɔc ayek röt guiir në akööl ke tɔŋ, ku tiëm ee ya këde Bɛ̈nydït.

Wɛ̈ɛ̈t 9:11

Ku yɛn cï rɔt puk guɔ këdäŋ tïŋ ë piny nɔm, acie raan ŋic kat yen ee tiam aköölnyïïn, acie jööt kek ee tɔŋ tiaam aköölnyïïn, acie kɔc pelnïïm kek ee këcam yök aköölnyïïn, acie kɔc tiëër nïïm kek ee kuɛth aköölnyïïn, acie kɔc ŋic käŋ kek ee miɛtëpiɔ̈u yök tëde kɔc aköölnyïïn. Piäl ë guöp ee këde raan ëbɛ̈n.

Yith 30:16

Ku acäk tak an bäk ban ë jöŋgöör ŋic riŋ të cop ë kɔc ke aterdun week. Ee yicdun, kat ee yen ee kë bäk looi! Ayak tak an ŋic jöŋgöörkun riŋ aläl, ku kɔc cop week aŋickï riŋ aläldïïtë!

Yith 31:1

Amawoou në kɔc ee lɔ Rip lek kuɔɔny kɔɔr! Ayek rem dïït ë tɔŋ de Rip, ku jöŋgöör, ku abëël tɔŋ ŋɔ̈ɔ̈th. Ku acïkï Bɛ̈nydït ee ŋɔ̈ɔ̈th, Nhialic Ɣeric de Yithriɛl, ku cïkï kuɔɔny thiëc tëde yen.

Ɣodh 14:3

Athiriya acïï wook duëër kɔn luök taitai. Ku wok cï bï bɛ kɛɛc në jöŋgöör ke tɔŋ kɔ̈ɔ̈th. Ku acuku bï bɛ nyɔk ë lëk wok en yiëthkuɔn ë loiku keek në wocin, an wek ee Nhialicda. Në baŋ ye abaar kokëpiɔ̈u yök tëde Yïn.

Nyöŋ 20:1

Go Mothe lueel an, “Të la wek biic, lak thɔ̈ɔ̈r në kɔc ke aterdun, ku lak abëël ke tɔŋ tïŋ, jöŋgöör ku remdïït de tɔŋ wär week në juëc, duökï riɔ̈c në keek, Bɛ̈nydït Nhialicdun Raan wään luäk week në Rip, abï tɔ̈u ke week.

Bäny 4:15

Na wën aa lɔ Barak ke mak kekë remdɛn ë tɔŋ, go Bɛ̈nydït Thithera kekë abëëlkɛn ke tɔŋ ku remdɛn ë tɔŋ gäm anuɔɔn. Go Thithera kɛɛc piny në abëldɛn ë tɔŋ kɔ̈u ku kɛt në yecök.