Diɛt 32:8 - JAM DE NHIALIC 2011

⁸ Acï Bɛ̈nydït lueel an, “Yïn bä wɛ̈ɛ̈t ku nyuöth yïn kueer bïï yïn lɔ thïn, yïn bä wat ku tiɛɛt yïn në kë bï yïn yök.

Diɛt 32:8 ပူးပေါင်းရင်းမြစ်များ

Cäk 24:48

Aguɔ yamiɔl guöt piny, ku läŋ Bɛ̈nydït. Yɛn ë Bɛ̈nydït piɔɔny, Nhialic de bɛ̈nydiën Abraɣam. Raan cï ya caath ëgɔk, bïï yɛn tëde kɔc ke yï bɛ̈nydï. Të cän nyande bɛ̈n yök, bïï ya tiiŋ ë wën ë bɛ̈nydï.

2 Tham 22:33

Nhialic yen ee tëdiën ë thiaan, ee kueerdï tɔ piɛth.

1 Mel 8:36

ke Yï jɔ lɔ̈ŋden piŋ paannhial. Pälë melik awɛ̈ɛ̈c, ku kɔc ke Yithriɛl. Wɛ̈ɛ̈të ke bïk yic aa looi. Bɛ̈nydït, tuɔɔcë deŋ ee pinyduönë nɔm, piny cï gäm kɔcku ke ye këdɛn bï kek tɔ̈u thïn ananden.

Diɛt 143:8

Ye yɛn täk nɔm aköölnyïïn ëbɛ̈n në biäk de nhiëërduön agɔk, në biäk ŋääth yɛn Yïn. Nyuöthë yɛn kueer bän lɔ thïn, lɔ̈ŋdï ee lɔ nhial tëde yïn.

Diɛt 25:12

Raan ee Bɛ̈nydït riëëu, yen aye Bɛ̈nydït nyuöth kueer cï lɔc.

Diɛt 33:18

Tiëŋkï, nyïïn ke Bɛ̈nydït atɔ̈ukï në kɔc ee ye riëëu gup, kɔc ee nhiëërdɛn agɔk ŋɔ̈ɔ̈th.

Diɛt 34:11

Bäkkï mïth, bäk piɛŋkï kë luɛɛl, wek bä nyuöth riëëu ye Bɛ̈nydït riëëu.

Kɛ̈ŋ 3:1

Du nɔm kɔn määr në wëët lɛ̈k yïn mɛnhdï. Ku ye lööŋ thɔ̈n yïn döt aköölnyïïn.

Yith 48:17

Nhialic Ɣeric de Yithriɛl, Bɛ̈nydït ee yen kony week acï lueel: “Yɛn ee Bɛ̈nydït Nhialicdun, raan kɔɔr bïï we wɛ̈ɛ̈t në biäk de piathdun, ku nyuth week kueer duëër wek lɔ thïn.

Yith 49:10

acïkï cɔk ke bï kɔn nɔ̈k ayï rou. Tuöc de akɔ̈l ku jɔ̈ɔ̈r acïï ke bï nɔ̈k, në biäk bïï raan nhiaar keek wat. Abïï keek lɛɛr në nyïïn ke pïïuwiic.

Kuɛ̈n 9:22

Të cïï luät nïn aa rou ke rɛ̈ɛ̈r ë paany nɔm ee të töŋë, ku nɔn yen pɛɛi, ku nɔn yen ruöön, ku nɔn wɛ̈ɛ̈r ruöön, ke kɔc ayek rëër ë të töŋë ke ke cïï jël të kën ë luät jäl. Na cï luät jäl ke ke jël ayadäŋ.

Math 11:29

Damkï luɔidï, ku yak röt piɔ̈ɔ̈c ë yɛn, yɛn ŋic rëër ëmääth, ku yɛn ee rɔt tɔ koor, ke we bï lɔ̈ŋ yök ë wepiɔ̈ɔ̈th.