Diɛt 31:7 - JAM DE NHIALIC 2011

⁷ Yɛn mit piɔ̈u arëët wok ë nhiëërduön agɔk, në biäk cï Yïn nuandï tïŋ, ku tïŋ katuc cï ya yök.

Diɛt 31:7 ပူးပေါင်းရင်းမြစ်များ

Neɣe 9:32

“Ënɔɔnë Yïn Nhialicdït lëu këriëëc ëbɛ̈n! Ee piny riääc nɔm ëbɛ̈n, ku Yïn de kokdepiɔ̈u, ku Ye löŋduön cï mac döt. Gɔl ɣɔn yɔŋ ë meliik ke Athiriya wook, agut cï ënɔɔnë në Meliikkuɔ, ku bänykuɔn ke kake Nhialic ayï tït ke Nhialic, ku kuarkuɔ ku kɔc kedhie. Tak Yïnɔm në wook në guömdïït cïï wok yaaŋ guum!

Jop 10:9

Tak Yïnɔm nɔn ee Yïn ë cuëc ɛn në tiɔp, ku duɛ̈ɛ̈rë ya bɛ riɔ̈ɔ̈k dakë yanɔm abuui yic?

Jop 23:10

Ku Yen aŋic të nu yɛn, na le ya them, abï ya yök ke ya lɔ gɔk cït adhääp.

Diɛt 1:6

Në biäk ŋic ë Bɛ̈nydït kueer de kɔc piɛthpiɔ̈ɔ̈th, ku kueer de kɔc rac ee thuɔɔu.

Diɛt 10:14

Ku yïn ee yaaŋ tïŋ ku tïŋ nuan ku yïn ee kuɔɔny bɛ̈ɛ̈i. Kɔc yɔŋ keek ayek röt gäm yïn, ee yïn ee kɔc cïn käŋ kony.

Diɛt 119:153

Woi nuandï tei, ku kony yɛn, në biäk kɛ̈n ɛn löŋdu dhɔɔt yic.

Diɛt 13:5

Yɛn ŋäth nhiëërduön agɔk, yɛn bï piɔ̈u miɛt, në luɔi bï yïn a kony.

Diɛt 142:3

Të cän thiɔ̈k wo luöi bän piɔ̈u bäp ee kë bä looi ŋic. Në kueer yan cath thïn, kɔc ke aterdï acïk wïn ë dɛ̈p thiaan thïn.

Diɛt 25:18

Tïŋ nuandï ku karɛc cï a yök, ku pälë ya awɛ̈ɛ̈ckï kedhie.

Diɛt 71:20

Yïn cï nuɛɛn ku tɔ̈ɔ̈k yiɛ̈n yɛn, ku Yïn bï riɛldï bɛ bɛ̈ɛ̈i, Yïn bï yɛn pɛ̈n lɔ rɛɛŋ.

Diɛt 9:13

Kokëpiɔ̈u we yɛn Bɛ̈nydït! Tïŋ nuandïït cïï kɔc ke aterdï luöi yɛn! Luäk ɛn në thuɔɔu Bɛ̈nydït!

Diɛt 90:14

Thiɔ̈ŋ wopiɔ̈ɔ̈th në nhiëërduön agɔk aköölnyïïn, ke wo bï ket ku mitku piɔ̈ɔ̈th në pïïrda yic ëbɛ̈n.

Yith 43:2

Të tëëk yïn në pïïuwiic të thiäŋ, Yɛn bï tɔ̈u wo yïn, kadhal yïn acïkï yïn bï tiaam. Të tëëk yïn në macic, yïn cïï bï nyop, këril them yïn ëbɛ̈n acïn kë bïï luöi yïn.

Yith 49:13

Kɛ̈të paannhial! Loi awuɔɔu de miɛtëpiɔ̈u, piny! Takï kur wuou ke ke ket diɛt! Bɛ̈nydït abï kɔcke duut piɔ̈ɔ̈th, abï piɔ̈u kok kekë kɔckɛn cï nuan.

Yith 63:16

Yïn ee wääda. Kuɛɛrëdan Abraɣam ku Jakop akënkï wook ŋic, ku Yïn Bɛ̈nydït, yïn ee wäärda, raan ee wo kony ë ceŋ.

Yith 63:9

në nuɛɛnken yiic ëbɛ̈n. Aa cie tunynhial, ee Yen Bɛ̈nydït guöpde Yen aa kony keek. Në nhiëërde ku kok de piɔ̈nde acï ke bɛ̈n kony. Aa ye keek gël ë ceŋ në run wään cï tëëk,

Jeremia 33:11

awuɔɔu de miɛtëpiɔ̈u ku dhuëëŋ de monythiëk ku nyan thiak bɛ piŋ. Yïn bï kɔc bɛ piŋ akït ke ke bïï miɔ̈c de miɛtëpiɔ̈u ɣöndiën ë Bɛ̈nydït, abïk aa lueel an, ‘Gämkï Bɛ̈nydït de rɛm alɛɛc, në biäk piɛth En, ku nhiëërdɛn agɔk atɔ̈u athɛɛr.’ Yɛn bï ee pinyë bɛ tɔ kueth cït man wään kɔn en tɔ̈u. Acä lueel, Yɛn Bɛ̈nydït.”

Dhiëëu 3:50

Agut të le Bɛ̈nydït piny luiit paannhial ku tïŋ wook.

Dhiëëu 5:1

Bɛ̈nydït, tak kë cï rɔt luöi wook. Woi wook, ku tïŋ ayärda.

1 Kor 8:3

Ku të nhiɛɛrë raan Nhialic, yen aye ŋic ë ye.

Galatai 4:9

Ku ënɔɔnë, nɔn cä wek Nhialic ŋic, ku aŋuän luɔi lueel wok en an, we cïï Nhialic ŋic, eeŋö bɛ wek röt pɔ̈k ka cïn naamden, ka cïn riɛl ku kuanykï nyïïn, ku dɛkï piɔ̈ɔ̈th luɔi bä wek röt bɛ tɔ ye lïïmken raanrou?

2Tim 2:19

Na cak kɔc e looi aya, ke këërkëër ë wec Nhialic akääc, ke cïï wiëëk, acï gäär kɔ̈u cöökë an, “Bɛ̈nydït aŋic kɔc cï aa kɔcke.” Ku cöökë aya an, “Raan ëbɛ̈n raan ee Kërtho cɔɔl rin ë nyaai ë luɔi de këracic.”