Diɛt 31:5 - JAM DE NHIALIC 2011

⁵ Yïn cä gam wëi kï. Kony ɛn Bɛ̈nydït, Nhialic de yith.

Diɛt 31:5 ပူးပေါင်းရင်းမြစ်များ

Cäk 48:16

Abï tunynhial ke thieei, tunynhial ɣɔn luäk ɛn në karɛciic ëbɛ̈n. Ku abïk ŋoot ke ke ye cɔ̈l ɛn, ku cɔ̈lë ke wärkuɔ: yï Abraɣam kekë Yithaak. Ku abïk nïïm dɛ mïth juëc arëët, ku dekï nïïm mïth ke mïthkɛn juëc!”

Diɛt 130:8

Abï kɔckɛn ke Yithriɛl kony në awɛ̈ɛ̈cken yiic kedhie.

Diɛt 71:23

Yɛn bï kïïu në miɛtëpiɔ̈u, ke ya cɔ̈ŋ, në guöpdï ëbɛ̈n yɛn bï ket, në luöi cï Yïn yɛn kony.

Yith 50:2

“Eeŋö ye kɔckï mim ke cïn kë cïk lueel, wään la Yɛn tëden bä keek la ke luök? Eeŋö kën kek cɔ̈tdï puk nɔm wën cɔ̈ɔ̈t Ɛn? Cä guɔ ciën riɛl kuɔny ɛn keek? Yɛn duëër wɛ̈ɛ̈r tɔ dëu abïï yic riɛl të cän e lueel ku pɔ̈k kiɛɛr ke ke ye jɔ̈ɔ̈r, abï rec nu thïn thou në biäk de ciɛ̈n pïïu.

Lebai 25:48

Wuulënë ku nɔn ee wënwuun ayï raan raan kekë yen, raan dhiënden, aduëër yen waar, ku na cï rɔ lɔ yɔ̈k wëu juëc aduëër rɔt waar.

Luk 23:46

Na wën, ke Yecu cöt ë röl dït, lueel an “Wäär, wëikï a tääu keek ë yïcin!” Ku të cï en wëlkë lueel, ke jɔ thöök.

Luɔi 7:59

Gokï Thepano biöök ë kur, ke cöt, lueel an, “Bɛ̈nydït Yecu, loor wëikï!”

Nyöŋ 32:4

Yen acït kuur, ku wëlke ayek dikëdik, ku kuɛɛrke kedhie ayek yic. Ee Nhialiny adöt cïï kërac ë looi, raan ee yic looi ku le piɔ̈u wai.

2Tim 1:12

En aa guööm ɛn ee kakë aya: ku acä keek guum, ke yɛn kën yäär, në biäk ŋiɛc yɛn raan cä gam, ku aŋiɛc ëgɔk nɔn duëër en këdäŋ ŋiëc tiit kë cä kuɛ̈i yen aɣet kööl bï bɛ̈n.

2Tim 2:13

Të cïï wok ee kɔc adööt, ka ye tɔ̈u ke ye Raan adöt, acïï rɔt ee lëu ë jiɛi.”

Tito 1:2

në aŋäth de pïïr athɛɛr, pïïr cï Nhialic Raan cïï lueth duëër töör kɔn lueel an, bï gäm kɔc, ɣɔn ŋootë piny ke kënë cak:

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 6:18

Käŋ kaarou ka cïï röt duëër waar ku cïï Nhialic ke lueth duëër töör në biäkden, ee ka cï than ku lɔ kuëŋ cï Yen kuëŋ, acïk wook gäm aŋäth ku riëtëpiɔu, agoku kɔ̈ɔ̈c aril në aŋäth cï tääu ë wonïïm tueŋ.

Nyuuth 5:9

Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,