Diɛt 31:19 - JAM DE NHIALIC 2011

¹⁹ Piathdu adït, piathduön cï täu kɔc ee yïn riëëu! Ku cï gäm kɔc ee yïn ŋɔ̈ɔ̈th, ke bïï kɔc aa tïŋ.

Diɛt 31:19 ပူးပေါင်းရင်းမြစ်များ

Diɛt 12:5

Go Bɛ̈nydït lueel an, “Yɛn bï jɔ bɛ̈n ënɔɔnë në luɔi cïï kɔc kuanynyïïn yɔŋ ku kɔc yɔŋ keek ayek teer në arɛɛm. Abä ke gam lɔ̈ŋ kɔɔrkï ë caŋ ɣɔn.”

Diɛt 16:11

Yïn bï ya nyuöth kueer de pïïr, ku täu tɔ̈u Yïn we yɛn ee ya tɔ mit piɔ̈u ku tɔ ya lɔ̈ŋ piɔ̈u aɣet athɛɛr.

Diɛt 23:5

Yïn ee këcamdï kiëët në kɔc nïïm, kɔc de ater në yɛn, ku yïn ë ya tɔc nɔm në miök, ku abïnydï ë thiäŋ ka ee nɔm wɛt wei.

Diɛt 68:28

Nhialic, nyuɔɔthë riɛldu, riɛlduön wään cï looi ë biäkda wook,

Diɛt 73:1

Ee yic Nhialic apiɛth kekë Yithriɛl, kɔc lɔ piɔ̈ɔ̈th wai.

Yith 26:12

Yïn bï wo gäm mät, Bɛ̈nydït, këriëëc cuk looi ëbɛ̈n, ee Yïn ee ye luöi wook.

Yith 35:10

Abïk ɣet Jeruthalem ke ke mitpiɔ̈ɔ̈th, ke ke kët ku yek kiɛɛu de miɛtëpiɔ̈u moc. Abïk piɔ̈ɔ̈th miɛt aɣet athɛɛr, ku abïk nïïm ciɛ̈n dhiënëpiɔ̈u kekë jiɛthëpiɔ̈u aɣet athɛɛr.

Yith 64:4

Acïn raan töŋ cï Nhialic cït yïn kɔn tïŋ ku acïn raan cï ye kɔn piŋ, raan ee ka cït ee kake luöi kɔc cï aŋäthden tääu ë yeguöp.

Kuɛ̈n 23:23

Acïn athuɛ̈ɛ̈th, ku cïn kë bï caar, duëër kɔc ke Yithriɛl lëu. Acïn kɔc bï jam në biäk de Yithriɛl, an, ‘tïŋ kë cïï Nhialic looi!’

Jɔn 3:21

Ku raan ee yic looi ee bɛ̈n tëɣer, ke luɔide bï aa tïc, nɔn cï e looi në Nhialic.

Luɔi 15:12

Na wën, ke amatnɔm ëbɛ̈n ke ke jɔ mim, ku piŋkï këde Baranaba ku Paulo, ke ke guiir göök ku ka ye kɔc ke gäi, ka cïï Nhialic looi ë Juöör yiic në kecin.

Romai 11:22

Wɔikï ënɔɔnë, piath ë Nhialic piɔ̈u ayï riɛl ë yenpiɔ̈u: tëde kɔc wään cï wïïk, ee riɛlëpiɔ̈u, ku tëde yïn ee piathëpiɔ̈u, të ee yïn cool ë rëër ë piath de yenpiɔ̈u, na rɛɛcë, ke yïn bï tɛ̈ɛ̈m bei aya.

1 Kor 2:9

Ku acït man cï e gɔ̈ɔ̈r an: “Akënë ke tïŋ ë raan nyin, ku akënë ke piŋ ë raan yïc, ku akënkï lɔ ë raan piɔ̈u, Kek ka cïï Nhialic guik në këde kɔc nhiaar en.”

2 Kor 5:5

Ku Raan ë cuëc wo në këmanë guöp en aye Nhialic, Raan cï wo gäm Wëikɛn dït, ee biäk de kë buk yök rial.

Ɣeberuu 10:34

Wek aye kɔc cï mac kuɔny ku wek cïï piɔ̈ɔ̈th ee jiɛth të cïï kakun jɔt, në ŋïny ŋiɛc wek en të le wek lɔ paannhial, wek de nïïm kajuëc cïn kë bï ke jɔt ëtɛ̈ɛ̈n.

Jakop 2:5

Piɛŋkï wek mïthëkɔckuɔn nhiaar! Kën Nhialic kɔc kuanynyïïn lɔc, kɔc kuanynyïïn në kakë piny nɔm, bïk aa kɔc dïït ë gäm, ku yek kɔc bï ciɛɛŋ lɔ̈ɔ̈k lak, ciɛɛŋ cïï Nhialic kɔn lueel an, bï gäm kɔc nhiaar en?