Diɛt 31:14 - JAM DE NHIALIC 2011

¹⁴ Ee Yïn aŋääth Bɛ̈nydït, ee Yïn ee Nhialicdï.

Diɛt 31:14 ပူးပေါင်းရင်းမြစ်များ

Cäk 37:18

Na wën, ke ke tïŋ Jothep wei. Ku të wën ŋoot en ke kën guɔ ɣëët, ke kiirkï nɔn bï kek en nɔ̈k.

Diɛt 140:6

Guɔ lɛ̈k Bɛ̈nydït an, Yïn ee Nhialinydï. Bɛ̈nydït, piŋ dhiëndiën kaar ɛn kuɔɔny!

Diɛt 18:2

Bɛ̈nydït yen aye kuurdï, Yen aye ya gël, ku raan ee yɛn luök, ku ye Nhialicdï, ku kuurdiën de thiaan. Ku Nhialic ee köndï, ku ye tuuŋ de kuɔɔnydï, ku ye tëdiën de riɛl.

Diɛt 43:5

Eeŋö dhiaau ɛn piɔ̈u? Ku eeŋö diɛɛr ɛn? Yɛn bï aŋäthdï tääu në Nhialic guöp, ke bä bɛ leec, yen konydï ku Nhialicdï.

Diɛt 63:1

Nhialic, Yïn ee Nhialicdï, Yïn kaar. Guöpdï ëbɛ̈n akɔɔr Yïn, yɛn cï yal në Yïn cït man ë piny ril cïn yic pïïu, piɔ̈ndï ë yal në Yïn.

Diɛt 71:12

Nhialic du rɛ̈ɛ̈r tëmec we yɛn, Nhialicdï bäär dap ya kony!

Diɛt 71:22

Yïn bä leec në thom, yɛn bï piɔ̈nduön adöt piɔɔny Nhialicdï. Yïn bä kiët diɛt në thomdï, Yïn Nhialic Ɣeric de Yithriɛl.

Jeremia 20:10

Yɛn ee raan ëbɛ̈n piŋ ke ŋun an, “Akuöörkuöör anu ë pinynɔm ëbɛ̈n! Ka lok lëkku bäny ke baai!” Ayï määthkï nɔm atitkï wïïkdï. Ayek lueel an, “Tɛkdäŋ bïï math, ku ëtɛ̈ɛ̈n abuk dɔm ku jɔku röt guöör.”

Math 26:39

Go rɔt cuɔt tueŋ ëmääth, ku gut enɔm piny, ku lɛ̈ŋ an, “Yïn wäär, na lëu rɔt, tɔ bïnyë waan ɛn! Ku acie këde piɔ̈ndï, ee këde piɔ̈ndu.”

Math 26:42

Go bɛ jäl raanrou, le lɔ̈ŋ an, “Wäär, na cïï ee bïnyë dhal ë luɔi bï en a waan, të kɛ̈n ɛn kɔn dek ë ye, ke yï tɔ këde piɔ̈ndu loi.”

Math 27:46

Ku të cït thaar kadhoŋuan, ke Yecu cöt ë röl dït an, “Eli, Eli, lama tha bakthani?” Yen aye, “Nhialicdï, Nhialicdï, eeŋö pɛ̈l yïn a wei?”

Jɔn 20:17

Go Yecu yɔ̈ɔ̈k an, “Du ya jak guöp, yɛn ŋoot ke yɛn kën lɔ nhial tëde wäär. Jɔ lɔ tëde wɛ̈ɛ̈tamäthkuɔ, lɛ̈kë keek, an, Yɛn lɔ nhial tëde Wäär, ku ye Wuöördun, ku la tëde Nhialicdï, ku ye Nhialicdun.”