Diɛt 30:12 - JAM DE NHIALIC 2011

¹² Yɛn cïï thok bï mim, yïn bä leec. Bɛ̈nydït Nhialicdï, yïn bä leec aɣet athɛɛr.

Diɛt 30:12 ပူးပေါင်းရင်းမြစ်များ

Cäk 49:6

Yɛn cï bï aa lɔ tëdɛn rëër kek thïn, ayï amɛɛtken, yɛn cï bï ya lɔ thïn. Ayek kɔc nɔ̈k të cï kek ŋeeny, ku tɔkï miöör ee ŋöl të thuëëc kek.

Ethta 8:16

Kɔc ke Judai acïk piɔ̈ɔ̈th bɛ̈n miɛt ku dɔlkï në nɔm lääu ku riëëu cïk yök.

Ethta 9:22

Kek ë nïnkë, kek aa cïï kɔc ke Judai röt kony në kɔc ke aterden cin, ku yen ë pɛɛiyë, yen aaye pɛɛi de jiɛthëpiɔ̈u ku dhiëëu, acï rɔt bɛ̈n puk ke ye pɛɛi de miɛtëpiɔ̈u. Acï ke bɛ̈n yɔ̈ɔ̈k bïk nïnkë aa döt, bï kek dhuëëŋ de miɛtëpiɔ̈u aa looi, ye kek biɔl de miɛtëpiɔ̈u näk röt, ku yek kɔc kuanynyïïn miɔɔc thïn ayadäŋ.

Diɛt 13:6

Bɛ̈nydït, yïn bä kët dit, në luɔi piɛth Yïn we yɛn.

Diɛt 145:2

Akööl yiic ëbɛ̈n Yïn bä aa leec. Yïn bä aa thieei aɣet athɛɛr ku athɛɛr.

Diɛt 16:9

Yen a jan piɔ̈u miɛt aläl, ku lɛɛc Bɛ̈nydït, ku yɔ̈k nɔn duëër En ɛn gël apiɛth,

Diɛt 44:8

Wo bï Nhialic piɔɔny ë ceŋ, Yïn buk lɛ̈k rin thieithieei aɣet athɛɛr.

Diɛt 57:8

Jɔt rɔt piɔ̈ndï, jɔt rɔt! Jɔt rɔt thomdï wekë aruöördï! Yɛn bï akɔ̈l pɔ̈ɔ̈c.

Diɛt 71:14

Yɛn bï aŋäthdï tääu në Yï guöp ëceŋ. Yïn bä leec aläl.

Diɛt 71:23

Yɛn bï kïïu në miɛtëpiɔ̈u, ke ya cɔ̈ŋ, në guöpdï ëbɛ̈n yɛn bï ket, në luöi cï Yïn yɛn kony.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Luk 19:40

Go pɔ̈k nɔm keek an, “Wek yɔ̈ɔ̈k an, të miimë kɔckë, ke kɔi gup aduëërkï cööt ënɔnthiinë.”

Luɔi 4:20

Ku wo cïï aguiɛɛr duëër pɔ̈l në ka cuk tïŋ ku piŋku ke.”

Nyuuth 7:12

luelkï, an, “Amiin: Athiɛɛi, ku dhuëëŋ, ku pɛlënɔm, ku thieithieei, ku riëëu, ku riɛldït, ku riɛl ee käŋ lëu, ë ke ye tɔ̈u në Nhialicda aɣet wadäŋ thɛɛr ya. Amiin!”