Diɛt 30:1 - JAM DE NHIALIC 2011

¹ Yïn bä piɔɔny Bɛ̈nydït, në luöi cï Yïn ya luök. Yïn kën kɔc de wok ater tɔ thuɛ̈ɛ̈c në yɛn.

Diɛt 30:1 ပူးပေါင်းရင်းမြစ်များ

2 Tham 20:3

Na wën cï Debid ɣet ɣöndɛn ë bääny ë Jeruthalem, ke nöm diäärkɛn määth ë yen kathiëër, diëër ɣɔn cï nyääŋ piny, bïk ɣöt lɔ̈ɔ̈k tiit thok, ku tɔ keek tit. Aa ye ke miɔɔc ë kacaam, ku akën bɛ lɔ ɣöt ke keek. Acï keek bɛ̈n tɔ rɛ̈ɛ̈r ɣööt ë pïïrden yic, ke ke cït thum.

2 Tham 24:25

Go yïk yiëk Bɛ̈nydït ëtɛ̈ɛ̈n, ku gɛm miɔ̈c ye nyop ëbɛ̈n, ku miɔ̈c de mät. Ago Bɛ̈nydït lɔ̈ŋde piŋ, ku jɔ jɔk kɔ̈ɔ̈c ë Yithriɛl.

2 Tham 5:11

Go melik Ɣiram në päny de Tayer kɔc tuɔɔc tëde Debid, ke ke muk mën dït ke tiim ke thidar, ku kɔc ë tiim guaŋ, ku kɔc ee kur pak yiic, ke ke bï ɣönë bääny ë Debid yïk.

2 Tham 6:20

Go Debid rɔt puɔ̈k baai ke lɔ baaiden lɔ thieei, Go Mical bɛ̈n bei bïï yen loor nɔm go lɛ̈k en an, “Melik de Yithriɛl acï rɔt yɔ̈ɔ̈r ee köölë! Yïn cï lupɔɔku bɛ̈ɛ̈i bei në duet lïïm ke bänyku nïïm!”

2 Tham 7:2

Na wën ke Debid ë yöök tiët Nathan an, “Tïŋ, yɛn rɛ̈ɛ̈r ɣön ë bääny cï yïk ë tim de thidar, ku Athänduŋ de Nhialic atɔ̈u në paany yic!”

1 Mel 8:63

ku gëm Tholomon ka cï näk Bɛ̈nydït ke ke ye miɔ̈c de mät, ka cït agum thiërrou ku rou 22,000 de ɣɔ̈k, ku agum bɔt ku thiërrou 120,000 ke amɛ̈l. Go melik kekë kɔc ke Yithriɛl kedhie Luaŋdït jɔ gäm Bɛ̈nydït.

1 Lëk 21:6

Ku në biäk cïï ë Jowap piɔ̈u mit kekë kë looi ë melik, akën kuën de dhiën de Lebai, ku dhiën de Benjamin nööm.

Diɛt 13:4

Du bï tɔ lueel ë kɔc ke aterdï an, “Acuk tiaam.” Du ke bï tɔ mitpiɔ̈ɔ̈th në löny cän löny.

Diɛt 140:8

Du kɔc rac gëm këdɛn kɔɔrkï, du kiɛɛrden tɔ tiëm.

Diɛt 145:1

Yɛn bï dïtdu aa thieei Nhialinydï ku ë meliŋdï, Yïn bä leec aɣet athɛɛr ku athɛɛr.

Diɛt 25:2

Ee Yïn aŋääth, Yïn Nhialicdï. Du ɛn bï yɔ̈ɔ̈r guöp, du ɛn bï tɔ tiɛɛm ë kɔc de ater në yɛn!

Diɛt 27:6

Ka yɛn bï kɔc de wok ater nu ë yalɔ̈ɔ̈m tiaam. Në diɛt ke miɛtëpiɔ̈u yɛn bï miɔ̈c gam ɣönde, yɛn bï ket, yɛn bï Bɛ̈nydït piɔɔny.

Diɛt 28:9

Kony kɔcku Bɛ̈nydït, ku thiei ka wën ee kaku. Tɔ rɔt ee tïnden, ku tit keek aɣet athɛɛr.

Diɛt 35:19

Du ɛn tɔ dɔl ë kɔc ke aterdï guöp, acïk ɛn maan ke cïn kë cä looi. Du ke tɔ get ɛn guöp baaŋ acïnkï nïïm yic bï kek a maan.

Diɛt 41:11

Acïkï ya bï bɛ tiaam, ku abä ŋic nɔn mit yïn piɔ̈u wekë yɛn.

Diɛt 66:17

Acä mɔ̈c kiɛɛu bï ya kony, ku piaany në diɛt.

Diɛt 79:10

Eeŋö duëër ë juöör wook aa thiëëc an, “Nu Nhialicdun ë nou?” Tɔ wo tïŋ luɔi dui Yïn juöör në luɔi cï kek rim ke awuutku tɔ kuëër piny.

Diɛt 79:4

Juöör thiääk në wook ayek wook läät, abiɔnkï wook ku yek wook dɔl gup.

Dhiëëu 2:15

Kɔc tɛ̈ɛ̈k ë pänydït këc ayek yïn biɔɔn guöp të woi kek yïn. Ayek kenïïm bet ku dɔlkï riääk de Jeruthalem, an, “Ee yen pänydït lɛ̈kë ee kënë? Ee yen lɛc de piny nɔm ëbɛ̈n ee kënë?”

Danyel 4:37

“Ku ënɔɔnë, yɛn Nebukadnedhar, yɛn piɔny, ku riëëu, ku gäm Melik de paannhial dhuëëŋ. Këriëëc ye looi ëbɛ̈n ee yic ku adöt, ku aduëër raan ëbɛ̈n, raan ee rɔt leec kuɔɔr piny.

Nyöŋ 20:5

“Ëtɛ̈ɛ̈n, bäny ke tɔŋ abïk kɔc jɔ jääm, luelkï an, ‘Na de raan nu ë we yiic ee tënë, raan ë piac ɣöt yïk ku kën ɣöt gäm Bɛ̈nydït? Na nu, ka aduëër lɔ baaide. Na le lɔ nɔ̈k tɔŋ, raan däŋ abï ɣönde lɔ̈ɔ̈k gäm Bɛ̈nydït.