Diɛt 28:2 - JAM DE NHIALIC 2011

² Piŋ lɔ̈ŋdï, të dhiëëu ɛn kuɔɔny, të yan yacin jat nhial të lɔ tëduön ɣeric.

Diɛt 28:2 ပူးပေါင်းရင်းမြစ်များ

1 Mel 6:19

Go të bï athänduŋ de mät tääu thïn looi në ɣön nu tëɣeric thar ciëën.

1 Mel 6:5

Ku yïk ɣöt në kal ë pänydït kɔ̈u, ku wil tëɣeric në ɣöötdït de yiic aber ee yiic diäk ke ke lɔ nhial, ku adekï yiic ɣööt juëc.

1 Mel 8:38

Ke Yï jɔ lɔ̈ŋden piŋ. Të de yen raan töŋ de kɔc ke Yithriɛl cï piɔ̈u dhiau në riäŋ cï ke yök, ku puk rɔt Yïn ke tɛ̈ɛ̈r e cin ë Luaŋdïïtë në lɔ̈ŋ.

2 Lëk 6:13

(Tholomon aacï të ye kɔc kɔ̈ɔ̈c looi ë maläŋ ku tɛ̈ɛ̈u ë pëëric cil. Aa ye bɛ̈ɛ̈rde mitïïr kaarou ku biäk, ku bɛ̈ɛ̈rde ke lɔ nhial ee mitïr ku biäk. Go lɔ në këde kɔ̈ɔ̈c nɔm nhial, ku tuk yemiɔl ke woi amatnɔm de Yithriɛl ëbɛ̈n, ku jɔt yecin nhial.)

Diɛt 125:5

Ku të lui yïn kɔc rac këtuc luöiyë këtuc kɔc ee lööŋku rɛɛc aya. Mät abï tɔ̈u ke Yithriɛl.

Diɛt 130:2

Piŋ dhiëndï Bɛ̈nydït, piŋ cɔ̈tdiën kaar yɛn kuɔɔny!

Diɛt 134:2

Jatë yïcin nhial në lɔ̈ŋ tëɣeric, ku yak Bɛ̈nydït thieei!

Diɛt 138:2

Yɛn bï yanɔm wɛl luaŋduön ɣeric, ku guöt yanɔm piny ku lɛɛc rinku në biäk de nhiëërduön agɔk ku piɔ̈nduön adöt, në biäk cï yïn rinku ku lööŋku nyuɔɔth nɔn nu kek ë käŋ nïïm ëbɛ̈n.

Diɛt 140:6

Guɔ lɛ̈k Bɛ̈nydït an, Yïn ee Nhialinydï. Bɛ̈nydït, piŋ dhiëndiën kaar ɛn kuɔɔny!

Diɛt 141:1

Yïn aa cɔɔl Bɛ̈nydït, kony yɛn ënɔɔnë! Piŋ kë luɛɛl të caal ɛn Yïn.

Diɛt 141:2

Nöm lɔ̈ŋdï cï wal ŋïr, ku cinkiën cä taar yiic cï miɔ̈c athɛ̈i.

Diɛt 143:6

Yɛn ee yacin täär yïn ë lɔ̈ŋ, cït man de piny cï riɛl piɔ̈ndï ë yal ë yïn.

Diɛt 5:7

Ku në biäk ë nhiëërduön agɔk, yɛn duëër bɛ̈n ɣöndu, yɛn bï lam Luaŋduön ɣeric ku guöt a nɔm piny në Yïnɔm në riëëu.

Diɛt 63:4

Yïn bä aa thieei në pïïrdï yic, yɛn bï yacin yaak nhial ke Yï läŋ.

Dhiëëu 2:19

Në wɛ̈ɛ̈ric wakɔ̈u ëbɛ̈n, ye rɔt jɔt, ku be rɔt jɔt ku tɔ dhiëëu lɔ tëde Bɛ̈nydït. Wälë yïpiɔ̈u Bɛ̈nydït ku läŋ bïï piɔ̈u kok kekë mïthku. Mïth athoukï në cɔk në aguuk ke kuɛɛr ëbɛ̈n.

Danyel 6:10

Na ɣɔn aacï Danyel ye ŋic nɔn cïï ë rin gäär thïn, go lɔ baai. Le ɣöndɛn nu nhial, ku awëërnyïïn ke ɣönde aake wel röt të lɔ Jeruthalem. Në awëërnyin ëtɛ̈ɛ̈n ee yemiɔl tuk, ku lɛ̈ŋ Nhialic raan diäk ë kööl tök, cït man yen e looi ë ceŋ.

Danyel 6:11

Go kɔc de ater në Danyel guëër, gokï yök ke läŋ ku pal ë Nhialic nɔm.

1 Tim 2:8

Yen a dɛ yɛn piɔ̈u luɔi bï röör aa lɔ̈ŋ ë baai nɔm ëbɛ̈n, ke ke ye kecin jat nhial cin ɣeriic, ke cïn agɔ̈th ku cïn teer ë wël.