Diɛt 27:14 - JAM DE NHIALIC 2011

¹⁴ Tit kuɔɔny de Bɛ̈nydït. Rit yïpiɔ̈u ku tɔ rɔt ril, ku tit kuɔɔny de Bɛ̈nydït.

Diɛt 27:14 ပူးပေါင်းရင်းမြစ်များ

Cäk 49:18

“Yɛn tit kuɔɔnydu Bɛ̈nydït.

Diɛt 130:5

Yɛn ee kuɔɔny de Bɛ̈nydït tiit ë ŋuenŋuen, ku yɛn ee wëlke ŋɔ̈ɔ̈th.

Diɛt 138:3

Yïn cï lɔ̈ŋdï piŋ wään caal yɛn Yïn, në riɛldu yïn cï yɛn bɛ̈n të ril ayadäŋ.

Diɛt 25:21

Tɔ rɛ̈ɛ̈r agɔk ku piɔ̈n awai muk ɛn, në luɔi ŋääth ɛn Yïn.

Diɛt 25:3

Ee yic, acïn raan ee Yïn ŋɔ̈ɔ̈th ee yäär, ee kɔc ee Yï dap rɛɛc thok kek ee yäär.

Diɛt 31:24

Riɛtkï wepiɔ̈ɔ̈th ku takï röt ril, wek kɔc ee Bɛ̈nydït ŋɔ̈ɔ̈th wedhie.

Diɛt 33:20

Ka wok, ee Bɛ̈nydït ŋɔ̈ɔ̈th, ee yen ee konyda ku könda.

Diɛt 37:34

Ye Bɛ̈nydït ŋɔ̈ɔ̈th, ku ye lööŋke riëëu, abï yïn biɔɔl në piny, ka yïn bï kɔc ee karɛc looi tïŋ acopë wei.

Diɛt 37:7

Ŋɔ̈th Bɛ̈nydït ku tit, du piɔ̈u ee diu të cïï kɔc kɔ̈k kuɛth, ku nɔn ee të cïï kïït de raan rac tiam.

Diɛt 40:1

Yɛn ee Bɛ̈nydït tiit në piɔ̈n tök bï ya kony, ago ya piŋ thok, ku piŋ dhiëndï.

Diɛt 62:1

Ee Nhialic Yen atiɛɛt bïï yɛn kony, ee Yen ŋääth Yetök

Diɛt 62:5

Yɛn ŋäth Nhialic Yetök, yɛn cï aŋäthdï tääu ë yeguöp.

Kɛ̈ŋ 20:22

Du raan de kë cï wäc yïn ee yɔ̈ɔ̈k an, abä guöör nɔm. Pälë Bɛ̈nydït bï yï kuɔny.

Yith 25:9

Të le yen rɔt looi, abï raan ëbɛ̈n aa lueel an, “Yen ee Nhialicda! Wo cï aŋäthda tääu ë Yeguöp, ku ë wo luök. Yen ee Bɛ̈nydït! Wok cï aŋäthda tääu në Ye guöp, ku ënɔɔnë wok mit piɔ̈ɔ̈th ku yok dɔl në luɔi cï Yen wo kony.”

Yith 26:8

Wok ee këde piɔ̈ndu kuany cök ku tɛ̈ɛ̈uku aŋäthda në yïguöp, ee Yïn yok kɔɔr në wopiɔ̈ɔ̈th ëbɛ̈n.

Yith 30:18

Ku Bɛ̈nydït aŋoot ke tït week bäk bɛ̈n të nu Yen. Ke bï we nyuöth nhiëërde kekë kokëpiɔ̈u në luɔi ye Nhialic yic looi. Thieithieei në kɔc ee Bɛ̈nydït ŋɔ̈ɔ̈th.

Yith 40:31

Ku kɔc ee kuɔɔny ŋɔ̈ɔ̈th tëde Bɛ̈nydït abïk riɛlden yök ke cï ŋuak nyin. Abïk röt bɛ jat nhial në kewuök cï cor, abïk aa kat ku cïkï däk, abïk aa cath ku cïkï bäp.

Yith 8:17

Bɛ̈nydït acï rɔt thiaan ë kɔcke, ku aya ŋɔ̈ɔ̈th, ku yɛn aa aŋäthdï tääu në Yeguöp.

Dhiëëu 3:26

Ka apiɛth tëde wook buk En tiit ëmääth. Buk tiit bïï wook kony.

Ɣabakuk 2:3

Yïn bï nyuuthë dhil gɔ̈ɔ̈r ku abï aköölkë tiit. Ku kë cä nyuöth yïn abï rɔt looi. Na cït kë gääu, ke tit abï dhil bɛ̈n, acï bï gääu.

Luk 2:25

Ku ade raan nu Jeruthalem, cɔl Thimion, raanë apiɛthpiɔ̈u, ee Nhialic riëëu, ku ye muŋ bï Yithriɛl muk piɔ̈u tiit, ku tɔ̈u Wëidït ɣer në yen.

Luk 2:38

Na wën, ke ɣet ëtɛ̈ɛ̈n ë thaar manë guöp, ke jɔ Nhialic leec, ku jiɛɛm ke kɔc kedhie kɔc ŋäth wëër bï Jeruthalem wɛ̈ɛ̈r bei, jiɛɛm në këde meth.

Luɔi 28:15

Na wën, ke wɛ̈ɛ̈tamäthkuɔn nu Roma, të cï kek këda piŋ, ke ke jɔ bɛ̈n bei bïk wo bɛ̈n loor aɣet Thuuk de Apio, ku Luëk kadiäk. Na wën, aacï Paulo ke tïŋ, ke jɔ Nhialic leec, go yepiɔ̈u rom.

Romai 8:25

Ku na ŋäthku ka kënku tïŋ, yen abuk aa tiit në piɔ̈n lir.

1 Kor 16:13

Yak röt tiit, kääckï apiɛth ë gämic, yak luui ë luɔi ë röör, yak riɛl.

Epethiei 3:16

aguɔ lɔ̈ŋ, ke bï we gäm riɛl në dït ë dhuëëŋ de yenpiɔ̈u, abäk riɛl ë riɛldït në Wëike ë wepiɔ̈ɔ̈th thïn,

Epethiei 6:10

Cöök ciëën, mïthëkɔckuɔ, yak riɛl ë Bɛ̈nydïtic, në riɛl dïït ril en.

Pilipoi 4:13

Yɛn ee këriëëc lëu ë luɔi ëbɛ̈n në yen, yen raan ë ya gäm riɛl.

Kolothai 1:11

Yak riɛl ë riɛl ëbɛ̈n, në riɛldïït ë dhuëëŋde, bäk käŋ ŋiëc guum ëbɛ̈n, në liɛɛr ë wopiɔ̈ɔ̈th ku në miɛtëpiɔ̈u,