Diɛt 27:1 - JAM DE NHIALIC 2011

¹ Bɛ̈nydït ee ɣɛɛrdï ku ee konydï, acïn raan duɛ̈ɛ̈r ɛn bɛ riɔ̈ɔ̈c. Bɛ̈nydït yen aye yɛn gël ë kërac ëbɛ̈n, yɛn cïï bï kɔn riɔ̈ɔ̈c.

Diɛt 27:1 ပူးပေါင်းရင်းမြစ်များ

Jop 29:3

Ɣɔn ye ɣɛɛrde ya meer, ku riɛɛu ɛn të cath ɛn ë mɔ̈ɔ̈thic,

Diɛt 11:1

Yɛn ŋäth kuɔɔny tëde Bɛ̈nydït. Ee dhɔ̈ɔ̈n cït ŋö kë yïn e lɛ̈k ɛn an, “Pär ke yï lɔ ë kur nïïm cït man ë dit,

Diɛt 118:21

Bɛ̈nydït, yïn bä piɔɔny, në biäk cïn yɛn piŋ thok, ku në biäk cï yïn yɛn tɔ tiëm.

Diɛt 118:6

Bɛ̈nydït atɔ̈u kekë yɛn, ka yɛn cï bï riɔ̈ɔ̈c, eeŋö duëër ë raan luöi yɛn?

Diɛt 18:28

Bɛ̈nydït, gämë yɛn ɣɛɛr, ku cop mɔ̈ɔ̈th në yalɔ̈ɔ̈m.

Diɛt 18:29

Yïn ee ya gäm riɛl bän kɔc ke aterdï mak ku riɛl tiaam ɛn keek.

Diɛt 18:46

Bɛ̈nydït apïïr! Pianykï Raan ë ya gël! Luɛɛlkï dït de Nhialic raan ë kony ɛn.

Diɛt 19:14

Gam jamdï kekë täŋdï, Bɛ̈nydït, gëlgëldï, ku konydï!

Diɛt 3:8

Tiëm ee bɛ̈n tëde Bɛ̈nydït, Bɛ̈nydït abï kɔcke thieei.

Diɛt 43:2

Yïn ee Nhialic yan tëde thiaan yök. Eeŋö reec Yïn ɛn? Eeŋö duëër ɛn cath ke ya yɔŋ në kɔc ke ater cïn nïïm kokdepiɔ̈u?

Diɛt 62:2

Yen Yetök, Yen aye kuurdï ku Ye konydï, ee tëdiën ë riɛl, ee ya gël, yɛn cïï duëërë tiaam.

Diɛt 62:6

Yen Yetök ee kuurdï ku Ye konydï, ku Ye tëdiën ë riɛl yɛn cïï duëër ë lath.

Diɛt 84:11

Bɛ̈nydït Nhialic ee akɔ̈l ku ee köt, ku ye meliŋ de dhuëëŋ, ee wo thiɛɛi në kok ë piɔ̈nde kekë riëëu. Acïn këpiɛth ee pɛ̈n, kɔc ee yic looi.

Bɛ̈n 15:2

Bɛ̈nydït yen aye riɛldï, ee yen ë kony ɛn. Ee yen ee Nhialicdï, ka abä leec. Ee Nhialic de awuur, ka abä piɔ̈ny dhuëëŋde.

Yith 12:2

Nhialic ee konydï, abä ŋɔ̈ɔ̈th ku cä riɔ̈c. Bɛ̈nydït Nhialic ee ya gäm gök de riɛl, Yen ee konydï

Yith 2:5

Ënɔɔnë wek kuat ë Jakop, jɔku cath në ɣɛɛric, ɣɛɛr cï gäm wook në Bɛ̈nydït!

Yith 45:24

“Abïk aa lueel an ee kueerdï yetök, yen aye piathëpiɔ̈u ku riɛl yök, ku raan ëbɛ̈n raan ee yɛn maan abï ayäär guum.

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Jeremia 20:11

Ku yïn Bɛ̈nydït yïn tɔ̈u we yɛn, Yïn ril ku wärjäŋ, ku kɔc ee yɛn yɔŋ abïk thueet. Abïk yäär aɣet athɛɛr, në biäk cïï kek duëër tiam. Ayärden acïï kɔc nïïm bï määr ë yen.

Malakai 4:2

Ku na week, wek kɔc ee rinkï riëëu, wek bä yiɛ̈n piathëpiɔ̈u ku rëër lɔ dïu cït man ye akɔ̈l thok bɛ̈n. Wek bï nïïm lääu, ku miɛtkï piɔ̈ɔ̈th cït man ë dɛɛu cï luöny bei kɛl.

Math 8:26

Go keek yɔ̈ɔ̈k an, “Eeŋö riääc wek, wek kɔc dɛk ë gam?” Na wën, ke jɔt rɔt, go yom dït jɔ̈ɔ̈ny ku jiëëny wɛɛr, gokï lɔ dui arëët.

Luk 2:30

Kunyduön ë wëi acä tïŋ ë yanyin,

Luk 3:6

Ku jɔ jäŋ ëbɛ̈n kuny de Nhialic tïŋ.”’

Jɔn 1:9

Ɣɛɛrëpiny yic ka, ɣɛɛrëpiny ë raan riaau ëbɛ̈n, raan ëbɛ̈n ë piny nɔm.

Jɔn 8:12

Go Yecu kɔc yɔ̈ɔ̈k, an, “Yɛn ee ɣɛɛr ë piny nɔm: raan kuany a cök acïï bï cath tëcol, ku bï dɛ ɣɛɛrëpiny de pïïr.”

Romai 8:31

Buk ŋö jɔ lueel në këde kake? Të mɛtë Nhialic ke wook, ke eeŋa bï dɛ ater ke wook?

2 Kor 12:9

Go lɛ̈k ɛn an, “Dhuëëŋ de yɛnpiɔ̈u ee yï kiët: riɛldiën dït aye tɔ ye dikëdik në kɔ̈c kɔ̈ɔ̈cë raan.” Yen abän rɔt aa leec ke ya mit piɔ̈u aläl në kɔ̈c aa yɛn guöp kɔ̈c, ke riɛldït ë Kërtho bï rëër ë yaguöp.

Nyöŋ 7:18

Duökï riɔ̈c në keek, takï wenïïm në kë cïï Bɛ̈nydït Nhialicdun luöi Melik de Rip kekë kɔcke kedhie.

Nyöŋ 7:21

Ka duökï riɔ̈c ee kɔckë Bɛ̈nydït Nhialicdun atɔ̈u ke week, Ee Nhialiny dït Raan duëërë riɔ̈ɔ̈c.

Pilipoi 4:13

Yɛn ee këriëëc lëu ë luɔi ëbɛ̈n në yen, yen raan ë ya gäm riɛl.

Ɣeberuu 13:6

Ku ee kënë ee wo ŋuak në riɛl ë nyin ku aŋäth lueel wok en an, “Bɛ̈nydït ee konyda, wok cïï bï riɔ̈ɔ̈c. Eeŋö bï raan luöi wook?”

Nyuuth 21:23

Ku pänydït acïï akɔ̈l ee kɔɔr, ayï pɛɛi, lek ruɛl thïn: dhuëëŋ de Nhialic yen aaye pinyde riaau, ku nyɔŋamääl yen aye maanyde.

Nyuuth 22:5

Ku acïn wakɔ̈u bï bɛ nu, ku acïkï manyëalath ee kɔɔr, ayï ruɛl ë akɔ̈l, Bɛ̈nydït Nhialic en abï pinyden riaau, ku abïk piny cieŋ aɣet wadäŋ thɛɛr.

Nyuuth 7:10

Ku cötkï ë röl dït, an, “Kunydewëi ë tɔ̈u ke Nhialicda, Raan rɛ̈ɛ̈r ë thöönydït nɔm, ku tɔ̈u ke Nyɔŋamääl!”