Diɛt 25:6 - JAM DE NHIALIC 2011

⁶ Tak Yïnɔm në piathdu Bɛ̈nydït, ku në nhiëërduön agɔk, wään cï nyuɔɔth ɣɔn thɛɛr.

Diɛt 25:6 ပူးပေါင်းရင်းမြစ်များ

Cäk 24:27

lueel an, “Athiɛɛi ë tɔ̈u kekë Bɛ̈nydït, Nhialic de bɛ̈nydiën Abraɣam, raan kën nɔm määr në nhiëërdɛn agɔk. Ku kën nɔm määr në thöndɛn cï thɔ̈n bɛ̈nydï. Bɛ̈nydït ë ya caath ëgɔk, bïï ɛn baai de yï bɛ̈nydiën Abraɣam.”

Cäk 32:9

Ago Jakop Nhialic lɔ̈ŋ an, “Nhialic de akuaar Abraɣam, ku ye Nhialic de Yithaak wää, piŋ këdï! Acï lɛ̈k ɛn Bɛ̈nydït an, ‘Dakë yïnɔm wundun, lɔ tëde kɔckun. Ku yïn bä caath apiɛth,’

2 Lëk 6:42

Bɛ̈nydït Nhialic, du melik cï tɔc reec. Tak nhiëërduön agɔk nhiɛɛr yïn lïmduön Debid.”

Neɣe 13:22

Ku yɔ̈ɔ̈k kɔc ke Lebai bïk ke gup tɔ ɣer, ku bïk thook ke ë pänydït lɔ tiit, ke kööl ë Thabath bï tɔ̈u ke ye kööl ɣeric. Nhialic tak Yïnɔm në yɛn, në biäk ee kënë, ku kokëpiɔ̈u we yɛn ë baŋ dïït ë nhiëërduön agɔk.

Neɣe 9:19

Ku akɛ̈n ë ke bɛ̈n päl wei ë jɔ̈ɔ̈ric ëtɛ̈ɛ̈n, në biäk dïït ë kok de piɔ̈ndu, ku Yïn kën mën de luät nyaai ayï mën de many ɣɔn ee keek nyuöth kueer aköl ku wakɔ̈u.

Diɛt 103:17

Ku nhiëër agɔk de Bɛ̈nydït, aa gɔl rɔt athɛɛr ku aɣet athɛɛr, tëde kɔc ee Yen riëëu, ku piathëpiɔ̈nde abï tɔ̈u kekë mïth ke mïthken ëbɛ̈n.

Diɛt 103:4

Ku gël a wëi tëde raŋ, ku gëm ɛn göl de nhiëër agɔk kekë kokdepiɔ̈u.

Diɛt 106:1

Lɛckï Bɛ̈nydït! Gämkï Bɛ̈nydït lɛc, në biäk de piathde, nhiëërdɛn agɔk atɔ̈u athɛɛr.

Diɛt 106:45

Në biäkden akën nɔm määr në mänden ke keek, ku looi në biäk de dït de nhiëërdɛn agɔk.

Diɛt 107:1

“Gämkï Bɛ̈nydït lɛc, në biäk de piathde, ku nhiëërdɛn agɔk atɔ̈u athɛɛr!

Diɛt 119:77

Kokëpiɔ̈u wekë yɛn, ku yɛn bï pïïr në biäk yan piɔ̈u miɛt në lööŋku.

Diɛt 40:11

Bɛ̈nydït du ɛn bï pɛ̈n kokdepiɔ̈ndu. Tɔ nhiëërduön agɔk ku piɔ̈nduön adöt ee yɛn tɔ rɛ̈ɛ̈r apiɛth aɣet athɛɛr.

Diɛt 69:13

Ku në biäkdï, Bɛ̈nydït, ee Yïn bä ya lɔ̈ŋ, gam lɔ̈ŋdï Nhialic, në köölduön cï lɔc. Bɛ̈ɛ̈rë lɔ̈ŋdï në biäk de nhiëërduön agɔk, në biäk ee Yïn gutguutduön de kuɔɔny döt.

Diɛt 69:16

Bɛ̈ɛ̈rë lɔ̈ŋdï Bɛ̈nydït, në piath de nhiëërduön agɔk, në biäk de dït de kokdepiɔ̈ndu, Pɔ̈kë rɔt ɛn!

Diɛt 98:3

Ee Yenɔm tak në nhiëërdɛn agɔk ku piɔ̈ndɛn adöt në biäk de baai de Yithriɛl. acï piny thar ëbɛ̈n tïŋ, yen tiëm de Nhialinyda.

Bɛ̈n 15:13

Yïn ë nhiëërduön agɔk döt apiɛth, go kɔc cï luök kuaath, ku wat keek në riɛldu, abïk ɣet piny ɣeric.

Bɛ̈n 34:6

Na wën, ke Bɛ̈nydït tëk ë yenɔm tueŋ, ku lueel an, “Ee Yɛn Bɛ̈nydït Nhialic de kok ë piɔ̈u ku dhuëëŋ, Nhialic cie dap gɔ̈th, ku ye Nhialic adöt, Nhialic ee nhiëër agɔk nyuɔɔth.

Yith 55:7

Takkï kɔc ee karɛc looi päl kueer ë pïïrden, ku waar kɔc cïï piɔ̈ɔ̈th piath täŋden ë ke puk röt Bɛ̈nydït, Nhialicda ee piɔ̈u kok ku ee karɛc dap pɔ̈l.

Yith 63:15

Bɛ̈nydït, woi wook paannhial, tëduön ɣeric rëër yïn thïn ku në dhuëëŋdu yic. Tɔ̈u diɛɛrduön ee yïn diɛɛr në biäkda ë nou? Tɔ̈u riɛldu ë nou? Tɔ̈u nhiëërdu ku kokdepiɔ̈ndu ë nou? Du wo biɔn gup.

Jeremia 31:20

“Yithriɛl Yïn ee wënhdiën läk, mɛnh nhiaar aläl. Të yan yïn lueel rin, yïn ya tak ë nhiëër. Piɔ̈ndï ee lɔ biic tënu yïn, Yɛn bï piɔ̈u kok.

Jeremia 33:11

awuɔɔu de miɛtëpiɔ̈u ku dhuëëŋ de monythiëk ku nyan thiak bɛ piŋ. Yïn bï kɔc bɛ piŋ akït ke ke bïï miɔ̈c de miɛtëpiɔ̈u ɣöndiën ë Bɛ̈nydït, abïk aa lueel an, ‘Gämkï Bɛ̈nydït de rɛm alɛɛc, në biäk piɛth En, ku nhiëërdɛn agɔk atɔ̈u athɛɛr.’ Yɛn bï ee pinyë bɛ tɔ kueth cït man wään kɔn en tɔ̈u. Acä lueel, Yɛn Bɛ̈nydït.”

Danyel 9:18

Piŋ wothook, Nhialic, ku woi wook, ku tïŋ nuan nu wok thïn, ku nuan cï pänydït muk rinku yök. Yïn lɛ̈ŋku ku acie biäk de piathëpiɔ̈nda ee luɔi ee yïn piɔ̈u kok.

Ɣabakuk 3:2

“Bɛ̈nydït, yɛn cï ka ɣɔn cï kɔn looi piŋ, ka yɛn ee riɔ̈ɔ̈c dɔm. Ku ënɔɔnë nyɔk kadït ɣɔn cï kɔn looi në aköölkuɔnkë yiic. Ayï agönhdun yic we wook, ke Yï pɛ̈l Yï piɔ̈u piny ku nyuöthë wook kokdepiɔ̈ndu.

Luk 1:50

Kok de yenpiɔ̈u ee tɔ̈u kekë kɔc riëëu en, Remë ku remë aɣët wadäŋ.

Luk 1:54

Acï Yithriɛl awunde kony, Në täŋ cï en kok de yenpiɔ̈u tak,

Luk 1:78

Në kok kookë Nhialic Piɔ̈u ke wook, Yen a neemë Runëpiny wook, Runëpiny bɔ̈ nhial,

2 Kor 1:3

Thieithieei Nhialic yen Wun Bɛ̈nydan Yecu Kërtho, Wun kokdepiɔ̈u ku ye Nhialic de muŋdepiɔ̈u ëbɛ̈n!

Pilipoi 1:8

Nhialic ee cäätɔdï, ee täŋ aa yɛn we tak arëët wedhie në nhiëër ë Yecu Kërtho.

Pilipoi 2:1

Ku na de muŋdepiɔ̈u nu ë Kërthoyic, ku na de luŋdepiɔ̈u nu, luŋ bɔ̈ ë nhiëëric, ku na de määth ë Wëidït nu, ku na de kokdepiɔ̈u nu.

Kolothai 3:12

Yen dam wek piɔ̈n ë dap kok, cït kɔc cïï Nhialic lɔc, kɔc ɣeriic ku nhiaar ke, ku damkï dhuëëŋ, ku piɔ̈n koor, ku kuur ee raan rɔt kuɔɔr piny, ku rëër ëmääth, ku guöm de kajuëc.

1 Jɔn 3:17

Ku na de raan cath ke ka pïïrë kɔc ke, ke jɔ mɛnhkënë tïŋ acï käŋ dak, go yic riɛl ke ye, ke nhiëër ë Nhialic cath ke yen adï?