Diɛt 25:5 - JAM DE NHIALIC 2011

⁵ Caathë yɛn në yicdu yic, në luɔi yïn Nhialicdï, ee yɛn kony, ee yïn ya ŋɔ̈ɔ̈th aköölnyïïn ëbɛ̈n.

Diɛt 25:5 ပူးပေါင်းရင်းမြစ်များ

Cäk 49:18

“Yɛn tit kuɔɔnydu Bɛ̈nydït.

Neɣe 9:20

Në biäk de piathdu acï ke bɛ̈n lɛ̈k kë duëërkï looi, aake ye cääm në mana, ku gäm ë keek pïïu bïk dek.

Jop 36:22

Tak yï nɔm në riɛldïït ë Nhialic, Yen ee Bɛ̈nydïït ee kɔc wɛ̈ɛ̈t kedhie.

Diɛt 107:7

Acï keek tɔ kuany kueer lɔ cit yic lekï ë pänydït bïï kek lɔ rëër thïn.

Diɛt 119:26

Yɛn cï awɛ̈ɛ̈c cä keek looi gam, ku Yïn cï yɛn piŋ thok. Ku wɛ̈ɛ̈të yɛn ë kuɛɛrku.

Diɛt 119:33

Bɛ̈nydït, wɛ̈ɛ̈të yɛn në ka tɔ̈u ë lööŋku yiic, ku abä keek riëëu në akööl yiic ëbɛ̈n.

Diɛt 119:66

Gämë yɛn pɛlënɔm ku ŋïny de käŋ, në biäk yan lööŋku ŋɔ̈ɔ̈th.

Diɛt 119:97

Yɛn nhiaar löŋdu arëët! Aya cool ë tak en en yic aköölnyïïn ëbɛ̈n.

Diɛt 22:2

Yïn cä cɔɔl aköl Nhialicdï, ku Yïn kën cɔ̈tdï puk nɔm. Yïn cä cɔɔl wakɔ̈u, ku acïn kë cï puɔ̈k nɔm ɛn.

Diɛt 24:5

Abïï Bɛ̈nydït ke thieei ku kony keek, Abïï Nhialic ke tɔ cïn gup awɛ̈ɛ̈c.

Diɛt 25:10

Kuɛɛr ke Bɛ̈nydït kedhie ee kuɛɛr ke nhiëër agɔk ku piɔ̈n adöt, në baŋ de kɔc ee löŋde döt ku dötkï wëëtde.

Diɛt 25:8

Bɛ̈nydït apiɛth ku le piɔ̈u wai, Yen aye kɔc cï wäc nyuöth kueer bïk kuany yic.

Diɛt 68:20

Nhialicda ee Nhialic de kuny de wëi, ku Bɛ̈nydït ee Bɛ̈nydïïtda, raan ë kony wook në thuɔɔuwic.

Diɛt 79:9

Kony wook Nhialic, ku luäk wook, luäk ë wo bei në biäk de dhuëëŋ ë rinku, ku päl ë wo karɛckuɔ në biäk de rinku.

Diɛt 86:3

Yïn ee Nhialicdï, ka Yïn kokëpiɔ̈u we yɛn Yïn ya lɔ̈ŋ aköölnyïïn.

Diɛt 88:1

Bɛ̈nydït Nhialic konydï, yɛn dhiëëu kuɔɔny aköölnyïïn, ku yɛn ee bɛ̈n në Yïnɔm ë wɛ̈ɛ̈ric wakɔ̈u.

Kɛ̈ŋ 23:17

Du rɔt ee tɔ nɛ̈k ë piɔ̈u në biäk de kɔc ee karɛc looi, ye rëër ke yï riëëu Bɛ̈nydït në akööl ke pïïrdu ëbɛ̈n,

Kɛ̈ŋ 8:34

Thieitheei në kɔc ë wëlkï piŋ, ku yek ya woi ë ceŋ, ke ke tit bɛ̈ndï bei ɣööt.

Yith 30:18

Ku Bɛ̈nydït aŋoot ke tït week bäk bɛ̈n të nu Yen. Ke bï we nyuöth nhiëërde kekë kokëpiɔ̈u në luɔi ye Nhialic yic looi. Thieithieei në kɔc ee Bɛ̈nydït ŋɔ̈ɔ̈th.

Yith 35:8

Abï dɛ kueer lääuwic ëtɛ̈ɛ̈n, abï cɔɔl an, “Kueer de Ɣɛɛrë Yic.” Acïn raan ee karɛc looi bï cath ee kueerë, ku acïn raan piɔlpiɔ̈u bï kɔc yal wei ë kueerë yic.

Yith 42:16

“Yɛn bï cöörkï wat në kueer kën kek kɔn tëëk. Yɛn bï mɔ̈ɔ̈thden tɔ ye ɣɛɛr ku luɔi piny de yic ŋɔny ke lip në kenïïm. Kek gutguut cä lueel ka, ku abä ke muk ke ke cïï mär në yanɔm.

Yith 49:10

acïkï cɔk ke bï kɔn nɔ̈k ayï rou. Tuöc de akɔ̈l ku jɔ̈ɔ̈r acïï ke bï nɔ̈k, në biäk bïï raan nhiaar keek wat. Abïï keek lɛɛr në nyïïn ke pïïuwiic.

Yith 54:13

“Yɛn guöpdï Yɛn bï kɔcku wɛ̈ɛ̈t, ku gäm keek kuɛth ku mät.

Jeremia 31:9

Kɔckï abïk kenïïm puk ke ke dhiau, ku lɛ̈ŋkï të bɛ̈ɛ̈i Yɛn keek ciëën. Abä keek wat të de nyïïn ke pïïu, abä ke tɛ̈ɛ̈k ë kueer lipic cïï ke bï tɔ kɔ̈th. Yɛn cït wun kɔc ke Yithriɛl, ku Eparaim ee wën kɛ̈idï.”

Maika 7:7

Ku yɛn bï Bɛ̈nydït woi nyin, ku tiɛɛt Nhialicdï në luɔi bï yen a kony, ku Nhialicdï abï ya piŋ thok.

Luk 18:7

Ku cïï Nhialic kɔckɛn cï lɔc bï kony, kɔcke guöp, kek kɔc ee cool ë cɔl en akööl ku wakɔ̈u, acakaa yen ë cool ë gum käŋ në këden?

Jɔn 14:26

Ku Raan ee kɔc muk piɔ̈ɔ̈th, yen aye Wëidït ɣer, Wëi bïï Wäär tooc në rinkï, yen abï we wɛ̈ɛ̈t ë këriëëc ëbɛ̈n, ago we tɔ tak wenïïm ë ka cä lɛ̈k week kedhie.

Jɔn 16:13

Ku të cï Raanë bɛ̈n, yen aye Wëi yic, yen abï we wat të nu yic ëbɛ̈n: ku acïï bï jam në këde yenhde, na de kë ye piŋ, yen abï aa lueel: ku abï we nyuöth käŋ, ka bï tïc wadäŋ.

Jɔn 6:45

Ë gɔ̈ɔ̈r ë tït an, ‘Kɔc abïï ke wɛ̈ɛ̈t ë Nhialic kedhie.’ Ago raan ëbɛ̈n raan cï käŋ piŋ tëde Wääda, ku cï wëët, go bɛ̈n tëde yɛn.

Romai 8:14

Kɔc ëbɛ̈n kɔc ee thel ë Wëi ke Nhialic, kek aye wɛ̈ɛ̈t ke Nhialic.

1 Jɔn 2:27

Ku na week, töny cäk yök tëde yen atɔ̈u ë weyiic, ku acïn raan däŋ kaarkï raan duëër we wɛ̈ɛ̈t, ku acït man ee töny manë we wɛ̈ɛ̈t në këriëëc ëbɛ̈n, ku ye yic, ku cie lueth, ke we bï tɔ̈u ë yeyic, cït man ë wëët en week.

Nyuuth 7:17

Nyɔŋamääl nu ë thöönydïtic cil abï keek aa tiit, ku ye ke kuaath të nu awɛŋ ke pïïu ke pïïr, ku Nhialic abï pïïu aa weec ë kenyïïn kedhie.”