Diɛt 24:1 - JAM DE NHIALIC 2011

¹ Pinynɔm ayï këriëëc tɔ̈u thïn ëbɛ̈n, ee këde Bɛ̈nydït, Piny ëbɛ̈n ayï këriëëc cieŋ en ee kake Bɛ̈nydït.

Diɛt 24:1 ပူးပေါင်းရင်းမြစ်များ

1 Lëk 29:11

Bɛ̈nydït, Yïn dït, ku yïn ril, ku yïn de dhuëëŋ, ku yïn de tiëm, ku yïn de diɛk. Në biäk ye ka tɔ̈u paannhial kedhie ku ka tɔ̈u piny kedhie kaku, ku ciɛɛŋ ee këdu Bɛ̈nydït, ku Yïn tɔ̈u nhial në käŋ nïïm kedhie.

1 Lëk 29:16

Bɛ̈nydït Nhialicda, wok cï ee kakë määt yiic ëbɛ̈n, bï wok ke Luaŋdït yïk, bïï rinkuön ɣeriic aa dhuëëŋ guöp, ku käŋ kedhie aake bɔ̈ tëde Yïn, ku ayek kaku kedhie.

2 Lëk 25:9

Na wën ke Amadhia ë thiëc raan de Nhialic an, “Ku na ateek juëc cän keek riɔp?” Go ë raan de Nhialic bɛ̈ɛ̈r an, “Bɛ̈nydït abï yï cuööt awär ee kake!”

Jop 34:13

Ë Nhialic yök riɛlde tëde raandäŋ? De raan ë tɛ̈ɛ̈u En ke ye Bɛ̈ny ë pinynɔm?

Jop 41:11

Eeŋa duëër en mak ku bï ŋoot ke poth? Acïn raan ë pinynɔm duëër e lëu.

Jop 41:3

Duëër jäl lim të de yïn, ku ee kok de piɔ̈u yen bï lim?

Diɛt 50:10

Läi nu roor kedhie ayek kakï, ku aguum ke ɣɔ̈k nu në kur nïïm ayek kakï.

Diɛt 50:12

“Na dɛ guöp cɔk, yïn cä duëër thiëëc në këcam, në baŋ ye pinynɔm ëbɛ̈n kekë ka nu thïn kedhie kakï.

Diɛt 89:11

Paannhial kekë piny ayek kaku, ku cak këriëëc nu ë pinynɔm ëbɛ̈n.

Diɛt 89:12

Yïn cï të lɔ rut cak kekë të lɔ wöuwic, Kuur de Tabor kekë kuur de Ɣermon ayek Yïn leec rin.

Diɛt 98:7

Jɔ röl wɛ̈ɛ̈r, we këriëëc nu ë yïyic ëbɛ̈n, kɛ̈të pinynɔm, we këriëëc nu ë yïyic ëbɛ̈n!

Bɛ̈n 19:5

Ku ënɔɔnë, na bäk Ɛn piŋ thok ku dɔ̈tkï löŋdï, ke we bï aa kɔc ke naamdï. Piny nɔm ëbɛ̈n ee këdï, ku we bï ya kɔckï kɔc cä ke lɔc.

Bɛ̈n 9:29

Go Mothe lueel an, “Të lan jäl wut eenë, yɛn bï yacin lɔ yaak nhial läŋ Bɛ̈nydït tɔ rel kääc, kekë deŋ, ku abïk kɔ̈ɔ̈c. Yen abï yïn en jɔ ŋic nɔn ye piny piny ë Bɛ̈nydït.

Danyel 4:25

Yïn bï cuɔp wei në kɔc yiic, ku yïn bï lɔ rëër wek ë läi roor. Në run kadhorou yiic, yïn bï nyuäth ë wal cï lɛ̈i, ku yïn bï tɔ̈c biic, të bï thäc yïn thɛ̈c. Ku ëtɛ̈ɛ̈n abä gam nɔn yen Nhialic dït, yen muk ciɛɛŋ de pinynɔm ëbɛ̈n, ku aduëër ke gäm raandɛn kɔɔr ë yepiɔ̈u.

Maika 4:13

Aye Bɛ̈nydït lueel an, “Jatkï röt wek kɔc ke nyan de Dhiɔn, ku luöikï kɔc ke ater këtuc. Wek bä tɔ cït thɔn cï jök cï leŋ tuŋ. Ka wek bï juöör juëc aa dhuööŋ. Ka wek bï Yɛn aa gäm këriëëcduön bäk lɔ rum ëbɛ̈n, ke ye miɔ̈cdï, Yɛn Bɛ̈nydïït de pinynɔm ëbɛ̈n.

Naɣum 1:5

Kur ayek röt nieeŋ në Yenɔm, ku lɛ̈ɛ̈ŋ kur kor. Piny aye lath të tɔ̈u En thïn, ayï kɔc cieŋ pinynɔm kedhie aye keek lath aya.

1 Kor 10:26

në kë ye piny këde Bɛ̈nydït, ayï ka ye piny thiɔ̈ɔ̈ŋ, ee kake ayadäŋ.

Nyöŋ 10:14

Paannhial ya ee këde Bɛ̈nydït, ku piny nɔm ee këde aya, ayï këriëëc tɔ̈u thïn ëbɛ̈n.