Diɛt 23:5 - JAM DE NHIALIC 2011

⁵ Yïn ee këcamdï kiëët në kɔc nïïm, kɔc de ater në yɛn, ku yïn ë ya tɔc nɔm në miök, ku abïnydï ë thiäŋ ka ee nɔm wɛt wei.

Diɛt 23:5 ပူးပေါင်းရင်းမြစ်များ

Jop 36:16

Nhialic ë yï bɛ̈ɛ̈i bei në nuɛɛniic, ku tɔ yïn mit piɔ̈u në mätic, ku cï dhiëndu thar thɔc në kacaam.

Diɛt 104:15

ago mɔ̈u luɔk ke bï ke tɔ mit piɔ̈ɔ̈th, ku miök de olip ee ke tɔ lɔ piɔ̈ɔ̈th yum, ku kuïn bï ke gäm riɛl.

Diɛt 116:13

Yɛn bï Bɛ̈nydït gäm miɔ̈c ë mɔ̈u, bä yɛn ke yen leec në kë cï yen a kony.

Diɛt 16:5

Bɛ̈nydït, ee Yïn aye këdï Yïtök, ku yïn ee ya gäm kë kaar ëbɛ̈n, wadäŋdï anu ë Yïcin.

Diɛt 22:26

Kɔc kuanynyïïn abïk cam abïk kuɛth, ku kɔc ee Bɛ̈nydït ŋɔ̈ɔ̈th abïk Bɛ̈nydït leec. Piɔ̈ndu abï tɔ̈u aɣet athɛɛr.

Diɛt 22:29

Kɔc ril ke pinynɔm abïk cam ku abïk kenïïm guöt piny ë yenɔm, mɛnh ë raan abï yenɔm guöt piny ë yenɔm.

Diɛt 45:7

Yïn nhiaar piathëpiɔ̈u ku man rɛ̈ɛ̈c. Yeka cïï Nhialic, Nhialicdu yïn tɔc në miök de miɛtdepiɔ̈u awär meliik kɔ̈k.

Diɛt 78:19

Acïk Nhialic jääm guöp, ku luelkï, an, “Duëër Nhialic kuïn bɛ̈ɛ̈i ë jɔ̈ɔ̈ric?

Diɛt 92:10

Ku Yïn cï yɛn gäm riɛl thöŋ ke riɛl ë thɔn anyaar, Yïn cï yɛn thieei ë miɛtëpiɔ̈u.

Diɛt 92:11

Yɛn cï tiëm cïï ë kɔc ke aterdï tiaam tïŋ, ku piɛŋ dhiën de kɔc ee karɛc looi.

Yith 25:6

Eenë në kuur ë Dhiɔn nɔm Bɛ̈nydït de rɛm abï dhuëëŋ de këcam luöi juöör ke piny nɔm, dhuëëŋ de këcam cuai arëët ku mɔ̈n mit.

Amoth 6:6

Wek ee mäu dek në guöl athiäŋ, ku yak röt tɔc në wɛ̈ɛ̈l ŋïr aläl, ku cäkï riääk de Yithriɛl dhiëëu.

Math 6:17

Ku yïn, të ee yïn cäm rɛɛc, ke yï tɔc yïnɔm ë miök, ku piny yïnyin,

Luk 7:46

Yïn kën a tɔc nɔm ë miök: ku tiiŋë acï a tɔc cök ë miök cï tumëtum.

Jɔn 16:22

Ku week aya, we de dhiën ë wepiɔ̈ɔ̈th ënɔɔnë: ku we bä bɛ tïŋ, aguɔkï piɔ̈ɔ̈th miɛt, ku miɛt ë wepiɔ̈ɔ̈th acïn raan bï e nyaai tëde week.

1 Kor 10:16

Bïny de athiɛɛi, bïny yok thieei, cie män mɛt wok në riɛm de Kërtho? Kuïn cï pam kuïn yok wääkic, cï en ee män mɛt wok në guöp de Kërtho?

2 Kor 1:21

Ku Raan ë wo tɔ kääc aril ë Kërtho yic wokë week ëtök, ku cï wo tɔc gup, yen aye Nhialic.

Epethiei 3:20

Ku ënɔɔnë, Raan lëu käŋ ë luɔi aläldït awär ka yok lip ayï ka yok tak ëbɛ̈n, në riɛldït ee luui ë woyiic,

1 Jɔn 2:20

Ku we de töny cï we tɔc, töny ë bɔ̈ tëde Raan Ɣeric, ku we ŋic käŋ kedhie.

1 Jɔn 2:27

Ku na week, töny cäk yök tëde yen atɔ̈u ë weyiic, ku acïn raan däŋ kaarkï raan duëër we wɛ̈ɛ̈t, ku acït man ee töny manë we wɛ̈ɛ̈t në këriëëc ëbɛ̈n, ku ye yic, ku cie lueth, ke we bï tɔ̈u ë yeyic, cït man ë wëët en week.