Diɛt 23:1 - JAM DE NHIALIC 2011

¹ Bɛ̈nydït ee tïndï, ka acïn këdiën dak.

Diɛt 23:1 ပူးပေါင်းရင်းမြစ်များ

Diɛt 34:11

Bäkkï mïth, bäk piɛŋkï kë luɛɛl, wek bä nyuöth riëëu ye Bɛ̈nydït riëëu.

Diɛt 78:52

Na wën, ke jɔ kɔcke bɛ̈ɛ̈i bei cït man ë tiit, ku jɔ keek wat në jɔ̈ɔ̈ric.

Diɛt 79:13

Ku wook, wok kɔcku, wok thök ke lunydu, Yïn buk aa leec aɣet athɛɛr, ku piɔnyku Yïn në akööl bɔ̈ yiic kedhie.

Diɛt 84:11

Bɛ̈nydït Nhialic ee akɔ̈l ku ee köt, ku ye meliŋ de dhuëëŋ, ee wo thiɛɛi në kok ë piɔ̈nde kekë riëëu. Acïn këpiɛth ee pɛ̈n, kɔc ee yic looi.

Yith 40:11

Ee lunyde tiit, cï raan ee thök tiit, abï amɛ̈lke määt yiic, 2 ku boom keek në ye kök ku abï märken wat apiɛth.

Jeremia 31:10

Aye Bɛ̈nydït lueel an, “Juöör piɛŋkï kë luɛɛl, ku yak wëlkï luɛɛl ë bɛ̈i mec nu ë wɛ̈th tɔ̈u lɔɔk. Yɛn cï kɔckiën ke Yithriɛl thiɔ̈i ku abä ke määt yiic, ku abä ke tiit cït man ye tïn ë thök lunyde tiit.

Edhekiɛl 34:14

Abä ke tɔ nyuäth ke ke cïn riɔ̈ɔ̈c në kur nïïm të piɛth cï päl keek ke ye tëde nyuäth, në wɛ̈k yiic ku në ɣään tɔ̈c ke piny de Yithriɛl yiic ëbɛ̈n.

Maika 5:2

Aye Bɛ̈nydït lueel an, “Ku yïn Bethleɣem Eparatha. Na cakaa nɔn yïn wun koor ë dhiën ë Juda, Yɛn bï bɛ̈nydï bɛ̈ɛ̈i bei në yïyic, raandiën bï Yithriɛl mac, raan cïï kuatden rɔt gɔl ɣɔn thɛɛr.

Maika 5:4

Ku të le yen bɛ̈n, yen ee bɛ̈nyë, abï ya tïn ë kɔcke në riɛl ë Bɛ̈nydït. Ku në dhuëëŋ de Bɛ̈nydït Nhialicde. Ku kɔcke abïk jɔ rëër ë dïu, në baŋ bï dïtde ŋic aɣët cï piny thar,

Math 6:33

Kankï ciɛɛŋ de Nhialic aa kɔɔr, kekë piath ë yenpiɔ̈u, ku kakë kedhie abï ke ya juak nyïïn tëde week.

Jɔn 10:11

Yɛn ee tïn piɛth tïn ë thök: ku tïn piɛth ee wëike gaam në baŋ de thök.

Jɔn 10:14

Yɛn ee tïn piɛth, tïn ë thök, ku ŋiɛc kakï, ku yɛn ŋic kakï, acït man ŋic ë Wäär yɛn, ku ŋiɛc Wäär, ku yɛn ee wëikï gaam në baŋ de thök.

Romai 8:32

Yen Nhialic, Raan wään kën Wënde pëën, Wënde guöp, ku acï e yiɛ̈n Raan thuɔɔu ë biäkda wook wodhie, ee kaŋö cïï en wo bï miɔɔc ë käŋ kedhie aya në yen ëtök ë dhuëëŋ?

Pilipoi 4:19

Ku Nhialicdï abï we tɔ kueth në këdak week ëbɛ̈n në juëc ë kakɛn nu paandɛn ë dhuëëŋ ë Kërtho Yecuyic.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

1 Pet 2:25

Wään wek ë cït thök ee tai, ku ënɔɔnë we cï wenïïm pɔ̈k Tïndun Raan ee wëikun tiit.

1 Pet 5:4

Na ëlëmiäk të cï Tïndïït ë Thök tuöl, Tïn nu ë tïït nïïm, ke we bï göl ë dhuëëŋ yök göl cïï bï biɔɔr anande.

Nyuuth 7:17

Nyɔŋamääl nu ë thöönydïtic cil abï keek aa tiit, ku ye ke kuaath të nu awɛŋ ke pïïu ke pïïr, ku Nhialic abï pïïu aa weec ë kenyïïn kedhie.”