Diɛt 22:15 - JAM DE NHIALIC 2011

¹⁵ Riɛldï ë koth cï tööny ë tiɔp, ku nuɛt liemdï rɔt ë dai yic nhial. Yïn cï ya nyääŋ piny në abuui de thuɔɔuwic.

Diɛt 22:15 ပူးပေါင်းရင်းမြစ်များ

Cäk 18:27

Ago Abraɣam puk nɔm an, “Pälë yɛn nɔm riɛldï, nɔm riɛl cän jam cuuth wo Yïn, Bɛ̈nydït. Yɛn ee raan tei, ku yɛn cïn nɔm yic bä dɛ kë luɛɛl wo Yïn.

Cäk 3:19

Ku yïn bï ya cam në abiɔ̈r ë yïnyin, agut të bïn yïnɔm puɔ̈k abuui yic. Yïn aa cuɛ̈ɛ̈c abuui, ku yïn bï yïnɔm bɛ puɔ̈k abuuidu yic.”

2 Tham 14:14

Wok bï thou wodhie, wok cït pïïu cï lɔ wei, pïïu cïï duëërë bɛ määt yiic. Ayï Nhialic acïï kɔc cï thou ee bɛ tɔ pïïr, ku melik aduëër kueer bïï yen raan cï kat tɔ puk yenɔm wut.

Jop 10:9

Tak Yïnɔm nɔn ee Yïn ë cuëc ɛn në tiɔp, ku duɛ̈ɛ̈rë ya bɛ riɔ̈ɔ̈k dakë yanɔm abuui yic?

Jop 19:20

Dɛ̈ldï kekë rïŋ acïk nuɛt ë yom kɔ̈ɔ̈th, ee dɛ̈l ë nyäär yen aa dɔ̈ŋ.

Jop 30:16

Ku ënɔɔnë yɛn ë thiɔ̈k wo thuɔɔu, acïn kë bï arɛɛmdï tɔ lɔ piny,

Jop 34:15

ke raan pïïr ë bɛ̈n abï thou, ku abï rɔt bɛ dak abuui yic.

Jop 7:21

Eeŋö jiɛi Yïn luɔi pɛ̈l Yïn ɛn awɛ̈ɛ̈ckï ku nyaaiyë karɛckï? Ku ënɔɔnë yɛn bï tɔ̈c abuui yic, Yïn bï ya kɔɔr ku Yïn cïï ya bï bɛ yök.

Diɛt 104:29

Të cïn keek nyääŋ piny, ayek riɔ̈ɔ̈c, ku të cïn wëiku jɔt ayek thou ku dɔkkï kenïïm në abuuidɛn wään bïï kek thïn.

Diɛt 30:9

“Eeŋö piɛth bï yök në thondï yic, lɔdï rɛɛŋ bï yï yiɛ̈n ŋö? Bï kɔc cï thou yï leec? Bïk kake piɔ̈nduön adöt luɛɛl?

Diɛt 38:10

Yɛn wiët piɔ̈u, ku riɛldï ë thök, ayï nyïïnkï acïkï be daai ëgɔk.

Diɛt 69:21

Wään de yɛn guöp cɔk, gokï ya gäm wurïï, wään de yɛn guöp rou, gokï ya gäm kuɔɔt.

Diɛt 69:3

Yɛn cï bäp në cɔ̈t kaar en kuɔɔny, ka röldï arem. Nyïïnkï acïk tuööp, ke ya kɔɔr kuɔɔny tëde Nhialic.

Kɛ̈ŋ 17:22

Miɛt ë piɔ̈u ee pial ë guöp bɛ̈ɛ̈i, ku jiɛthëpiɔ̈u ee riɛl nyaai ë raan guöp.

Yith 53:12

Ka yen abä gäm riëëu, në adhuëëŋ yiic kɔc rilku. Acï wëike gam në piɔ̈nde ëbɛ̈n ku rɔm thon de kɔc ee karɛc looi. Acï të de kɔc juëc ee karɛc looi nööm, ku lɛ̈ŋ në biäk bïï ë keek päl karɛcken.”

Dhiëëu 4:4

Ayek mïthken tɔ thou ë cɔk ku rou. Mïth alipkï kuïn cïn raan bï ye gäm keek.

Danyel 12:2

Kɔc juëc cï thou abïk bɛ pïïr, kɔc kɔ̈k abïk piɔ̈ɔ̈th miɛt në pïïr athɛɛric, ku kɔ̈k abïk gum në ayär athɛɛric.

Math 27:50

Na wën, aacï Yecu bɛ cööt ë röl dït, ke jɔ wëike pɔ̈l, thöök.

Jɔn 19:28

Na wën, aacï kakë wan, luɔi ŋicë Yecu nɔn cï käŋ guɔ thök kedhie, ke këcïgɔ̈ɔ̈r bï aa yic, ke jɔ lueel an, “Yɛn cï yal.”

1 Kor 15:3

Yɛn ë jam kɔn yiɛ̈n week ɣɔn, jam cä nööm ayadäŋ, jam ë thon cï Kërtho thou në biäk de karɛckuɔ acït man cï këcïgɔ̈ɔ̈r e lueel,