Diɛt 20:8 - JAM DE NHIALIC 2011

⁸ Kɔc cït ee kakë abïk aa dak ku wïïkkï, ku wok bï röt jɔt ke wo lɔ piɔ̈ɔ̈th wai.

Diɛt 20:8 ပူးပေါင်းရင်းမြစ်များ

2 Mel 19:23

Yïn cï Ya tuöc raan ee yï luööi (bɛ̈nyduön ë rem de tɔŋ) bï rɔt bɛ̈n lɛ̈c Ɛn an në abëël ë jöŋgöör, yïn cï kurdït bär ke Lebanɔn tiam. Ku lec rɔt në luɔi cï yïn tiim ke thaipereth bär yep ëtɛ̈ɛ̈n ku ɣet në roor thar ciëën.

2 Lëk 14:10

Go melik Atha lɔ biic bï lɔ piɔ̈t kekë yen, ku jɔ kuut kedhie kɔ̈ɔ̈c ë ɣäänken, në Wak de Dhepatha yic të thiääk kekë Mareca.

2 Lëk 14:11

Na wën ke melik Atha ë läŋ Bɛ̈nydït Nhialicde an, “Bɛ̈nydït, Yïn de nɔm riɛl duëër Yïn rem de tɔŋ kɔ̈c kony cït man de rem de tɔŋ ril. Kony wook ënɔɔnë, Yïn Bɛ̈nydït Nhialicda, në biäk kɛn wok röt në Yïn, ku në rinku yen abïï wok biic buk bɛ̈n thɔ̈ɔ̈r në rem dïït ë tɔŋë. Bɛ̈nydït, Yïn ee Nhialicda, acïn raan duëër ye ŋɔ̈ɔ̈th bïï Yïn tiaam.”

Edhr 8:22

Yɛn aaye guöp riɔ̈ɔ̈c në luɔi bän Melik thiëëc në rem de tɔŋ ku kɔc ke jöŋgöör bï wok tiit kueer në cäthda yic në biäk de kɔc ke ater duëër wook gëk, aa cuk lëk Melik an, Nhialic atɔ̈u ke kɔc ee Ye kɔɔr, ku agönhde ee tɔ̈u kekë kɔc cïï Yen ee piŋ thok.

Diɛt 124:8

Kuɔɔnyda ee bɛ̈n tëde Bɛ̈nydït, raan ë loi paannhial kekë piny.

Diɛt 125:1

Kɔc ee Bɛ̈nydït ŋɔ̈ɔ̈th acïtkï Kuur de Dhiɔn cïï duëërë bɛŋ, ku cïï duëërë wuuk.

Diɛt 33:16

Melik acie tiam në biäk de riɛl ë remdɛn ë tɔŋ, ku jön ë tɔŋ acie tiam në biäk ë riɛlde.

Diɛt 33:17

Jöŋgöör ke tɔŋ acïkï duëër tiam kapäc, acïï riɛldɛn dït ke duëër kony.

Kɛ̈ŋ 21:31

Kɔc ayek röt guiir në akööl ke tɔŋ, ku tiëm ee ya këde Bɛ̈nydït.

Ɣodh 14:4

Aye Bɛ̈nydït lueel an, “Yɛn bï kɔckï bɛ puɔ̈k nïïm rɔ, ku nhiaar keek në piɔ̈ndï ëbɛ̈n, Yɛn cï bï bɛ gɔ̈th wok keek.

Maika 7:8

Du yïnɔm lec në yɛn raan de ater, na cakaa nɔn cän wïïkë, yɛn bï rɔt bɛ jɔt. Na ya cakaa rëër në mɔ̈ɔ̈th yic ënɔɔnë, Bɛ̈nydït ee yɛn gäm ɣɛɛr.

Jocua 11:4

Agokï guëër në kɔckɛn ke tɔŋ, kɔc juëc aläl cït liɛɛt de wɛ̈ɛ̈r yɔu. Ku de nïïm Jöŋgöör juëc aläl, ayï abëël ke tɔŋ juëc aya.

Bäny 5:31

Ka kɔc ke aterdu abïk aa thou aya kedhie, Bɛ̈nydït, ku lɔ määthku riauriau cït aköl ë run ë piny! Ku piny acï bɛ̈n dɛ mät në run kathiërŋuan.

1 Tham 17:45

Go Debid bɛ̈ɛ̈r an, “Yïn bɔ̈ tënu yɛn wekë abätäu ku tɔɔŋ kaarou, ku yɛn lɔ tënu yïn në rin ke Bɛ̈nydït de rɛm, Nhialic de rem de tɔŋ ë Yithriɛlduön cï läät.