Diɛt 20:7 - JAM DE NHIALIC 2011

⁷ Kɔc kɔ̈k ayek abëël ke tɔŋ ŋɔ̈ɔ̈th, ku ŋäth kɔc kɔ̈k jöŋgöörken, ku wok ee riɛl de Bɛ̈nydït Nhialicda ŋɔ̈ɔ̈th.

Diɛt 20:7 ပူးပေါင်းရင်းမြစ်များ

2 Tham 10:18

go kɔc ke Yithriɛl rem de tɔŋ ë Thiriya cuɔp ciëën. Ago Debid kekë kɔcke bot kadhorou de kɔc ke abëël ë Thiriya kuath nɔ̈k, ku nɛ̈kkï bot kathiërŋuan 40,000 ke rem de tɔŋ ë Thiriya. Acïk Cobak nɔ̈k aya, bɛ̈ny ë rem de tɔŋ de Thiriya.

2 Tham 8:4

Go Debid agum ku bot kadhorou 1,700 de kɔc ke jöŋgöör peec, ku peec aguum kathiërrou 20,000 de rem de tɔŋ cath ë kecök. Go rɔt muɔ̈k jöŋgöör juëc bï bɔt de abëël ke tɔŋ thel, ku jɔ kɔ̈k tɔ ee ŋöl.

2 Lëk 13:16

Na wën ke rem de tɔŋ de Yithriɛl ë kɔt ë rem de tɔŋ de Juda, ago Nhialic keek tɔ tiɛɛm ë Juda.

2 Lëk 14:11

Na wën ke melik Atha ë läŋ Bɛ̈nydït Nhialicde an, “Bɛ̈nydït, Yïn de nɔm riɛl duëër Yïn rem de tɔŋ kɔ̈c kony cït man de rem de tɔŋ ril. Kony wook ënɔɔnë, Yïn Bɛ̈nydït Nhialicda, në biäk kɛn wok röt në Yïn, ku në rinku yen abïï wok biic buk bɛ̈n thɔ̈ɔ̈r në rem dïït ë tɔŋë. Bɛ̈nydït, Yïn ee Nhialicda, acïn raan duëër ye ŋɔ̈ɔ̈th bïï Yïn tiaam.”

2 Lëk 32:8

Ku riɛl tɔ̈u ke yen e riɛl ë raan tei, ku wok de Bɛ̈nydït Nhialinyda abï wok kony ku bï tɔŋ thɔ̈ɔ̈r ë yen.” Go kɔc kepiɔ̈ɔ̈th riit në wɛ̈l ke Ɣedhekia melikden.

Jop 39:11

Ku duɛ̈ɛ̈rë rɔt kan në riɛldïït de, ku jɔ ŋɔ̈ɔ̈th ke ee yen bï luɔi thieekdu looi?

Diɛt 28:8

Bɛ̈nydït ee riɛl de kɔcke. Ee melikdɛn cï lɔc gël.

Diɛt 45:17

Yɛn bï rinku tɔ ye luöi dhuëëŋ në rɛm ëbɛ̈n, kɔc kedhie abïk Yïn aa leec në nïn bï bɛ̈n kedhie aɣet athɛɛr.

Kɛ̈ŋ 21:31

Kɔc ayek röt guiir në akööl ke tɔŋ, ku tiëm ee ya këde Bɛ̈nydït.

Yith 30:16

Ku acäk tak an bäk ban ë jöŋgöör ŋic riŋ të cop ë kɔc ke aterdun week. Ee yicdun, kat ee yen ee kë bäk looi! Ayak tak an ŋic jöŋgöörkun riŋ aläl, ku kɔc cop week aŋickï riŋ aläldïïtë!

Yith 31:1

Amawoou në kɔc ee lɔ Rip lek kuɔɔny kɔɔr! Ayek rem dïït ë tɔŋ de Rip, ku jöŋgöör, ku abëël tɔŋ ŋɔ̈ɔ̈th. Ku acïkï Bɛ̈nydït ee ŋɔ̈ɔ̈th, Nhialic Ɣeric de Yithriɛl, ku cïkï kuɔɔny thiëc tëde yen.

Jeremia 17:5

Aye Bɛ̈nydït lueel an, “Yɛn bï kɔc ee röt yal wei ë yalɔ̈ɔ̈m luöi këtuc, kɔc ee kɔc ŋɔ̈ɔ̈th, ku kɔc ŋäthkï mïth ke kɔc.

1 Tham 13:5

Go Pilithiin kenïïm kut në baŋ bïk kek tɔŋ luöi kɔc ke Yithriɛl, aake de nïïm bot kathiërdiäk 30,000 ke abëël ke tɔŋ, ku aguum kathiërdhetem 60,000 de kɔc ke jöŋgöör, ku rem de tɔŋ juëc cie lëu ë kuɛ̈n acït liɛɛt tɔ̈u ë wɛ̈ɛ̈r yɔu. Agokï lɔ Mikmac, të lɔ aköl amiäk në Bethaben, ku jɔkï piɔ̈ɔ̈t ëtɛ̈ɛ̈n.

1 Tham 2:10

Ku kɔc ke ater de Bɛ̈nydït abï keek riɔ̈ɔ̈k, abïï Bɛ̈nydït keek rɛ̈liic paannhial. Bɛ̈nydït abï kɔc ke piny thar luöi këtuc, abï riɛl gäm melikde, abï melikdɛn cï lɔc tɔ tiëm.”