Diɛt 20:6 - JAM DE NHIALIC 2011

⁶ Ënɔɔnë aŋiɛc luɔi bïï Bɛ̈nydït melikdɛn cï lɔc luök, abï këde bɛ̈ɛ̈r paannhialdɛn ɣeric, ku abï gäm tiëmdït ë riɛlde.

Diɛt 20:6 ပူးပေါင်းရင်းမြစ်များ

1 Mel 8:30

Ku piŋ pal ë raanduön ee Yï luööi, ku pal ë kɔckuön ke Yithriɛl, kööl bïï kek aa pal ee tënë. Ye piŋ paannhial paan ee Yïn rëër thïn, ku të cïï Yïn en piŋ, Ye kɔcku päl karɛcken.

1 Mel 8:43

ke Yï jɔ lɔ̈ŋden piŋ. Paannhial të rëër Yïn thïn, ku luöiyë ke kë cïk thiëc tëde Yïn, ago kɔc ke pinynɔm ëbɛ̈n Yïn ŋic, ku rïïukï Yïn cït nɔn ye kɔckuön ke Yithriɛl ye looi, ku ëtɛ̈ɛ̈n abïk ŋic an Luaŋdïït cä looiyë, ee të bï Yïn aa lɔ̈ŋ thïn.

Diɛt 17:7

Nyuöthë ya nhiëërduön agɔk gɛ̈ɛ̈iyë ku kony ɛn, në luɔi Yïn kɔc cï gam kony në riɛldu në kɔc ke aterden.

Diɛt 18:35

Yïn cï yɛn gäm kön de kuɔɔnydu, ku ciin cuënydu ee yɛn muk, ku kuɔɔnyduön piɛth ee yɛn tɔ dït.

Diɛt 18:50

Tiëmdït acï gäm melikde, ku nyooth nhiëërdɛn agɔk raandɛn cï tɔc, nyuth Debid ke kuatde aɣet athɛɛr.

Diɛt 2:2

Meliik ke piny acïk kenïïm mat, bäny acïk kethook mat, bïk ater wɛ̈l nɔm Bɛ̈nydït kekë raandɛn cï tɔc.

Diɛt 28:8

Bɛ̈nydït ee riɛl de kɔcke. Ee melikdɛn cï lɔc gël.

Diɛt 41:11

Acïkï ya bï bɛ tiaam, ku abä ŋic nɔn mit yïn piɔ̈u wekë yɛn.

Diɛt 9:15

Juöör ke pinynɔm acïk pul wec ku acïk wïïk thïn, acïï wïïnkɛn ke dɛ̈p keek dɔm.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 58:9

Ku të läŋ wek, Yɛn bï lɔ̈ŋdun bɛ̈ɛ̈r. Të caal wek ɛn, Yɛn bï cɔ̈tdun dɔk nɔm. “Të la wek yaaŋ pɔ̈l, ku pälkï agöth, ku jam rac ëbɛ̈n,

Yith 63:15

Bɛ̈nydït, woi wook paannhial, tëduön ɣeric rëër yïn thïn ku në dhuëëŋdu yic. Tɔ̈u diɛɛrduön ee yïn diɛɛr në biäkda ë nou? Tɔ̈u riɛldu ë nou? Tɔ̈u nhiëërdu ku kokdepiɔ̈ndu ë nou? Du wo biɔn gup.

Maika 4:5

Ku ënɔɔnë, juöör ke piny ëbɛ̈n akuanykï yiëthken cök, na wook, wok bï Bɛ̈nydït Nhialicda kuany cök aɣet athɛɛr ya.

Math 6:9

Yen aa wek lɔ̈ŋ wäklë: Wääda nu paannhial, Tɔ rinku riëëuwë.

Luɔi 2:33

Ku ënɔɔnë, nɔn cï e tɔ dït ë ciin cuëny de Nhialic, ago Wëidït ɣer nööm ku cï Wun kɔn lueel an, bï ke gäm en, yen a luuŋ en ee kënë piny, ke wɔikï ku piɛŋkï ënɔɔnë.

Luɔi 2:36

“Na ënɔɔnë, tɔ baai de Yithriɛl ëbɛ̈n tɔ ŋic cöökë ëgɔk an, Yecu manë, raan wään cäk piäät ë tim cï rïïu nɔm kɔ̈u, yen acïï Nhialic tɔ ye Bɛ̈nydït ku tɔ ye Kërtho aya!”

Luɔi 4:10

jakï kënë ŋic wedhie, ayï kɔc ke Yithriɛl, takï ke ŋic kedhie an, në rin ke Yecu Kërtho de Nadhareth, raan cäk piäät ë tim cï rïïu nɔm kɔ̈u, raan cïï Nhialic jat nhial ë kɔc cï thou yiic.

Luɔi 5:31

Yen acïï Nhialic jat nhial në ciin cuënyde, abï aa Bɛ̈nydït ku ye Konydewëi, bï Yithriɛl tɔ puk e piɔ̈u, ku tɔ karɛcken päl.