Diɛt 20:5 - JAM DE NHIALIC 2011

⁵ Ku wok bï piɔ̈ɔ̈th jɔ miɛt në tiëm cï En we tɔ tiëm, ku jɔku dhuëëŋ de tiëmdu looi ke wo piɔny Nhialicda. Në Bɛ̈nydït gam lɔ̈ŋdu ëbɛ̈n.

Diɛt 20:5 ပူးပေါင်းရင်းမြစ်များ

Diɛt 118:15

Piɛŋkï diɛt ke miɛt ë piɔ̈u de tiëm në pɛɛny ke kɔc Piɛthpiɔ̈ɔ̈th yiic an, “Acï riɛl dïït de Bɛ̈nydït looi!

Diɛt 13:5

Yɛn ŋäth nhiëërduön agɔk, yɛn bï piɔ̈u miɛt, në luɔi bï yïn a kony.

Diɛt 19:4

Ku kë luelkï aye piŋ ë pinynɔm ëbɛ̈n, jamden ee piny guut thar. Nhialic acï tënhial looi ke ye paan de akɔ̈l,

Diɛt 21:1

Melik amit piɔ̈u Bɛ̈nydït, në luɔi cï yïn en gäm riɛl, ee piɔ̈u lɔyum në luɔi cï yïn en tɔ tiëm.

Diɛt 21:3

Acï gäm athiɛɛi dït, ku yiëkë nɔm göl de adhääp.

Diɛt 35:9

Ku ëtɛ̈ɛ̈n, yɛn bï piɔ̈u jɔ miɛt në Bɛ̈nydïtic, yɛn bï piɔ̈u jɔ miɛt të cï en a kony.

Diɛt 60:4

Yïn ë kɔc ee Yï riëëu nyuööth, agokï poth ë riääk yic.

Diɛt 9:14

Ke yɛn bï kɔ̈ɔ̈c ë kal ë nyan de Dhiɔn thok ku lɛ̈k keek ka yan ke yïn piɔɔny kedhie. Yɛn bï piɔ̈u miɛt në luɔi cï Yïn ɛn kony.

Bɛ̈n 17:15

Go Mothe yïk yïk ku ciëk an, “Bɛ̈nydït Yen aye beerdï.”

Yith 11:10

Ade kööl bɔ̈, kööl bïï ë melik däŋ bɛ dɔm në mei de Jethe ke yen ee kïn bï juöör aa nyuööth. Abïk kenïïm mat pänydɛn dït ë bääny ku gëmkï riëëu.

Yith 25:9

Të le yen rɔt looi, abï raan ëbɛ̈n aa lueel an, “Yen ee Nhialicda! Wo cï aŋäthda tääu ë Yeguöp, ku ë wo luök. Yen ee Bɛ̈nydït! Wok cï aŋäthda tääu në Ye guöp, ku ënɔɔnë wok mit piɔ̈ɔ̈th ku yok dɔl në luɔi cï Yen wo kony.”

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Maika 4:5

Ku ënɔɔnë, juöör ke piny ëbɛ̈n akuanykï yiëthken cök, na wook, wok bï Bɛ̈nydït Nhialicda kuany cök aɣet athɛɛr ya.

Ɣabakuk 3:18

ke yɛn bï ŋoot ke ya mit piɔ̈u në biäk konyë Nhialic ɛn.

Luk 1:47

Ku yɛn ë piɔ̈u guɔ miɛt wokë Nhialic Konydï.

1 Tham 1:17

Go Eli ye puk nɔm an, “Lɔ wekë mät, ku Nhialic de Yithriɛl abï yï gäm këduön ë läŋ.”

1 Tham 17:45

Go Debid bɛ̈ɛ̈r an, “Yïn bɔ̈ tënu yɛn wekë abätäu ku tɔɔŋ kaarou, ku yɛn lɔ tënu yïn në rin ke Bɛ̈nydït de rɛm, Nhialic de rem de tɔŋ ë Yithriɛlduön cï läät.