Diɛt 19:8 - JAM DE NHIALIC 2011

⁸ Lööŋ ke Bɛ̈nydït ayek yic, ayek kɔc ee ke gam tɔ mit piɔ̈ɔ̈th. Yöök de Bɛ̈nydït alek wai, ayek kɔc gäm yöŋ de käŋ yiic.

Diɛt 19:8 ပူးပေါင်းရင်းမြစ်များ

Cäk 26:5

Yïn bä thieei në luɔi cï Abraɣam ya gam thok, ku döt lööŋkï, ku wëëtdï ku ka ya lɛ̈k en kedhie.”

2 Mel 17:37

Wek bï lööŋ ku wëët wään cä lɛ̈k week dhil riëëu. Ku duökï yiëth kɔ̈k ee riëëu,

Neɣe 8:12

Go raan ëbɛ̈n jɔ lɔ baai ku ciëm, ku dëk në miɛtëpiɔ̈u ku jɔkï këriëëc ëbɛ̈n rɔm ë kɔc kɔ̈k, në biäk cïï kek en yökic yen kën ë kuënë keek.

Neɣe 9:13

Në kuur ë Thinai nɔm Yïn ëbɛ̈n piny paannhial, ku jamë we kɔcku, ku gämë ke lööŋ lɔgɔk ku wëët piɛth.

Diɛt 105:45

Ago kɔcke lööŋke riëëu ku dötkï cök ke lööŋke kedhie. Lɛckï Bɛ̈nydït!

Diɛt 111:7

Ku luɔi de Yen ciin alɔ gɔk ku ee yic, ku lööŋke ëbɛ̈n ayek yith.

Diɛt 119:105

Jamdu ee many alath ee ya wat ku ee ɣɛɛr de kueerdï yic.

Diɛt 119:12

Bɛ̈nydït, Yïn bä piɔɔny, wɛ̈ɛ̈të yɛn në kuɛɛrku.

Diɛt 119:121

Yɛn cï yic looi ku këpiɛth, du yɛn tɔ lööny ë kɔc ke aterdï cin!

Diɛt 119:128

Yen akuany ɛn wëëtdu cök, yɛn man kuɛɛr rac ëbɛ̈n.

Diɛt 119:130

Wɛ̈ɛ̈r de wëëtdu yic ee ɣɛɛr bɛ̈ɛ̈i ku ee pɛlënɔm yiɛ̈n kɔc cïn kë ŋickï.

Diɛt 119:14

Yɛn ee piɔ̈u ayum bä lööŋku kuany cök awär luöi duëër ë raan kuɛth.

Diɛt 119:143

Yɛn cï guöp thiäŋ wokë wël ku diɛɛr, ku lööŋku ayek ya gäm miɛtëpiɔ̈u.

Diɛt 119:16

Yɛn ee dhuëëŋ yök në lööŋku yiic,

Diɛt 119:171

Yïn bä aa leec aköölnyïïn, në biäk cï yïn a wɛ̈ɛ̈t në lööŋku.

Diɛt 119:24

Yɛn mit piɔ̈u wo wëëtdu ayek ya gäm täŋ piɛth.

Diɛt 119:40

Akaar bä lööŋku riëëu, gämë yɛn pïïr në piathëpiɔ̈ndu yic,

Diɛt 119:54

Të ŋuɔɔt yɛn ke ya pïïr ë pinynɔm yɛn cï diɛt cak në biäk de lööŋku.

Diɛt 119:80

Tɔ yɛn rïïu lööŋku apiɛth ku bïï yɛn päl ayär cï ya tiaam.

Diɛt 119:92

Na cïï lööŋku ee kake miɛtëpiɔ̈ndï, ke yɛn duëër thou në guömdï yic.

Diɛt 12:6

Gutguut de Bɛ̈nydït aye ŋɔ̈ɔ̈th, alek wai cït ateek cï lëëŋ ë many tuc raan dhorou.

Diɛt 13:3

Tïŋ ɛn, Bɛ̈nydït Nhialicdï, ku puk jamdï nɔm. Puɔ̈kë yanɔm riɛldï, du ya tɔ thou.

Diɛt 40:8

Aa nhiaar bä këde yïn piɔ̈u looi Nhialicdï, wëëtdu aya muk në yapiɔ̈u thïn.”

Diɛt 93:5

Bɛ̈nydït, lööŋku acïï keek ee waar, Ɣöndu yen ee ɣön ɣeric aɣet athɛɛr ya.

Bɛ̈n 18:16

Na de kɔc cï kɛ̈ɛ̈k, ayek bɛ̈n të nu yɛnë bä raan de nɔm yic bɛ̈n tïŋ në keyiic. Ku nyuöth keek lööŋ ke Nhialic ku ka cïï Nhialic lueel.”

Kɛ̈ŋ 2:6

Ee Bɛ̈nydït Yen ee pɛlënɔm gam, ku ŋïnydekäŋ ee bɛ̈n tëde Yen, ayï yöŋ de käŋiic.

Kɛ̈ŋ 30:5

“Këriëëc ë bɛ̈n cïï Nhialic lueel ee ya yic, ku Yen ee ya kön ë raan kɔɔr kuɔɔny tëde Yen.

Kɛ̈ŋ 6:23

Löŋ acït manyëalath, ku wëët acït ɣɛɛr riau, ku jiëëm ku nɛɛn ayek kueer de pïïr.

Yith 64:5

Wek ee kɔc loor nïïm kɔc ee miɛtëpiɔ̈u yök në luɔi de piathëpiɔ̈u, kɔc ee kathɛɛr tak në kueer kɔ̈ɔ̈rë keek bïk pïïr. Yïn aa göth we wook, ku lokku ke wo loi awɛ̈ɛ̈c, cakaa wään cï yïn göth aläl, wo cï bɛ̈n lɔ tueŋ në luɔi de awɛ̈ɛ̈c gɔl ee të thɛɛr ɣɔn.

Jeremia 15:16

Yïn cï jam we yɛn guɔ wëlku piŋ kedhie. Yɛn ee këdu Bɛ̈nydït Awärjäŋ, ka wëlku ayek ya thiɔ̈ɔ̈ŋ piɔ̈u në miɛtëpiɔ̈u ku dhuëëŋ.

Edhekiɛl 36:27

Yɛn bï wëikï tääu në weyiic, ku akaar bä tïŋ ke we kuany lööŋkï cök ku dötkï ka cä ke lɛ̈k week kedhie.

Romai 3:20

Acïn raan töŋ bï tɔ piɛthpiɔ̈u ë yenɔm në luɔi de löŋ, ee löŋ yen ë bïï ŋïny de kërac.

Romai 7:22

Yɛn mit piɔ̈u wokë löŋ de Nhialic ë yayic thïn,

Romai 7:7

Eeŋö buk jɔ lueel? Ee kërac en löŋ? Ei! Acie yen. Ku adï cä kërac jɔ kuc, tëë löŋ liu, ku adï cä ŋɔ̈ɔ̈ŋ de kërac kuc, tëë kënë löŋ lueel an, “Du kalei ee woi ë yïpiɔ̈u.”

Galatai 2:19

Ku në löŋ yɛn cï guɔ thou në këde löŋ, luɔi bän pïïr në këde Nhialic.

Galatai 3:21

Ku löŋ ënɔɔnë, dekï ater në ka cï Nhialic kɔn lueel an, bï gäm kɔc? Acie yen! Ku të ë de löŋ cï yiɛ̈n kɔc nu, löŋ duëër kɔc tɔ pïïr, ëyic, piathëpiɔ̈u adï cï bɛ̈n tëde löŋ.

Nyöŋ 16:11

Yak piɔ̈ɔ̈th miɛt në Bɛ̈nydït lɔ̈ɔ̈m, yak piɔ̈ɔ̈th miɛt në mïthkun ëtök, ku kɔc ee we luööi, ku Lebai, ku kɔc lei, ku mïth abɛɛr, ku tiiŋ abaar rɛ̈ɛ̈r ë wuötkuniic, yak ee kënë looi të töŋ de läm, të bïï ë Bɛ̈nydït Nhialicdun lɔc, ago rinke tɔ rɛ̈ɛ̈r thïn.

Nyöŋ 16:14

Miɛtkï piɔ̈ɔ̈th në yen ë mïthkun, ku kɔc ee we luööi, ku Lebai, ku kɔc lei, ku mïth abɛɛr, ku diëër abɛɛr rɛ̈ɛ̈r ë wuötkuniic.