Diɛt 18:2 - JAM DE NHIALIC 2011

² Bɛ̈nydït yen aye kuurdï, Yen aye ya gël, ku raan ee yɛn luök, ku ye Nhialicdï, ku kuurdiën de thiaan. Ku Nhialic ee köndï, ku ye tuuŋ de kuɔɔnydï, ku ye tëdiën de riɛl.

Diɛt 18:2 ပူးပေါင်းရင်းမြစ်များ

2 Tham 22:3

Nhialicdï Yen ee kuurdï. Yɛn duëër kat ke ya lɔ tëde Yen ke bï ya kony. Yen ee köndï ku Ye konydiën ril, Yen ee ya gël ku Yen ee tëdiën ee kuɔɔny. Ku Bɛ̈nydït acï yɛn luök në akuöörkuööric.

Diɛt 116:1

Yɛn nhiaar Bɛ̈nydït, në biäk ee Yen a piŋ thok, ee lɔ̈ŋdï piŋ.

Diɛt 132:17

Ëtɛ̈ɛ̈n yɛn bï wën töŋ de Debid tɔ ee melik dït, yɛn bï bääny de melikdiën cä lɔc döt ee tënë.

Diɛt 144:2

Yen ee köndï ku gëlgëldï, nhiëërdɛn agɔk, ee ya kony, aŋääth bïï ya luök. Ee juöör tiaam ë yacök.

Diɛt 19:14

Gam jamdï kekë täŋdï, Bɛ̈nydït, gëlgëldï, ku konydï!

Diɛt 28:1

Ee Yïn acaal Bɛ̈nydït, Raan riil ee ya gël. Piŋ dhiëndï! Na cïï lɔ bɛ̈ɛ̈r, yɛn bï nu në kɔc cï lɔ paan ë thuɔɔu.

Diɛt 59:11

Du ke näk Nhialic, ago kɔckï nïïm cïï mär. Thiäi ë keek piny në riɛldu, Bɛ̈nydït, yïn ee könda!

Diɛt 62:2

Yen Yetök, Yen aye kuurdï ku Ye konydï, ee tëdiën ë riɛl, ee ya gël, yɛn cïï duëërë tiaam.

Diɛt 62:7

Kuɔɔnydï kekë dhuëëŋdï atɔ̈ukï tëde Nhialic, Yen ee kuurdiën ril, Yen ee tëdiën ë thiaan Yen Nhialic.

Diɛt 75:10

Yen abï tuŋ ke kɔc rac dhoŋ kɔ̈ɔ̈th, ku tuŋ ke kɔc piɛthpiɔ̈ɔ̈th abïï ke jat nhial.

Diɛt 91:2

Aduëër lɛ̈k En an, “Yïn ee gëlgëldï ku ye konydï, Yïn ee Nhialinydï, ku ee Yïn ŋääth.”

Diɛt 91:4

Abï yï kum ë Yewuök, ku abï yï muk në Yeciin, piathëpiɔ̈nde ee köt ku abï yïn kony.

Bɛ̈n 15:2

Bɛ̈nydït yen aye riɛldï, ee yen ë kony ɛn. Ee yen ee Nhialicdï, ka abä leec. Ee Nhialic de awuur, ka abä piɔ̈ny dhuëëŋde.

Kɛ̈ŋ 18:10

Rin ke Bɛ̈nydït acïtkï alooc bäär, ye raan piɛthpiɔ̈u kɔt thïn ku yök kuɔɔny.

Kɛ̈ŋ 2:7

Ee kɔc piɛthpiɔ̈ɔ̈th gäm pɛlënɔm, ku ee köt tëde kɔc adööt.

Yith 32:2

Raan ëbɛ̈n ë keyiic abï ciët gëlgël ë yom ku cït tëde thiaan në amaŋ. Abïk ciët awɛɛŋ ke pïïu wat ë jɔ̈ɔ̈ric, ku cïtkï atïm liir ë kuur dït nu piny tuc cie luɔk.

Jeremia 16:19

Bɛ̈nydït ee Yïn ee Raan ee ya gël ku gämë yɛn riɛl, Yïn cï kuɔny në akööl ke nuan, juöör abïk aa bɛ̈n tëde de Yïn ë piny thar ku luelkï an, “Kuarkuɔ aake de nïïm yiëth alueth, ayek yiëth cïn naamden.

Ɣeberuu 2:13

Ku nyɔk në luɛl an, “Nhialic abä ŋɔ̈ɔ̈th.” Ku be lueel an, “Yakï wokë kɔc ë gëm ë Nhialic Ɛn.”