Diɛt 17:14 - JAM DE NHIALIC 2011

¹⁴ luäkë ya bei në kɔc de nïïm këriëëc kɔɔrkï ëbɛ̈n ee pinyë nɔm. Luöiyë keek këtuc në nuɛɛn cï kueet ë biäkden, tɔ mïthken yök nuan rɔ̈ŋ ke keek ku dɔ̈ŋ biäk ke mïth ke mïthken.

Diɛt 17:14 ပူးပေါင်းရင်းမြစ်များ

Jop 12:6

Ɣööt ke kɔc ee kɔc rum arëërkï ë mätic, ku kɔc ee Nhialic tɔ göth acïn ke riëëc keek, kë yek tak riɛlden yen ee yiëthken.

Jop 12:9

Eeŋa në kakë yiic kedhie kuc en, nɔn Yen Nhialic yen ë loi ë kënë ëbɛ̈n?

Jop 21:21

Të cïï runken teem kɔ̈ɔ̈th ë piny nɔm, ka cïnic këden thïn në mïthkɛn cï döŋ.

Jop 22:18

Acï ɣöötken thiɔ̈ɔ̈ŋ në kajuëc. Ku yɛn ee rɔt mɛc wei në täŋ de kɔc rac cït ë kake.

Diɛt 39:6

kɔc acïtkï atïïp. Ku luɔiden ëbɛ̈n ee ɣɔ̈ric, ayek käŋ määtic ke kuckï raan bï ke nööm.

Diɛt 73:12

Yen täu tɛ̈u ë kɔc rac ka. Adekï nïïm kajuëc, ku ayek kajuëc yök aköölnyïïn.

Kɛ̈ŋ 2:4

Ku të yïn e kɔɔr arëët abä ciët ke kɔɔr ateek, ku ka lɛ̈k cï thiaan tuc ë ɣööcden.

Math 13:44

Kääŋ däŋ, kï: Ciɛɛŋ de paannhial acït wëu piɛth cï thiaan domic, na wën, acï raan ke yök, ke ke thiɛɛn, ku jël, jɔ ka cath në yen lɔ ɣaac kedhie në miɛt mit en piɔ̈u ke keek, go domë ɣɔɔc.

Luk 16:25

Go Abraɣam lueel an, ‘Wëndï, cätë yïnɔm, wään pïïr yïn, yïn ee këpiɛth yök, ku yök Ladharo karɛc, ku ënɔɔnë acï duut piɔ̈u, ku yïn dhiau piɔ̈u.

Luk 16:8

Go bɛ̈nyde raan rac nu ë dhiënde nɔm leec në luɔi cï en pɛl: wɛ̈ɛ̈t ke piny de ënɔɔnë ayek wɛ̈ɛ̈t ke ɣɛɛrëpiny wöör në pɛl ë remdenic.”

Jɔn 15:19

Tëë we ye kɔckɛn ë kɔc ke piny nɔm, ke kɔc ke piny nɔm adï nhiaarkï kɔcken: ku ënɔɔnë, ë luɔi cä wek ee kɔckɛn ë kɔc ke piny nɔm, ku we cä lɔ̈c bei ë piny nɔm, yen amɛɛnë kɔc ke piny nɔm week.

Jɔn 17:14

Acä ke gäm jamdu, ku acï kɔc ke piny nɔm ke maan gup, luɔi cïï kek ee ka ke piny nɔm, cït man ë yɛn, yɛn cie këde piny nɔm.

Jɔn 8:23

Go lɛ̈k keek an, “Wek ë bɔ̈ piny, ku yɛn ë bɔ̈ nhial: wek ee ka ke pinyë nɔm, yɛn cie kë de pinyë nɔm.

Jakop 5:5

We ye röt ŋiëc kapiɛth ë piny nɔm, ku yak kuɛth ë yänydun kɔɔr, we ye röt tɔ kueth ë kuɛth ee kɔc kuɛth ëkööl ee käŋ nɔ̈k.