Diɛt 16:10 - JAM DE NHIALIC 2011

¹⁰ në luɔi cï Yïn a gël në riɛl de thuɔɔu, yen aa luööi ɛn Yïn në piɔ̈ndï ëbɛ̈n, ku Yïn cïï ya bï päl paan ë thuɔɔu.

Diɛt 16:10 ပူးပေါင်းရင်းမြစ်များ

Jop 11:8

Yeka mecë awär tënhial, eeŋö bä jɔ looi? Ku yen awär paan ë thuɔɔu në thuth, ka eeŋö bä jɔ ŋic?

Diɛt 139:8

Të la yɛn paannhial ke Yïn bä lɔ yök ëtɛ̈ɛ̈n, ku na la lɔ paan ë thuɔɔu yïn nu ëtɛ̈ɛ̈n.

Diɛt 49:15

Ku Nhialic abï yɛn luök, abï ya kony në riɛl de paan ë thuɔɔu.

Diɛt 9:17

Ku kɔc ee kërac looi ayï juöör reec Nhialic, abïk lɔ kedhie paan ë thuɔɔu.

Kɛ̈ŋ 15:11

Na ye Bɛ̈nydït riäŋ cï thiaan paan ë thuɔɔu tïŋ, ka cïï kë nu ë kɔc piɔ̈ɔ̈th duëër bɛ kuc.

Kɛ̈ŋ 27:20

Riääk kekë paan ë thuɔɔu acïkï ee kuɛth, yen acït täu de raan.

Yith 14:9

“Paan ë thuɔɔu ë rɔt kiëët ke loor melik de Babilonia nɔm. Atïïp ke kɔc ril ɣɔn nu ë piny nɔm adɛɛikï piny. Atïïp ke meliik ke juöör ajɔtkï röt në thöcken nïïm.

Yith 5:14

Paan ë thuɔɔu acïï cɔk dɔm në këden, acï yethok ŋaam arëët. Abï bäny ke Jeruthalem liek ëtök në kuut ke kɔc baai lɔ ke ke wou.

Danyel 9:24

“Dhorou raan thiërdhorou ke run, ee kaam cï Nhialic mac bï yen kɔcku kekë pänydït ɣeric gäm nɔm lääu në kërac yic kekë luɔi rac. Awäc abï pɔ̈l, ku piathëpiɔ̈u athɛɛr abïï gɔl, ago nyuuth ku kake tiët aa yic, ku be tëɣeric aläl tɔc bɛ gäm Bɛ̈nydït.

Lebai 19:28

Duökï wegup ee tɛm të dhiëëu wek raan cï thou, ku duökï kït ke käŋ ee käär ë wegup.

Amoth 9:2

Na cakkï röt wɛc piny, abïk ɣet paan ë thuɔɔu, ke abä ke ŋuɛ̈ny bei, na cakkï ɣet paannhial, ke abä ke bɛ̈ɛ̈i piny ëtɛ̈ɛ̈n.

Kuɛ̈n 6:6

Ku në akööl cï yen rɔt gäm Bɛ̈nydït, ë cïï lɔ në raan cï thou lɔ̈ɔ̈m.

Luk 1:35

Go tunynhial bɛ̈ɛ̈r, yöök an, “Wëidït ɣer abïk yï lɔ̈ny, ku riɛl ë Nhialic Awärjäŋ abï yï kuöm piny: ago këɣeer bä dhiëëth ago cɔl Wën ë Nhialic.

Luk 16:23

na wën, të rëër en paan ë thuɔɔu, ke ye leeŋ wëi, ku jɔ enyin jɔt, go Abraɣam tïŋ tëmec, ku tïŋ Ladharo ë yeyɔu.

Luk 4:34

“Cai! Eeŋöda në yïn, yïn Yecu de Nadhareth? Ë yï bɔ̈ bä wo bɛ̈n nɔ̈k? Yïn ŋiɛc nɔn ee yïn Raan ɣeric de Nhialic!”

1 Kor 15:42

Yen acït jön ë rɔt ë kɔc cï thou aya. Aye com ke ye kë bï dhiap, ee rɔt jɔt ke ye kë cïï bï dhiap.

Nyöŋ 32:22

“Agönhdï abï biöl cït mac, ku nyop këriëëc ëbɛ̈n ë pinynɔm. Ku abï lɔ ë piny thar ku nyop mei ë kur thäär.

Nyuuth 1:18

Ku ya raan pïïr, yɛn aacï thou, ku tïŋ ya kï pïïrë aɣet wadäŋ thɛɛr, ku yɛn cath wo mukthɛ̈ɛ̈r ke thuɔɔu ku paan ë thuɔɔu.

Nyuuth 20:13

Ku päl wɛ̈ɛ̈r kɔc cï thou nu ë yeyic, ku päl thuɔɔu ku paan ë thuɔɔu kɔc nu ë keyiic: go löŋden guiir ŋɛk ke këde luɔide ku ŋɛk ke këde luɔide.