1 Nhialic gël ɛn, ee yïn ŋääth bä yɛn kony.
Bɛ̈nydït ee kɔc kuanynyïïn gël, ɣɔn cän lööny ë riääkic, acï yɛn bɛ̈n kony.
Kɔc ee Bɛ̈nydït ŋɔ̈ɔ̈th acïtkï Kuur de Dhiɔn cïï duëërë bɛŋ, ku cïï duëërë wuuk.
Thieithieei në kɔc ye konyden Nhialic de Jakop, kɔc tɔ̈u ë aŋäthden në Bɛ̈nydït Nhialinyden yic,
Kë cï lɛ̈k ɛn acä looi ëbɛ̈n, ku yɛn kën rɔt wony në luɔidu yic.
Gël ɛn Bɛ̈nydït cït man ye raan yenyin gël, thian ɛn në atïm de Yïn wuök,
Ayek lɛ̈k ɛn an, “Puɔ̈kë rɔt Bɛ̈nydït, na de të bï en ye kony. Na nhiaar Bɛ̈nydït yïn eeŋö cï Yen yï luök?”
Gël ɛn ku luäk ë ya bei, du ɛn bï yɔ̈ɔ̈r guöp, në luɔi yan luääk yök tëde Yïn.
Nhiaarkï Bɛ̈nydït wek kɔc ke Bɛ̈nydït wedhie. Bɛ̈nydït ee kɔc ee piɔ̈ɔ̈th adöt gël, ku ee kɔc leec röt luöi këtuc rɔ̈ŋ ke keek.
në biäk nhiɛɛr ë Bɛ̈nydït yic, acïï kɔckɛn cï gam bï pɔ̈l. Kɔc piɛthpiɔ̈ɔ̈th abïk tɔ̈u athɛɛr, ku mïth ke kɔc rac abïï ke cuɔp wei.
Nhialic kokëpiɔ̈u we yɛn, në luöi ye kɔc ke ater yɛn mak, kɔc ke aterdï, ayek ya yɔŋ aköölnyïïn.
Nhialic Yïn cï wo rɛɛc, ku tiam wook, Yïn aa cï piɔ̈u diu wekë wook, ku ënɔɔnë jɔ rɔt pɔ̈k wook.
Bɛ̈nydït Nhialinydï, yɛn ë bɛ̈n tëde Yïn bä ya bɛ̈n gël, kony yɛn, ku luäk ɛn në kɔc cop ɛn,
na cie yen ka bïk ɛn rɛtic cït man ë köör, ku thimkï ya në thïïm ku acïn raan däŋ bï ya luök.
Thieithieei në kɔc ee Bɛ̈nydït de rɛm ŋɔ̈ɔ̈th!
Bɛ̈nydït kɔc ŋic Yïn, abïk Yïn ŋɔ̈ɔ̈th, Yïn cïï raan cï bɛ̈n tëde Yïn ee rɛɛc,
Bɛ̈nydït anhiaar kɔc man luɔi de karɛc, mankï karɛc wek kɔc nhiaar Bɛ̈nydït, ee wëi ke kɔcke gël, ku kony keek ë kɔc rac cin.
Ee kɔc ee yic kɔɔr gël në pïïrdenic ëbɛ̈n ayï kuɛɛrkeniic.
Ee yic, wok aa rɛ̈ɛ̈r ë wo ye kɔc ë röt ŋiëc thuɔɔu, luɔi cïï wo röt ee ŋɔ̈ɔ̈th, ee Nhialic en abuk dhil aa ŋɔ̈ɔ̈th, Raan ee kɔc cï thou jat nhial.
En aa guööm ɛn ee kakë aya: ku acä keek guum, ke yɛn kën yäär, në biäk ŋiɛc yɛn raan cä gam, ku aŋiɛc ëgɔk nɔn duëër en këdäŋ ŋiëc tiit kë cä kuɛ̈i yen aɣet kööl bï bɛ̈n.
