Diɛt 15:5 - JAM DE NHIALIC 2011

⁵ Ku ayek wëu gam ke ke cïï kɔ̈ɔ̈r aŋuëk, ku acïï ke duëërë gäm kumthok, ciɛ̈k en raan cïn guöp awäc thok. Raan ee ka cït ee kake looi kedhie abï aa kony.

Diɛt 15:5 ပူးပေါင်းရင်းမြစ်များ

Diɛt 106:3

Thieithieei në kɔc ee yicde döt, kɔc ee piathëpiɔ̈u looi aköölnyïïn.

Diɛt 112:6

Raan piɛthpiɔ̈u acïï bï wïïk taitai, abïï aa tak anande.

Diɛt 16:8

Yɛn ee luɔi tɔ̈u ë Bɛ̈nydït ke yɛn ë ceŋ ŋic, Yen atɔ̈u ë yalɔ̈ɔ̈m, ka acïn kë duëër ɛn jak.

Diɛt 55:22

Tääuwë nuandu ë Bɛ̈nydït kɔ̈u, ku abï yïn gël, acïï kɔc piɛthpiɔ̈ɔ̈th bï tɔ tiam.

Bɛ̈n 22:24

Ku Yɛn bï gɔ̈th ku ta we näk tɔŋ. Ka diäärkun abïk aa abɛɛr, ku mïthkun abïk aa abɛɛr cïn nïïm wärken.

Bɛ̈n 22:25

“Të de yen raan kuany nyin cï kony në wëu në kɔckï yiic, wëu bï ke pɔ̈k nïïm raan de keek. Ke raanë ë cï rɔt tɔ cït kɔc ee wëu dhɛɛn, ku cïï wëu ee tɔ col në wëu wär ke.

Kɛ̈ŋ 10:30

Kɔc piɛthpiɔ̈ɔ̈th acïï ke duëërë kɔn wuuk piny cï thɔ̈n keek, ee kɔc ee karɛc looi kek acï bï tɔ̈u.

Kɛ̈ŋ 12:3

Luɔi de kërac ee raan tɔ rɛ̈ɛ̈r aŋuɛm tök, ku kɔc piɛthpiɔ̈ɔ̈th acïï ke ee wuuk.

Kɛ̈ŋ 15:27

Raan dït piɔ̈u ee kɔc cam, ee baaide yiɛ̈nic awuɔɔu, ku raan man kum thok ee rëër në miɛt ë piɔ̈uwic.

Yith 33:15

Wek duëër pïïr të ya wek yic lueel ku luɔikï. Duökï riɛldun tɔ ye kë math wek kɔc kuanynyïïn ku duökï kumthok ee nööm. Duökï ee mat në kɔc loi kiɛɛr de nääk de raan, ku nɔn loikï karɛc kɔ̈k.

Edhekiɛl 18:17

Ee jaai në luɔi de kërac, ku cïï wëu ee gam në aŋuëk. Ee lööŋkï döt ku rïïu ka cä lɛ̈k en. Acïï bï thou në biäk de awɛ̈ɛ̈c ke wun, abï dhil pïïr ëyic.

Edhekiɛl 18:27

Të cïï raan ee karɛc looi luɔi de awɛ̈ɛ̈c pɔ̈l ku looi këpiɛth ku yic, ka acï wëike luök.

Edhekiɛl 18:8

Acïï wëu ee gäm kɔc në aŋuëk. Ee jaai në luɔi de kërac, ee jamde teem apiɛth tëde yen teer.

Edhekiɛl 22:12

Kɔckuön kɔ̈k aye keek riɔp në luɔi bïï kek näk. Kɔ̈k ayek aŋuëk nööm ë wëu cï kek kɔckɛn ke Yithriɛl kony kɔ̈ɔ̈th, ku jɔkï kuɛth në cäm ciɛm keek. Acïk nïïm määr në yɛn.” Bɛ̈nydït Awärjäŋ yen aa jam.

Maika 7:3

Acïk luɔi de kërac ŋic aläl kedhie, ku bäny ayek ariöp cɔɔl. Ku bäny ee lööŋ guiir ayek kumthok nööm. Ku kɔc ril acïk kethook mat kedhie, ku ayek kë kɔɔrkï tɔ loi.

Math 26:15

le ku thiëëc keek an, “Bäk a gäm ŋö ke bä lɔ nyiën week?” Gokï wëu giim në yen ëtök, riët kathiërdiäk.

Jɔn 13:17

Të ŋiɛc wek kakë, thieithieei week të ya wek keek looi!

Nyöŋ 16:19

Abïk aa kɔc cïï löŋ ee kuöc guiir, ku cïkkï kɔc ee tekiic në kuömden yic, ku acïkï kumthok bï aa nööm, në baŋ ye miɔ̈c kɔc pelnïïm ku kɔc adööt tɔ cɔɔr, ku tɔ keek tɔ guiir löŋ ë kueer rac.

Nyöŋ 23:21

“Të cä wek gutguut lɛ̈k Bɛ̈nydït Nhialicdun, duökï këduön cä wek gutguut lueel be pɔ̈l, Bɛ̈nydït abï kë cï yïn gutguut lueel mukic, ku abï aa kërac të kën wek gutguut döt.

1 Tham 12:3

Ya kï. Na de kë cä wööc, ke we gɔɔny yɛn ë Bɛ̈nydït nɔm ku lɔ melik cï piac lɔc. De weŋ de raan cä nööm ku nɔn ee yen mul? De raan cän këde rum ku nɔn de raan cä yɔŋ? De raan cän kum thok nööm tëde yen? Ku na de ka cä looi në ee kakë yiic, ka abä keek cool tëde yen ka cä nööm.”