Diɛt 148:8 - JAM DE NHIALIC 2011

⁸ Wek yï wïl ë deŋ ku deŋ ë kɔi ku luäät. Ku yomdïït ee jamde piŋ.

Diɛt 148:8 ပူးပေါင်းရင်းမြစ်များ

Cäk 19:24

Ago Bɛ̈nydït many de thulpuur dap guɔ wäl Thɔdom kekë Gomoora ëthiäu.

Jop 37:12

Ayek ka cïï Nhialic ke yɔ̈ɔ̈k, ka yek looi kedhie në pinynɔm ëbɛ̈n.

Diɛt 103:20

Wek tuucnhial, thiɛikï Bɛ̈nydït, wek cï ee lööŋke döt, kɔc ee këdɛn lueel piŋ.

Diɛt 18:12

Ago deŋ kɔi, ku riau de mac aa bɛ̈n bei në wilëdeŋ nu ë yenɔm ku tëëk ë mɔ̈ɔ̈th de luätic.

Bɛ̈n 10:13

Na wën, ke Mothe yɔɔk thienyde nhial, go Bɛ̈nydït yom aköl amiäk tɔ put në cool de ee köölë, ku wɛ̈ɛ̈rde. Na ɣɔn amiäk, ke bïï gɔt.

Bɛ̈n 10:19

Go Bɛ̈nydït yom aköl amiäk puk nɔm në amaŋdïït bɔ̈ të lɔ aköl athɛ̈i. Go amaŋ gɔt gɔp, le luöp ë Wɛ̈ɛ̈r Thithic abï ciɛ̈n gɔn töŋ dɔ̈ŋ piny ë Rip taitai.

Bɛ̈n 14:21

Na wën, ke Mothe yɔɔk yecin nhial në wɛ̈ɛ̈r nɔm, go Bɛ̈nydït wɛ̈ɛ̈r tɔ lɔ ciëën në amaŋdïït bɔ̈ në baŋ të lɔ aköl amiäk, amaŋ ruu ke put në wɛ̈ɛ̈ric ëbɛ̈n. Go pïïu tɔ tek keyiic, ku jɔ wɛ̈ɛ̈r aa tëril.

Yith 66:16

Në mac ku abätäu abï kɔc ke piny nɔm ëbɛ̈n luöi këtuc, kɔc bïï ke yök ke ke cï wäc, ku kɔc juëc abïï ke nɔ̈k.

Jowɛl 2:30

“Yɛn bï kagɛ̈iyë ke looi ee köölë paannhial ku piny, abï dɛ riɛm ku mac, ku piööl ë tol.

Lebai 10:2

Ago mac bɛ̈n nhial ë Bɛ̈nydït lɔ̈ɔ̈m, ku nɛ̈k Nadap kekë Abiɣu. Agokï thou ë Bɛ̈nydït nɔm.

Amoth 4:13

Nhialic Ee Yen Raan ë cak kur ku ciɛk yom. Acï täŋde tɔ ŋic ë kɔc, ee wakɔ̈u puk ke ye aköl. Ee cath në ɣään thöny ke pinynɔm ëbɛ̈n. Ku rinke acɔl ke Bɛ̈nydït, Nhialic Awärjäŋ!

Amoth 7:4

Go Bɛ̈nydït Nhialic yɛn nyuöth nyuuth däŋ, në nyuuthic, Bɛ̈nydït acï kïït nɔn bï En kɔcke luöi këtuc në mac. Go mac Abäpdit dït cam, ku ciɛm piny ëbɛ̈n.

Jona 1:4

Na wën ke Bɛ̈nydït ë tɔ yom dït agök tuk rɔt në wɛ̈ɛ̈ric, man abï amaŋ abël wïïr duɛ̈ɛ̈r tɔ cït kë bï dhuɔɔŋ.

Jona 1:5

Ago kɔc lui abël wïïric ëbɛ̈n riɔ̈ɔ̈c ku jɔ ŋɛk yanhde cɔɔl ku cɔl ŋɛk yanhde, acïk käŋ dɛɛny wïïr Ku dhëëthkï kajuëc kɔ̈k wïïr në biäk bïï abël wïïr pial. Ku Jona aa cï lɔ ë pulic në abëlic piny, ku aacï thiai ke nïn.

Kuɛ̈n 16:35

Go mac bɛ̈n nhial tëde Bɛ̈nydït ku nyop bot kaarou ku thiërdhïny ë raan wën muk abɔ̈c ke wal ŋïr.

Jocua 10:11

Ku të wën riŋ ë kɔc ke Amor ke ke kɔt në kɔc ke Yithriɛl në Bethɣaron, Bɛ̈nydït ë deŋ dïït ë kɔɔi bɛ̈n tɔ tuëny keek agut cï Adheka. Kɔc juëc në keyiic acïï deŋ ë kɔɔi ke bɛ̈n nɔ̈k awär kɔc ë nɛ̈k kɔc ke Yithriɛl.

Nyuuth 16:21

Ku lööny kɔi dït piny nhial löönykï ë kɔc nïïm, thiek de kɔi tök akït kekë cuaal bɔ̈ɔ̈ric: go kɔc Nhialic aa läät në baŋ de riääk de kɔi, riääk riëëk en piny adït aläldïïtë.