Diɛt 147:2 - JAM DE NHIALIC 2011

² Bɛ̈nydït acï wo bɛ gäm Jeruthalem, abïï kɔckɛn wään cï peec ciëën.

Diɛt 147:2 ပူးပေါင်းရင်းမြစ်များ

Neɣe 6:15

Na ɣɔn aa lɔ nïn kathiërdhïc ku rou thook thök ke luɔi de kal ëbɛ̈n ë jɔ guɔ thök aya, në kööl ye pɛɛi de Eelul thok thiërrou ku dhïc.

Neɣe 6:16

Ɣɔn aa lɔ kɔc ke aterda ee kënë piŋ, kek juöör thiääk ë wook ëbɛ̈n, acïk bɛ̈n yäär në biäk cïï raan ëbɛ̈n e ŋic nɔn cïï luɔi looi në kuɔɔny de Nhialic.

Neɣe 7:4

Jeruthalem aaye pänydït ku acïn kɔc juëc ërɛ̈ɛ̈r thïn, ku cïn ɣööt juëc ë cï guɔ yïk thïn.

Diɛt 102:17

Abï këde kɔckɛn cï päl wei piŋ, ku jɔ lɔ̈ŋden piŋ.

Diɛt 51:18

Nhialic tɔ Yïpiɔ̈u kok wekë Dhiɔn, ku kuɔnyë bɛ ë päny de Jeruthalem nyɔk në yïk.

Yith 14:32

Eeŋö buk lɛ̈k tuuc ke jur? Abuk lɛ̈k keek an Bɛ̈nydït ë Dhiɔn yïk ke kɔckɛn kuanynyïïn ke ke bï mät yök ëtɛ̈ɛ̈n.

Yith 27:13

Të le ëköölë bɛ̈n, kaaŋ abï kooth, kaaŋ cöölë kɔc ke Yithriɛl bei në Athiriya ku Rip, tëdɛn cï kek pɛɛc thïn. Abïk Bɛ̈nydït bɛ̈n lam ë Jeruthalem, ë kuurdɛn ɣeric nɔm.

Yith 56:8

Bɛ̈nydït Awärjäŋ wään cï kɔckɛn ke Yithriɛl lɔ puɔ̈k nïïm ciëën pinyden të wään cïï ë keek peec, acï gutguut lueel nɔn bïï yen ŋoot ke bïï kɔc kɔ̈k bï röt mät keek.

Yith 62:7

Acïkï bï dhil tɔ lɔ̈ŋ aɣet të bï yen Jeruthalem kɔn yïk, ku looi ke ye pänydït bï leec ë pinynɔm ëbɛ̈n.

Jeremia 31:10

Aye Bɛ̈nydït lueel an, “Juöör piɛŋkï kë luɛɛl, ku yak wëlkï luɛɛl ë bɛ̈i mec nu ë wɛ̈th tɔ̈u lɔɔk. Yɛn cï kɔckiën ke Yithriɛl thiɔ̈i ku abä ke määt yiic, ku abä ke tiit cït man ye tïn ë thök lunyde tiit.

Jeremia 31:4

Ku wek bä bɛ nyɔk ë yïk. Ku wek bï göölkun bɛ nööm ku cäŋkï ë miɛtëpiɔ̈u.

Jeremia 32:37

Yɛn bï kɔc lɔ määt yiic ë juööriic ëbɛ̈n të wään cän ke thiäi thïn në agönhdï kekë diu de piɔ̈u, ku abä keek lɔ bɛ̈ɛ̈i ciëën ee tënë ku abä keek tɔ rɛ̈ɛ̈r eenë ë läŋ.

Edhekiɛl 38:8

Të lee run juëc wan abä yɔ̈ɔ̈k bïï baai lɔ peec, të wään cï ë kɔc bɛ̈ɛ̈i ciëën tëtök, në juöör juëc yiic ku rëërkï ke cïn riɔ̈ɔ̈c de tɔŋ. Abï kur ke Yithriɛl peec, kur wään cï nyääŋ piny ɣɔn thɛɛr, ku ënɔɔnë kac arëërkï ke ke cïn riɔ̈ɔ̈c.

Danyel 9:25

Gäärë kënë piny ku yökic. Gɔl ë kööl bïï ë löŋ tääu piny në luɔi bïï ë Jeruthalem bɛ lɔ yïk, agut kööl le ë bɛ̈ny cïï Nhialic lɔc bɛ̈n, run kadhorou raan dhorou abïk wan. Ku Jeruthalem abïï yïk kekë kuɛɛr ku karil bï yen tiit, ku abï kɔ̈ɔ̈c në run kadhorou raan thiërdhetem ku rou, ku abï ya kööl ke nuɛɛn.

Maika 4:6

Go Bɛ̈nydït lueel an, “Akööl abïk bɛ̈n wadäŋ, akööl bän kɔc cä luöi këtuc määt yiic, ku mat kɔc cï peec nïïm, kɔc cä jieth piɔ̈ɔ̈th.

Dhek 8:7

Acïï Bɛ̈nydït de rɛm lueel an, Kɔckï abä keek luäk bei në wuöt nu të lɔ aköl amiäk ku wuöt nu të lɔ aköl athɛ̈i të cï ë keek lɛɛr thïn,

Math 16:18

Ku yïn yɔ̈ɔ̈k, yïn Petero, yïn ee kuur, ku yɛn bï ɣön ë Nhialicdï yïk ee kuurë nɔm, ku acïn riɛl ë paan ë thuɔɔu bï yen tiaam.

Nyöŋ 30:3

Ëtɛ̈ɛ̈n Bɛ̈nydït Nhialicdun abï piɔ̈u kok kekë week, abï week bɛ̈ɛ̈i ciëën në Juööriic, juöör cï En ke week thiäi thïn, ku abï week bɛ tɔ kueth.