Diɛt 147:13 - JAM DE NHIALIC 2011

¹³ Ee kɛ̈lku tiit thook aril, Ee kɔckun thieei.

Diɛt 147:13 ပူးပေါင်းရင်းမြစ်များ

Neɣe 12:30

Go bäny ke kake Nhialic ku Lebai ke gup tɔ ɣer ku tɔkï kɔc ke Yithriɛl ɣer gup, ku jɔkï thook ke kal, ku lɔ kal ë pänydït de Jeruthalem tɔ ɣeric.

Neɣe 6:1

Na wën aa lɔ Thanbalat, ku Tobia, ku Gecem raan de Arab, ku kɔc kɔ̈k ke aterda ye piŋ nɔn cïï wok kal thöl në yïk, ku cïn ɣään ɣɔ̈r kɔ̈k cï döŋ, cakaa ɣɔn ŋoot wok ke wo kën thook ke kal tääu, në ke thook.

Neɣe 7:1

Ku ënɔɔnë kal acï nyɔk në yïk, thook ke kal acï ke tääu tëden kedhie, ku kɔc ee Luaŋdït tiit acï ke kuany, ku kɔc ee ket, ayï kɔc kɔ̈k ke Lebai acï ke gäm luɔiden.

Neɣe 7:3

Guɔ lɛ̈k keek an, “Duökï thook ke kal ë Jeruthalem ee guɔ liep të ŋoot akɔ̈l ke kën ɣëët nhial, ku thiökke ke akɔ̈l ë kën thëi ke kɔc ee tïït ke ke kën guɔ jäl. Ku kuany tït aya, bï kɔc ee tïït kuany në kɔc rɛ̈ɛ̈r wutic ë Jeruthalem ku kɔc kɔ̈k në keyiic abïï ke tääu në ɣään kithiic në aguuk ke kalic ku kɔc kɔ̈k bï tïït në bɛ̈i thiääk në ɣöötken kɔ̈ɔ̈th.”

Diɛt 125:2

Cït man cïï Jeruthalem gɛɛu cil ë kur, yen acï Bɛ̈nydï kɔcke gɛɛu cil ënɔɔnë aɣet athɛɛr.

Diɛt 144:12

Tɔ wɛ̈ɛ̈tkuɔ në dhuöökdenic tɔ ke cït wal ee cil ke ke ril. Tɔ duetkuɔ bï ciët mën ke luakic wën ee luak mɔ̈k nhial.

Diɛt 51:18

Nhialic tɔ Yïpiɔ̈u kok wekë Dhiɔn, ku kuɔnyë bɛ ë päny de Jeruthalem nyɔk në yïk.

Jeremia 33:10

Go Bɛ̈nydït lueel an, “Aye kɔc lueel an tënë acït jɔ̈ɔ̈ric, an acïn kɔc ayï läi rɛ̈ɛ̈r thïn. Ku këden ee yic, wuöt ke Juda ku kuɛɛr ke Jeruthalem acïnkï yiic kɔc, acïn kɔc ayï läi rɛ̈ɛ̈r thïn. Ku në ee ɣäänkë yiic yïn bï

Jeremia 33:11

awuɔɔu de miɛtëpiɔ̈u ku dhuëëŋ de monythiëk ku nyan thiak bɛ piŋ. Yïn bï kɔc bɛ piŋ akït ke ke bïï miɔ̈c de miɛtëpiɔ̈u ɣöndiën ë Bɛ̈nydït, abïk aa lueel an, ‘Gämkï Bɛ̈nydït de rɛm alɛɛc, në biäk piɛth En, ku nhiëërdɛn agɔk atɔ̈u athɛɛr.’ Yɛn bï ee pinyë bɛ tɔ kueth cït man wään kɔn en tɔ̈u. Acä lueel, Yɛn Bɛ̈nydït.”

Dhiëëu 4:12

Acïn raan ë piny nɔm ëbɛ̈n, ayï bäny ke juöör, raan duëër ë gam nɔn duëër ë kɔc ke ater Jeruthalem yiɛ̈n tɔŋ.

Danyel 9:25

Gäärë kënë piny ku yökic. Gɔl ë kööl bïï ë löŋ tääu piny në luɔi bïï ë Jeruthalem bɛ lɔ yïk, agut kööl le ë bɛ̈ny cïï Nhialic lɔc bɛ̈n, run kadhorou raan dhorou abïk wan. Ku Jeruthalem abïï yïk kekë kuɛɛr ku karil bï yen tiit, ku abï kɔ̈ɔ̈c në run kadhorou raan thiërdhetem ku rou, ku abï ya kööl ke nuɛɛn.