Diɛt 146:9 - JAM DE NHIALIC 2011

⁹ Ee alɛi rɛ̈ɛ̈r pinyda gël, ku kony diëër abɛɛr ku mïth abɛɛr ku ee kɔc rac riɔ̈ɔ̈k.

Diɛt 146:9 ပူးပေါင်းရင်းမြစ်များ

2 Tham 15:31

Na wën ke raan tök ë yɔ̈ɔ̈k Debid an, “Aɣithopel ë mɛt në kɔc ke Abthalom yiic.” Go Debid lɔ̈ŋ an, “Bɛ̈nydït, yïn läŋ tɔ jam de Aɣithopel tɔ cïn naamde!”

2 Tham 17:23

Na wën aacï Aɣithopel ye tïŋ nɔn cïï Yithriɛl jamde rɛɛc, go mulde duöt kɔ̈u ku jël lee paanden. Na wën cï kake guiir kedhie, ke jɔ rɔt lɔ nöök. Go thou ku tɔ̈ɔ̈u në raŋ de yïï wun yic.

Ethta 5:14

Ëtɛ̈ɛ̈n acïï tiiŋdɛn Dherec ku lɔ määthkɛn nu abärɔ yic kedhie bɛ̈ɛ̈r an, “Tɔ tim dïït ye bɛ̈ɛ̈r de yen kɔ̈u mitïïr kathiërrou ku diäk ke lɔ nhial piëëtë. Ku miäk adurduur ke yïn duëër Melik yɔ̈ɔ̈k bï Modekayo tɔ näk ee timë kɔ̈u, ku ëtɛ̈ɛ̈n jɔ lɔ ë dhuëëŋic wekë Melik ke yï mit piɔ̈u.” Go Ɣaman gam an, kënë ee täŋ piɛth, ku tɔ tim dïït agök piëëtë.

Ethta 7:10

Gokï Ɣaman nöök ee timë kɔ̈u, timdɛn wään cï looi an bïï yen Modekayo tɔ nök. Go Melik piɔ̈u jɔ lɔ piny në agɔ̈th.

Ethta 9:25

ku ëtɛ̈ɛ̈n, Ethta acï bɛ̈n lɔ tëde Melik, ku yen acïï Melik löŋ bɛ̈n tääu piny ku gɛ̈ɛ̈r ë wuötiic, ku löŋë, yen acï Ɣaman bɛ̈n tɔ yök këtuc wään cï kiir, an lui kɔc ke Judai, ku yen acïï Ɣaman kekë wɛ̈ɛ̈tke bɛ̈n nöök në tim kɔ̈u.

Diɛt 10:14

Ku yïn ee yaaŋ tïŋ ku tïŋ nuan ku yïn ee kuɔɔny bɛ̈ɛ̈i. Kɔc yɔŋ keek ayek röt gäm yïn, ee yïn ee kɔc cïn käŋ kony.

Diɛt 145:20

Ee raan ëbɛ̈n raan nhiaar en gël, ku abï kɔc rac riɔ̈ɔ̈k.

Diɛt 147:6

Ee kɔc cï röt kuɔɔr piny jat nhial, ku dum kɔc rac yiic piny.

Diɛt 18:26

Yïn awai wekë kɔc awai, ku yïn man kɔc rac.

Diɛt 68:5

Wun mïth abɛɛr ku raan ee diëër abɛɛr gël, ee Nhialic ee rɛ̈ɛ̈r tëdɛn ɣeric,

Kɛ̈ŋ 15:25

Ɣööt ke kɔc ee röt leec aye Bɛ̈nydït ke jäp piny, ku gël kake diëër abɛɛr.

Kɛ̈ŋ 4:19

Ku kueer ë kɔc rac, acït mɔ̈ɔ̈th dïït lɔ cɔ̈t. Na ë ke cak kɔ̈th acïkï kën ee ke tɔ kɔ̈th ee tïŋ.

Jeremia 49:11

Nyäŋkï abɛɛrkun Yɛn ku abä ke lɔ̈ɔ̈k muk. Diëërkuön abɛɛr aduëërkï Yɛn ŋɔ̈ɔ̈th.

Ɣodh 14:3

Athiriya acïï wook duëër kɔn luök taitai. Ku wok cï bï bɛ kɛɛc në jöŋgöör ke tɔŋ kɔ̈ɔ̈th. Ku acuku bï bɛ nyɔk ë lëk wok en yiëthkuɔn ë loiku keek në wocin, an wek ee Nhialicda. Në baŋ ye abaar kokëpiɔ̈u yök tëde Yïn.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

1 Kor 3:19

Pɛlënɔm ee pinyë ee dhɔ̈ɔ̈n tëde Nhialic, luɔi cï ë gɔ̈ɔ̈r an, “Aye kɔc pelnïïm dɔm në ruëënydenic”,

Nyöŋ 16:11

Yak piɔ̈ɔ̈th miɛt në Bɛ̈nydït lɔ̈ɔ̈m, yak piɔ̈ɔ̈th miɛt në mïthkun ëtök, ku kɔc ee we luööi, ku Lebai, ku kɔc lei, ku mïth abɛɛr, ku tiiŋ abaar rɛ̈ɛ̈r ë wuötkuniic, yak ee kënë looi të töŋ de läm, të bïï ë Bɛ̈nydït Nhialicdun lɔc, ago rinke tɔ rɛ̈ɛ̈r thïn.

Jakop 1:27

Riëëu de Nhialic kï, riëëu lɔ yic wai, ku cïnic tënhiany ë Nhialic Wääda nɔm an: Nɛ̈m ee raan abɛɛr ku diëër cïn nïïm röör neem në këdɛn tuc dhal keek, ku luɔi ee raan rɔt ŋiëc muk ke cïn piɔ̈u tëcol ë bïïyë ka ke piny nɔm.