Diɛt 146:8 - JAM DE NHIALIC 2011

⁸ ku tɔ kɔc cï cɔɔr daai. Bɛ̈nydït ee kɔc cï löny jat nhial, ku anhiaar kɔckɛn piɛthpiɔ̈ɔ̈th.

Diɛt 146:8 ပူးပေါင်းရင်းမြစ်များ

Diɛt 11:7

Bɛ̈nydït apiɛthpiɔ̈u, ku anhiaar luɔi piɛth, kɔc lɔ piɔ̈ɔ̈th wai abïk Yen tïŋ nyin.

Diɛt 145:14

Ee kɔc tɔ̈u ë nuanic kony, ee kɔc cï wïïk jat nhial.

Diɛt 147:6

Ee kɔc cï röt kuɔɔr piny jat nhial, ku dum kɔc rac yiic piny.

Yith 35:5

Nyïïn ke cɔɔr abïk daai, ku miŋ abï piŋ.

Yith 42:16

“Yɛn bï cöörkï wat në kueer kën kek kɔn tëëk. Yɛn bï mɔ̈ɔ̈thden tɔ ye ɣɛɛr ku luɔi piny de yic ŋɔny ke lip në kenïïm. Kek gutguut cä lueel ka, ku abä ke muk ke ke cïï mär në yanɔm.

Yith 42:18

Aye Bɛ̈nydït lueel an, “Piëŋkï wek kɔc cï miŋ! Bä tiëŋkï tëthiɔ̈k, wek kɔc cï cɔɔr!

Math 11:5

Cöör ayïnkï, ku ŋöl aciɛthkï apiɛth, kɔc de gup wɛth acïk gup waar, mïŋ apïŋkï, kɔc cï thou acï ke jat nhial ka cïk pïïr, ku kɔc kuanynyïïn aye ke guiëër wëlpiɛth.

Math 9:30

Go ke liep nyïïn. Na wën, ke ke lom Yecu thook arëët an, “Duökï lëk raan däŋ mäthdhiëën.”

Jɔn 16:27

Wäär guöp anhiaar week, luɔi nhiaar wek ɛn, ku luɔi cä wek a gam nɔn ë bä yɛn tëde Nhialic.

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

2 Kor 7:6

Acakaa kakë kek ë nu, Nhialic, Raan ë kɔc riit piɔ̈ɔ̈th kɔc ë piɔ̈ɔ̈th dhiau, acï wo riit piɔ̈ɔ̈th në bɛ̈n de Tito.

Epethiei 1:18

Ke we bï tɔ daai apiɛth në nyïïn ke wepiɔ̈ɔ̈th, bäk aŋäth ŋic aŋäth de cɔ̈tdɛn cï en we cɔɔl, ku ŋiɛckï dhuëëŋ bïï Nhialic lɔ̈ɔ̈k lak ë kɔckɛn ɣerpiɔ̈ɔ̈th yiic, dït dïït en,

Nyöŋ 33:3

Bɛ̈nydït anhiaar kɔcke, ku ee kɔc ke nɔmde gël Agoku wonïïm guöt piny në yecök, ku rïïuku lööŋke.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.