Diɛt 145:18 - JAM DE NHIALIC 2011

¹⁸ Athiɔ̈k ke kɔc ee ye cɔɔl, kɔc ee yen cɔɔl ë piɔ̈nden ëbɛ̈n.

Diɛt 145:18 ပူးပေါင်းရင်းမြစ်များ

Diɛt 119:151

Ku Yïn thiɔ̈k ë yalɔ̈ɔ̈m Bɛ̈nydït, ku lööŋku kedhie ayek tɔ̈u tëden ë caŋɣɔn.

Diɛt 119:2

Thieithieei në kɔc ë lööŋke tiiŋ yic. Ku rïïukï keek në piɔ̈ɔ̈thken yiic ëbɛ̈n.

Diɛt 17:1

Piŋ lɔ̈ŋdï Bɛ̈nydït yɛn lip yic, gɔk lɔ̈ŋdï yic apiɛth yɛn läŋ kuɔɔny! Piŋ lɔ̈ŋdiën cïn yic ruëëny.

Diɛt 34:18

Bɛ̈nydït ee tɔ̈u tëthiɔ̈k kekë kɔc cï piɔ̈ɔ̈th dhuɔɔŋ, ee kɔc cï ciɛ̈n aŋäth kony.

Diɛt 46:1

Nhialic Yen ee gëlgëlda ku riɛlda, atɔ̈u ëceŋ ke bï wo kony në akööl ke nuan.

Diɛt 46:5

Nhialic anu ë pänydïïtë yic, ku acïï bï riɔ̈ɔ̈k taitai, aye Nhialic kony miäk adurduur.

Kɛ̈ŋ 15:8

Miɔ̈c näk ye kɔc ee karɛc looi gam ee gök de kërɛɛc mɛɛn ë Bɛ̈nydït, ee lɔ̈ŋ de kɔc piɛth piɔ̈ɔ̈th yen anhiɛɛr.

Yith 58:9

Ku të läŋ wek, Yɛn bï lɔ̈ŋdun bɛ̈ɛ̈r. Të caal wek ɛn, Yɛn bï cɔ̈tdun dɔk nɔm. “Të la wek yaaŋ pɔ̈l, ku pälkï agöth, ku jam rac ëbɛ̈n,

Dhiëëu 3:57

Yïn cï lɔ̈ŋdï bɛ̈n bɛ̈ɛ̈r, ku yɔ̈ɔ̈kë yɛn nɔn cän bï riɔ̈ɔ̈c.

Ɣodh 7:14

Acïkï Yɛn ee lɔ̈ŋ ëgɔk në kepiɔ̈ɔ̈th, ku ee dhiëëu yen ye kek dhiau ke ke lam yiëth. Ayek kenïïm mat në këde rap, ku mɔ̈u, ku acïk Ɛn nyääŋ piny.

Math 23:13

“Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! Wek ë kɔc guöör biic ë Ciɛɛŋ de paannhial, wegup wek cie lɔ thïn, ku kɔc kɔɔr lɔ thïn acäkï ke ye päl lɔ thïn ayadäŋ.

Jɔn 14:23

Go Yecu bɛ̈ɛ̈r, yöök an, “Të nhiɛɛrë raan ɛn, ka bï wëlkï muk: go Wäär nhiaar, agoku bɛ̈n të nu yen, rëërku në yen ëtök.

Jɔn 4:24

Nhialic ee Wëi, ku kɔc lam en abïk e dhil lam në wëi ku në yic.”

Nyöŋ 4:7

“Acïn jur däŋ, cakaa yen ë dït, jur de nɔm yanh thiääk kekë keek, të kɔɔr kek yen cït man ë Bɛ̈nydït Nhialicda, ke wook. Ee lɔ̈ŋda, piŋ të cïï wok en cɔɔl bï wo kony.

Jakop 4:8

Yak röt cuöt Nhialic, ke bï rɔt aa cuöt week. Wakkï wecin abïk piath, we kɔc ee kërac looi, ku takï wepiɔ̈ɔ̈th agɔk, wek kɔc ee piɔ̈ɔ̈th rou.