Diɛt 143:10 - JAM DE NHIALIC 2011

¹⁰ Yïn e Nhialicdï, piööcë yɛn bä këde piɔ̈ndu looi. Bä piath we yɛn, ku caathë yɛn ë kueer piɛth yic.

Diɛt 143:10 ပူးပေါင်းရင်းမြစ်များ

Neɣe 9:20

Në biäk de piathdu acï ke bɛ̈n lɛ̈k kë duëërkï looi, aake ye cääm në mana, ku gäm ë keek pïïu bïk dek.

Diɛt 118:28

Yïn ee Nhialicdï, ku Yïn bä gäm lɛc, yɛn bï dïtdu lɛ̈k raan ëbɛ̈n.

Diɛt 119:12

Bɛ̈nydït, Yïn bä piɔɔny, wɛ̈ɛ̈të yɛn në kuɛɛrku.

Diɛt 119:35

Tɔ yɛn riëëu cök ke lööŋku, në biäk ee yen ɛn tɔ mit piɔ̈u.

Diɛt 139:24

Tïŋ na de kërɛɛc tɔ̈u ë yapiɔ̈u ku bä ya wat ë kueer ë pïïr athɛɛr yic.

Diɛt 140:6

Guɔ lɛ̈k Bɛ̈nydït an, Yïn ee Nhialinydï. Bɛ̈nydït, piŋ dhiëndiën kaar ɛn kuɔɔny!

Diɛt 22:1

Nhialicdï, Nhialicdï, eeŋö pɛ̈l yïn ɛn? Yïn cä cɔɔl në dhiënëpiɔ̈u an luäk ɛn ku Yïn kën bɛ̈n.

Diɛt 23:3

Ee ya bɛ̈ɛ̈i piɔ̈u. Ee ya caath në kueer de piathëpiɔ̈u, në biäk ë piath de rinke.

Diɛt 25:12

Raan ee Bɛ̈nydït riëëu, yen aye Bɛ̈nydït nyuöth kueer cï lɔc.

Diɛt 27:11

Wɛ̈ɛ̈t ë yɛn Bɛ̈nydït në kueerdu, ku tɛ̈ɛ̈kë yɛn në kueer piɛthic, në biäk de yɛn nɔm kɔc ke ater juëc.

Diɛt 31:14

Ee Yïn aŋääth Bɛ̈nydït, ee Yïn ee Nhialicdï.

Diɛt 63:1

Nhialic, Yïn ee Nhialicdï, Yïn kaar. Guöpdï ëbɛ̈n akɔɔr Yïn, yɛn cï yal në Yïn cït man ë piny ril cïn yic pïïu, piɔ̈ndï ë yal në Yïn.

Yith 29:10

Bɛ̈nydït ë we tɔ nok, ë döŋ ke ye nïn yen bä wek niin arëët. Tït ke Nhialic aduëërkï aa nyïïn ke kɔc, ku acï Nhialic ke cɔɔr nyïïn.

Yith 63:14

Acït man ye ë ɣɔ̈k kuaath ë wak de yic wal, yen acïï Wëi ke Bɛ̈nydït kɔc ke tɔ lɔ̈ŋ. Acï kɔcke wat ku tɔ rinke yök dhuëëŋ.

Maika 4:2

Juöör juëc abïk aa bɛ̈n ku luelkï an, “Bäkï, lok nhial në kuur ë Bɛ̈nydït nɔm, lokku Luaŋdït de Nhialic de Yithriɛlic. Löŋ de Bɛ̈nydït aye wɛ̈ɛ̈t në Jeruthalem Lokku ke bï wo lɔ nyuöth kuɛɛrke, ke buk keek kuany yiic, në Dhiɔn yen aye kɔcke wɛ̈ɛ̈t thïn.

Kuɛ̈n 9:22

Të cïï luät nïn aa rou ke rɛ̈ɛ̈r ë paany nɔm ee të töŋë, ku nɔn yen pɛɛi, ku nɔn yen ruöön, ku nɔn wɛ̈ɛ̈r ruöön, ke kɔc ayek rëër ë të töŋë ke ke cïï jël të kën ë luät jäl. Na cï luät jäl ke ke jël ayadäŋ.

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Jɔn 14:26

Ku Raan ee kɔc muk piɔ̈ɔ̈th, yen aye Wëidït ɣer, Wëi bïï Wäär tooc në rinkï, yen abï we wɛ̈ɛ̈t ë këriëëc ëbɛ̈n, ago we tɔ tak wenïïm ë ka cä lɛ̈k week kedhie.

Romai 15:13

Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.

Romai 15:30

Ku ënɔɔnë, wek läŋ, wek mïthëkɔckuɔ, në biäk de Bɛ̈nydan Yecu Kërtho, ku nhiëër ë Wëidït an, bäk a kony në lɔ̈ŋ aa wek Nhialic lɔ̈ŋ arëët në biäkdï, cït man ë kɔc wiët,

Romai 5:5

ku aŋäth acïï raan ë tɔ yäär, luɔi cï nhiëër ë Nhialic luööŋ ë wopiɔ̈ɔ̈th në Wëidït ɣer cï gäm wook.

Romai 8:2

Ku löŋ de Wëi ke pïïr, löŋ nu ë Kërtho Yecuyic, acï a luöny bei në löŋ de kërac kekë thuɔɔu.

Romai 8:26

Ku Wëidït ee wo kony aya në kɔ̈c kɔ̈ɔ̈c wok, lɔ̈ŋ bï wok lɔ̈ŋ apiɛth akucku, ku Wëidït guöp yen aye lɔ̈ŋ në biäkda në keŋ cïï duëërë lueel.

Epethiei 4:30

Duökï Wëidït ɣer ke Nhialic tɔ dhiau piɔ̈ɔ̈th, Wëi cï we gɔ̈ɔ̈r piɔ̈ɔ̈th ë keek aɣet kööl ë wɛ̈ɛ̈r wëërë kɔc bei ëliŋliŋ.

Epethiei 5:9

kak ye ɣɛɛrëpiny ke luɔk ayek luɔi de këpiɛth ëbɛ̈n ku piathëpiɔ̈u ku yic.

2Tim 1:7

Nhialic akën wo gäm piɔ̈n ë riɔ̈ɔ̈c, ee piɔ̈n ë riɛldït, ku nhiëër, ku pɛlënɔm, en aa gëm wook.

1 Jɔn 2:27

Ku na week, töny cäk yök tëde yen atɔ̈u ë weyiic, ku acïn raan däŋ kaarkï raan duëër we wɛ̈ɛ̈t, ku acït man ee töny manë we wɛ̈ɛ̈t në këriëëc ëbɛ̈n, ku ye yic, ku cie lueth, ke we bï tɔ̈u ë yeyic, cït man ë wëët en week.