Diɛt 141:4 - JAM DE NHIALIC 2011

⁴ Gël ɛn në kɔ̈ɔ̈r de luɔi rac ku në luɔi cän bï mat wo kɔc rac ë luɔi racic. Në ya cïï mät wo keek ë dhuëŋken yiic.

Diɛt 141:4 ပူးပေါင်းရင်းမြစ်များ

Cäk 27:14

Ago ke lɔ yiɛ̈n man. Go man kuïn mit bɛ̈n thaal, në thät nhiɛɛr ë wun.

1 Mel 13:8

Go raan de Nhialic lɛ̈k melik an, “Na cak a gäm biäk de baaidu yic, yɛn cï duëër lɔ baai wo yïn, ku yɛn cï pïïu duëër dek ku cä kuïn cam ee tënë,

1 Mel 22:22

Go Bɛ̈nydït luɔp an, ‘Adï?’ Go wëi lueel an, ‘Yɛn bï lɔ ku bä aa wëi tör lueth në tït ke Aɣap thook ëbɛ̈n.’ Go Bɛ̈nydït lueel an, ‘Lɔ mathë. Yïn bï tiam.’”

1 Mel 8:58

në gëm wook ŋɔ̈ɔ̈ŋ bï wok këde piɔ̈nde aa looi në këriëëcic ëbɛ̈n, ku buk lööŋke aa riëëu ëbɛ̈n, lööŋ ɣɔn cï gäm kuarkuɔ.

Diɛt 119:36

Gämë yɛn kueer bän lööŋku riëëu awär kuɛthdï në kajuëc.

Diɛt 28:3

Du ɛn lui këtuc wo kɔc rac, kɔc ee karɛc looi, ayek këpiɛth lueel ë kethook, ku thiëŋkï piɔ̈ɔ̈th në män.

Yith 63:17

Eeŋö yïn wo tɔ mär kueerdu? Eeŋö yïn wo tɔ ril nïïm abuk röt yal wei në kueerdu yic? Bä ciëën, në biäk de kɔc ee yïn luööi, ku në biäk de dhiëën ee kaku.

Kuɛ̈n 25:2

Ago duet keek aa caal në miɔ̈c de yiëthkeniic. Agokï aa lɔ cam ku lamkï yiëthken.

Math 6:13

Ku du wook ë lɛɛr ë themic, Ye wo luök në kërac, Ciɛɛŋ ee këdu, riɛl ee këdu, Dhuëëŋ ee këdu, aɣet athɛɛr. Amiin.

1 Kor 10:31

Yen na yak cam, ku yak dek, ayï të de yen kë bäk aa looi, yak käŋ looi kedhie ke Nhialic bï dhuëëŋ yök.

1 Kor 15:33

Duökï röt tɔ mɛthë: män mɛtë raan ke kɔc rac, yen aye ciɛɛŋ piɛth riɔ̈ɔ̈k.

2 Kor 6:17

Go ë Bɛ̈nydït lueel an, “Yen bä wek bei në keyiic, abäk röt tɔ ye kɔc mɛɛn pei. Ku duökï kënhiany ee jak, ku we bä dɔm.

Nyöŋ 2:30

“Ku Thiɣon melik de Ɣecbon ëbɛ̈n jai ku cïï wook pɛ̈l luɔi bï wek tëëk paanden, në cïï Bɛ̈nydït Nhialicdun yen tɔ ril nɔm ago tääu në wecin. Ku tiamku, rumku pinyde ëbɛ̈n.

Nyöŋ 29:4

Ku agut cï ee köölë akën we tɔ yök ka cä keek tïŋ yiic.

Jakop 1:13

Ë cïn raan ë ye lueel, të themë ye an, “Yɛn them Nhialic.” Nhialic acïï duëërë them ë kërac, ku Yenguöp acïn raan ee them ayadäŋ.

Nyuuth 18:4

Guɔ röl däŋ ë raan piŋ, röl bɔ̈ paannhial, lueel en, an: “Bäkï bei thïn, wek kɔckï! Ke we cïï bï mat në yen ëtök në karɛcke, ke we bï liu ë kakɛn riäk en yiic!